1 Juan 2:14 - Nuevo Testamento Toba Sombrero Negro

¹⁴ Ami yalaqapi, queda'me joote ami janema da'me 'yaqatac qa'a auatetoñi joñe'me Qadet'a. Ami 'yaĝaiquipi, queda'me joote ami janema da'me 'yaqatac qa'a auatetoñi joñe'me jo'ne jalchi'ena 'uo joca'li yemta. Ami joĝodipi, queda'me joote ami janema da'me 'yaqatac qalaqach'ele ami 'uañaĝayaqolqa, nataq'aen da'me joote auacoñiyegueta daa'me 'laqataqa ñe'me Dios, nataq'aen queda'me joote anomachi joñe'me payac.

Nuevo Testamento Toba Sur

¹⁴ Qaq qami' ÿi'axaiquipi, qami' samaxalo ana ÿide, cha'ayi mashi qauauattoñiita som nal'ena da huo'o co'ollaq saxanaxa da huo'o ana 'alhua. Qataq qami' nsoxotpi, qami' samaxalo ana ÿide, cha'ayi ÿataqta qami' 'añaxaiqa, qataq qauacoñiiguet da l'aqtac ñi Dios, qataq cha'ayi sogote qodoxonqui so shiÿaxaua lma'na.

1 Juan 2:14 Iomraidhean Croise

Juan 15:7

“Qom nach'e eta't adaloi'ta't da'me jayem auoqochiyeguet, queda'me nach'e eta't ami uetauelo naa'me 'yaqataqa, qama'le gamachaqaega aviyaĝañiyaque ami qoyanema.

Juan 5:38

nataq'aen da'me jo'ne 'yaĝatetac ja ami 'te netayelo, qa'a ja jayem 'te auep'iiya'a queda'me naqayem jo'ne namaĝaquena ñe'me Qadet'a.

Juan 8:31

Qama'le Jesús t'aqataĝanema jogaa'me judiopi jo'ne naquiaĝata nataq'aen da'me p'iida'a joñe'me, enaac: —Da'me ami, qom nach'e eta't da'me aviyamaĝache'tape naa'me 'yaqataqa, qama'le naqa'ami jo'ne yataqachiñe ami yapaĝaguenataqa;

Juan 8:37

Jayem joote jayaten da'me auachiyoqoya'aguet di'me Abraham, qalaĝaja jetaque jayem aualachi da'me aueñi yaviyaĝajet da'me jo'ne ami ja'aĝatema.

Efesios 6:10

Ami yaqaya'olqa jo'ne yataqata ademii'teguet joñe'me Cristo, nach'e eta't a'nañaĝachiyeguet da'me 'lañaĝac joñe'me.

Filipenses 4:13

Nach'eñe ñe'me Cristo jo'ne ya'uo joga'me 'yañaĝac qaedi male jeloquetape'to naa'me naajo' qat'oyaĝaco da'me jouaqa'ta jena'me aleua.

Colosenses 1:11

Jajelaĝanoqot joñe'me qaedi en chiyaqayi da'me p'ajaye lañoqotaĝanaĝac da'me ami 'yañaqate't, qaedi naq'aeta da'me auaqanachichi ta'le anapogaĝadeñiyeguet ena'uac nataq'aen 'uo da'me at'añaĝaqui choqoda'me adamaiqui.

Colosenses 3:16

'Noota qom Cristo 'laqataĝanaĝac nach'e eta't jaqachiguilo q'ae'n naa'me adai'lidi'. Nataq'aen ami yatenaĝanaĝayaqa da'me anapaĝagueñiya't nataq'aen anequeuoquitalo nale gaa'me adaqayadi'. Nataq'aen da'me 'uo da'me lamai'j naa'me adai'lidi' qama'le a'nonaĝachigui joñe'me Dios, a'uoñe'tape joga'me nalaco jo'ne Dios Lepaqal ami yanema.

2 Timoteo 2:1

Am yalecolac, 'noota qom auaconeguet da'me at'añaĝac jo'ne Dios am yanem queda'me ademe'teguet joñe'me Cristo Jesús.

Hebreos 8:10

Qom male yenoĝodegue jogaa'me noloqo'ote Qama'le naq'aeta da'me 'yamaqatenataĝanaĝac Qaedi ñiyamaĝadenegueta jogaa'me lec'oqo'tepi ñe'me Israel: Janauelo qomle naa'me laqai'go daa'me yamaĝajoĝonaĝaco, Qama'le jedelo'te jogaa'me lai'li; Qa'a naqayem jo'ne mach'e jayem Nedios, Chane'eja joga'me jiyaĝadipi nach'egaua jo'ne mach'e ñejoĝonaqapi.

1 Juan 1:1

Ami yaqaya'olqa, ami ja'aqataĝanaqatapema nayi queda'me jo'ne jalchi'ena 'uo joca'li, nach'eñe jo'ne joote jomachaĝa nataq'aen yataqachiñe jauanaĝa; nach'eñe jo'ne joote jec'atenaqatac choqoda'me joote jepotaqatac; nach'eñe 'naqataĝanaĝac jo'ne dechoqotaĝanec da'me 'noyaĝac jo'ne dalaĝaic.

1 Juan 1:10

Qom 'uo ga'me enaac: “Ja jaue gamachaqaega yoec”, qama'le en pecaic joñe'me Dios, nataq'aen maliaĝa ja yaconegueta daa'me 'laqataqa joñe'me.

1 Juan 2:13

Ami 'yaĝaiquipi, ami janema jenjo' 'yaqatac qa'a joote auatetoñi joñe'me jo'ne jalchi'ena 'uo joca'li yemta. Ami joĝodipi, ami janema jenjo' 'yaqatac qa'a adaloya'aguet ta'le anomachi joñe'me payac.

2 Juan 1:2

Ami joqopitalo qa'a jouaĝat da'me jo'ne qo'mi uetauelo jo'ne eja 'me yataqatelegue, jo'ne uetauelo naa'me qadai'li qama'le nach'e eta't da'me qo'mi uetauelo.

3 Juan 1:3

Yataqachiñe jalcote da'me jayem matac queda'me uo'oe gaa'me qadaqaya'olqa jo'ne nededa'aquena jo'ne am 'yaĝatetedac queda'me am yataqatelegue, qa'a nach'e aueta't ja anañaĝanañi da'me jo'ne eja.

Apocalipsis 2:3

Nataq'aen jayaten da'me oquitalegue da'me 'noota ladic, qama'le 'uo da'me adachoĝodequi queda'me yajouaĝat jayem, choqoda'me ja adeliñi'ñejop.

Apocalipsis 2:7

Qom auaqanachichi ta'le auomachii, ¡'noota qom anaquiaĝañiya joñe'me Dios Lepaqal jo'ne dojapegue'to joga'me Dios lec'oqo'tepi! Qama'le gaa'me jo'ne yovidedeta da'me noma't joga'me ja no'en, nach'egaua jo'ne janema qomle ga'me yali'j jo'ne jala jaga'me epaq 'me chiyaqayi da'me nec'alaĝa, nach'aga jo'ne neta'ña di'me noqop'adit joñe'me Dios.»