1 Juan 2:1 - Nuevo Testamento Toba Sombrero Negro

¹ Ami yalaqapi, ami jamaĝalo jenjo' yediijec qaedi qaya'te ya'uo loec. Qalaĝaja, qom 'uo gamachaqaega ya'uo ga'me loec, qama'le joote 'uo joñe'me jo'ne qo'mi de'uolo'te jo'ne ne'tot joñe'me Qadet'a, mach'e Jesucristo jo'ne yataqatelegue.

Nuevo Testamento Toba Sur

¹ Qami' ÿalqolqa, shiyiñi de'eda da qami' samaxalo, yaqto' sa ishit da huo'o ca qau'ochi qadasouaxashichi. Qalaxayi da huo'otaq huo'o ca huo'o ca lasouaxashit, qalaxayi huo'o so ishit da qomi' detaqleguete da detaxaÿapegue' ñi qadta'a. Somayi nachiso so Jesucristo som i'ot ca ÿaÿamaqchiguiñi.

La'aqtaqa Ñim Lo'onatac 'Enauacna 2013

¹ Aỹem ỹataqta qami' sauoteque, 'eeta'am ñaqa'en da maiche qami' ỹalqa. Ỹoqo'oye qami' samaxalo ana ỹere da yaqto' saishet da huo'o ca qauo'oche qarasouaxashechi. Qalaxaye da huo'otaq huo'o ca huo'o ca lasouaxashet, nache So Jesucristo maye no'on da lataxac, Somaye qomi' detaqleguete da datato'ot Ñim Lo'onatac 'Enauacna maye Nta'a.

1 Juan 2:1 Iomraidhean Croise

Lucas 10:22

“Ñe'me Taĝadena' jayem yanema ena'uaque gaa'me jo'ne uo'oe. Qaya'te yayaten jach'e ñe'me Nec'oĝot, dite ñe'me Taĝadena' jayem yateton. Nataq'aen qaya'te yayaten jach'e jogamaĝa Net'a, dite jayem mach'e C'oĝot jateton, nataq'aen ena'uaque jogaa'me jo'ne jetaque jatetonaĝaneque ñe'me Taĝadena'.”

Juan 10:15

Qama'le nach'e ena'am da'me jayem yateton ñe'me Taĝadena' nataq'aen da'me jayem jateton ñe'me Taĝadena', qama'le janegue da'me 'yoyaĝac qaedi ñec'alaĝatedegue jogaa'me 'naĝanaĝatel.

Juan 13:33

“Ami yaqaya'olqa, cha'li cada'ac da'me maliaĝa ami jouetauelo. Qama'le yataqata jayem aueloyaque qomle, qalaĝaja nach'ena jenjo' 'yaqatac jo'ne janema gaa'me judiopi lajoĝola'te ca'li, nach'e ena'am da'me ami janema nayi: ja auaqanachichi ta'le auec'achiya joga'me jajoyi.

Juan 14:16

Qama'le jajelaĝanot ñe'me Taĝadena' qaedi namaĝaquena ga'me laqaya jo'ne necochaĝaua, qaedi nach'e eta't ami uetauelo.

Juan 14:6

Jesús 'yateguet joñe'me: —Naqayem jo'ne naq'aec, 'me eja nataq'aen da'me nec'alaĝa. Qaya'te naq'aec laqaya ta'le qoyovida'a ñe'me Taĝadena'.

Juan 21:5

Ñe'me Jesús yena't jogaa'me: —Jega, ami yaqaya'olqa, ¿qo'li qaya'te adoĝonequi? Qama'le 'yadeteguet: —¡Qaya!

Juan 5:14

Ca'li yem da'me dojo', male Jesús yauana da'me ue'ta ga'me tamenaĝaiqui, qama'le enaac: —Pega, nayi da'me male ademegue; ena'te yitaĝa aua'uo ga'me adoec jo'ne ja no'en, qaedi ja aue qomle ga'me adachoĝodec jo'ne lama'aja.

Juan 5:36

Qalaĝaja 'uo da'me 'naqataĝanaĝac jo'ne yataqachiñe napacalegue da'me 'laqataĝanaĝac ñe'me Juan, nach'eda da'me jo'ne ja'uo; joda'me jo'ne ñe'me Qadet'a jayem nachoĝonaĝanec qaedi je'et, qama'le da'me dojo' jo'ne auañiya yechoĝot da'me yataqatelegue da'me jayem namaĝaquena ñe'me Qadet'a.

Juan 6:27

Da'me ami, a'uonataĝañi, qalaĝaja ja a'uonataĝañetapiye ga'me nalic jo'ne di'yoq, dite ga'me niqui'yaĝat jo'ne nach'e eta't 'uo, 'me chiyaqayi da'me 'nec'alaĝa jo'ne qaya'te loiquiaqa', da'me jo'ne janegue, da'me jayem jo'ne jayem Jiyaĝaua Lec'oĝot, naqayem jo'ne jayem daloĝonataĝana ñe'me Qadet'a Dios, queda'me naqayem jo'ne jayem 'yamaqaten.

Juan 8:11

Jaga'me yauo male 'yateguet: —Am Jaliaĝanec, qaya'te jayem 'yedetec. Jesús male enaac: —Qama'le nach'e ena'am da'me jayem, qaya'te ta'le jen adaviyaĝajet. Qama'le nayi da'me male oc, ena'te yitaĝa a'viyelaĝa't naa'me adoeco.

Hechos 7:52

¿Jach'e jogamaĝa Dios 'laqataĝanaĝanec jo'ne maqachaĝa ja ja no'en da'me 'yetedec dia'me adet'aldi'? Jodia'me yala't gaa'me jo'ne te'me 'yaĝatetapema da'me lovidaĝac ñe'me jo'ne chimaqachiñe, qama'le nayi queda'me jenjo' jo'ne chimaqachiñe joote novi', qama'te mach'e ami da'me ap'aelegue qama'le aualachi ca'li.

Romanos 5:10

Qa'a joñe'me Dios, ca'li maliaĝa qo'mi laute'upi joñe'me mach'eñe qo'mi yadalaĝateque da'me yitaĝa qo'mi yaconegueta.

Romanos 6:15

Chane'eja, ¿jach'e ga'me eeta? ¿Qo'li jauoqo qadoec qa'a ja jouaqa'tot ga'me namaĝajoĝonaĝac dite da'me lichoĝodenataĝanaĝac ñe'me Dios? ¡Qa'ejo' ja naq'aeta!

Romanos 8:34

¿Jach'e ga'me yaqanatet da'me yamaĝadoue da'me ne'uaĝanague'j jogaa'me? Cristo Jesús nach'eñe yeleu ca'li; maliaĝa uoja'eda nach'eñe 'niyelaĝajeguem ca'li qama'le neta'ña yayaten ñe'me Dios, qo'mi nachoĝodetapelo'te.

1 Corintios 15:34

Ami, jalcote 'noota ta'le a'viyelaqaiya da'me onaĝaic adadiqui nataq'aen ja yitaĝa auauoyi adoequi, queda'me uo'oe gaa'me ami uetauelo 'me maliaĝa ja yateto'n ñe'me Dios. Jenaac da'me dojo' qaedi 'uo da'me adepocoĝoqui.

2 Corintios 5:21

Ñe'me Cristo yataqata qaya'te loec ca'li, qalaĝaja Dios 'yetem da'me ena'am ta'le loeco lo'o, qaedi Cristo qo'mi yovidaĝateda'a da'me ena'am ta'le qaya'te qadejamaĝataĝac.

Gálatas 4:19

Ena'am ta'le ami yalaqa da'me ami joqopitalo, qalaĝaja qom cha'li ja auovidiya'a da'me aueñiya'am ñe'me Cristo, qama'le jalcote auauoyi yachoĝodec, ena'am lachoĝodec jaga'me yauo nale yemta niyiñe ga'me c'oĝot.

Efesios 2:18

Jena'me jenjo' ca'li 'lonatac ñe'me Jesucristo, en onolec ladiiuo ga'me judiopi nataq'aen gaa'me ja judiopi, male jauanaĝa ñe'me onolec 'me Dios Lepaqal, jo'ne chiyaqayi da'me male yataqata jovitaĝa ñe'me Qadet'a jo'ne ja 'nalegue.

Efesios 4:26

Qom aualemataitac, ja 'noota ga'me adalemataiqui ami yaueguedoue da'me auauoyi ga'me adoequi; ena'te auen taue ga'me nolo' da'me aualemata,

1 Timoteo 2:5

Qa'a jayatenaq queda'me qaya'te Dios laqaya jo'ne p'ajaye, nataq'aen onolec ga'me jiyaĝaua jo'ne qadetaĝayaĝanaĝanec uotaĝa dauegaqataĝanot joñe'me Dios, nach'eñe ñe'me Cristo Jesús,

1 Timoteo 3:14

Yamaic ta'le paja'a am jauana, qalaĝaja 'uaeñe auaconeguet janjo' yediije

Hebreos 9:24

Qa'a ñe'me Cristo ja taue ga'me tamenaĝaiqui jo'ne 'lonata'j jogaa'me jiyaĝa'u, ga'me jo'ne ch'e lequi'i ga'me tamenaĝaiqui jo'ne yataqatelegue, dite da'me yec'adije'ma di'me piyem, nach'edi di'me jo'ne ua'ague nayi, da'me male dajoya'aguet joñe'me Dios qaedi qo'mi nachoĝodetapelo'te.

Santiago 1:27

Da'me nepe'e jo'ne qaya'te lale'gue nataq'aen da'me ja paĝachigui jo'ne yec'atetac joñe'me Dios mach'e Qadet'a, nach'eda jo'ne chiyaqayi da'me lecochaĝac, lecochiyalo jogaa'me japelqo't choqogaa'me p'ail jo'ne uetedaue da'me lachoĝode'j, nataq'aen da'me ja yaje'tema ta'le en paĝachiguilo da'me ja no'en jo'ne ueta'ña jenjo' aleua.

Santiago 3:9

Jena'me qadachaĝat nach'ena jo'ne 'ñonaĝataĝaye nale joñe'me Qanedios jo'ne Qadet'a, nataq'aen jejouena' nale jogaa'me jiyaĝa'u jo'ne 'lonataqa ñe'me Dios da'me ena'am q'aen joda'me mach'e lajoĝo'j.

1 Pedro 2:22

Joñe'me Cristo qaya'te 'uo ga'me loec nataq'aen qaya'te ta'le 'uo ga'me yoqovi'n.

1 Pedro 3:18

Qa'a nach'e ena'am ñe'me Cristo 'uo da'me lachoĝodec ca'li yeleu, yajouaĝa't naa'me adoecodi', onolec da'me naloĝola't qama'le ja yitaĝa ta'le di'yoq. Ñe'me jo'ne qaya'te ta'le laviyaĝajet qalaĝaja nach'e ena'am 'uo da'me lachoĝodec q'aen yajouaĝat da'me ami loeco lo'ol, qaedi ami yauegalo joñe'me Dios. Qama'le ja qalaq da'me male pal da'me ch'e nejiyaĝauayaĝac ca'li yeleu, qalaĝaja yitaĝa 'niyelaĝajeguem queda'me 'uo da'me 'loyaĝac jo'ne ja di'yoq 'me qaya'te loiquiaqa'.

1 Juan 3:18

Ami yalaqapi, ena'te ch'e jenaĝa qat'aqatac queda'me qadoqopitalo gaa'me qadaqaya'olqa, dite da'me jenaĝa di'yo't daa'me qat'onataqa queda'me eja jechoĝodena' jogaa'me.

1 Juan 3:5

Ami joote auayachiñe queda'me Jesucristo nec'ata joca'li jena'me aleua, qaedi nemenegueta ena'uaque jodaa'me qadoeco, nach'eñe jo'ne qaya'te gamachaqaega ta'le loec.

1 Juan 3:7

Ami yalaqapi, 'noota qom qaya'te ami yoqovi'n. Ga'me jo'ne quetalegue da'me en joĝodaic da'me nejiyaĝauayaĝac, nach'ega jo'ne chimaqachiñe, ena'am joñe'me Jesucristo queda'me yataqata chimaqachiñe.

1 Juan 4:4

Ami yalaqapi, ami yataqata lec'oqo'tepi joñe'me Dios, nataq'aen eja da'me joote anomachi' jogaa'me qovinaĝanaĝaiquipi, qa'a ñe'me Dios Lepaqal jo'ne ami uetauelo yataqachiñe napacalegue joñe'me payac jo'ne uetauelo jogaa'me jo'ne nauteta joñe'me Dios.

1 Juan 5:17

Yema gaa'me ja chimadichidiñe mach'e ja no'en. Qalaĝaja uo'oe gaa'me loeco joga'me jiyaĝadipi jo'ne maqachaĝa ja yovidetaĝateda'a da'me leleuaĝa.

1 Juan 5:21

Ami yalaqapi, achiya'agueta jo' naa'me qonetamenapecoto jo'ne ja ejoda.

3 Juan 1:4

Nataq'aen da'me dojo' yamaic jo'ne p'ajaye queda'me jayate'n jogaa'me yalaqapi queda'me 'nañaĝatela'ajalo quetedalegue da'me jo'ne chimaqachiñe.