1 Juan 1:6 - Nuevo Testamento Toba Sombrero Negro

⁶ Qom 'uo ga'me enaac: “Jema'aguet joñe'me Dios”, qama'te ua'edi maliaĝa quetaue da'me 'lalaĝa, qama'le daa'me 'laqataqa uotaĝa 'lonataqa ja chimadichidiñe.

Nuevo Testamento Toba Sur

⁶ Qaq ÿoqo'oyi da shinaqtega da ñi'adaqtau'a ñimayi, qalaxayi ñaq souaqtaigui na napalaxa, nachi chochi satenataxanaqtac qone' da huo'o ca shinaqpec qataq da huo'o ca so'otaq.

La'aqtaqa Ñim Lo'onatac 'Enauacna 2013

⁶ Qaq da shenaqtega da qanauochaxaua Ñim Lo'onatac 'Enauacna, qalaxaye qolaqto'ot da so'otaqtac da qaye'etaxaloxo, nache qomi' choche satenataxanaqtac, shenaqta'am nam tenataxanaxaicpi maye sa ỹalaxaguet Ñimaye.

1 Juan 1:6 Iomraidhean Croise

Mateo 7:22

Qom yovita ga'me nolo' da'me 'uo da'me nec'atenaĝanaĝac qama'le qayoĝode' gaa'me jayem yiyaĝatedapecot, enapega't: «Am Jaliaĝanec, ¿qo'li ja eja da'me ja'aĝataqatac da'me adenaĝat ca'li japaĝaguenataĝanaq, nataq'aen ca'li jamaĝajoĝodegue ga'me payagodipi choqoda'me jalcote jenaĝa di'yoq da'me lañoqotaĝanaĝac joñe'me Dios?»

Juan 11:10

Qalaĝaja qom 'uo ga'me yeuotapiye ga'me 'lalaĝa, qama'le chiyaqajeguem qa'a qaya'te yoqochiñe.

Juan 12:35

Jesús 'yategueta jogaa'me: —Maliaĝa cha'li cada'ac ami uetauelo da'me yoqochiñe. Chane'eja 'noota qom aueuoitac yatemaliaĝa ami uetauelo jenjo' yoqochiñe, qaedi ja ami 'te yepelaĝa't ga'me 'lalaĝa, qa'a ga'me yeuotapiye ga'me 'lalaĝa ja yayaten ga'me ta'ya.

Juan 12:46

Naqayem jo'ne jayem lecoyadaĝanaĝat jenjo' aleua, qama'le ñanaequena qaedi jogaa'me jo'ne jayem p'iida'a ja uedaue ga'me 'lalaĝa.

Juan 8:12

Jesús yitaĝa yapaĝague'n jogaa'me jiyaĝadipi, qama'le enaac: —Naqayem jo'ne lecoyadaĝanaĝat jogaa'me aleua laje'pi; gaa'me jo'ne jayem quetegue ja yitaĝa uetedaue da'me 'lalaĝa, dite da'me male yauata da'me yoqochiñe jo'ne nec'alaĝa.

Juan 8:55

Qalaĝaja queda'me ja auatetoñi joñe'me, dite jayem qamqa'me jateton. Chane'eja qom jenaac da'me ja jateton, qama'le naqayem jo'ne pecaic, qama'le ami jena'ama. Qalaĝaja queda'me eja da'me jateton joñe'me nataq'aen da'me joqoch'alo daa'me 'laqataqa.

1 Timoteo 4:2

Male yauo'oe 'laqataqa jogaa'me jiyaĝa'u jo'ne ja yataĝalo'te, nataq'aen yataqata pecayaqa, nataq'aen gaa'me lai'li yataqachiñe qaya'te nometeguet ta'le uotaĝa nepoco't joga'me 'yetedac.

Santiago 2:14

Ami yaqaya'olqa, qom 'uo ga'me jo'ne eetapela't 'uo da'me lepe'e, ¿jach'e ga'me yachiyoĝotayi qom ja yaloĝon ga'me jo'ne mach'e chiyaqayi 'me 'lonataĝanaĝac? ¿Qo'li yaqanatet da'me nec'alaĝategue da'me lepe'e?

Santiago 2:16

qama'te 'uo ga'me onolec da'me ami jo'ne eetac: “Onaĝaic adeuoĝoc ga'me auajoyi, auaidiñe ga'me adouo nataq'aen da'me aualic yema ga'me jo'ne mach'e a'uamaqaten”, qalaĝaja ja naqa'am ta'le auanem ga'me youetaque da'me nejiyaĝauayaĝac, qama'le ¿jach'e ga'me 'noota jo'ne auen chiyaqayi?

Santiago 2:18

Qama'le 'uo ga'me jo'ne eetac: “Am, 'uo da'me adepe'e, qama'te da'me jayem, 'uo jena'me 'yonataĝanaĝac. Chane'eja jayem aualoĝona da'me adepe'e jo'ne qaya'te 'lonataĝanaĝac, qama'le da'me jayem am ji'iyelaĝateguet da'me am jaloĝona da'me mach'e yepe'e jo'ne en uo'oe naa'me 'yonataqa.

1 Juan 1:10

Qom 'uo ga'me enaac: “Ja jaue gamachaqaega yoec”, qama'le en pecaic joñe'me Dios, nataq'aen maliaĝa ja yaconegueta daa'me 'laqataqa joñe'me.

1 Juan 1:3

Qama'le naq'aeta da'me ami jechoĝotaqatapema da'me jo'ne joote jauanaĝa nataq'aen jomachaĝa, qaedi qo'mi ademii'tegueta, nach'e naq'aeta da'me qadema'aguet joñe'me Dios jo'ne Qadet'a nataq'aen ñe'me Lec'oĝot Jesucristo.

1 Juan 1:8

Qom 'uo ga'me enaac: “Qaya'te yoec”, qama'le noqovila't nataq'aen da'me eja ja netaye joga'me.

1 Juan 2:4

Ga'me jo'ne enaac: “Jateton joñe'me Dios”, qalaĝaja qom maliaĝa ja yauo'oe daa'me lamaĝajoĝonaĝaco, nach'ega jo'ne qovinaĝanaĝaic nataq'aen da'me eja ja ue'tajop joga'me.

1 Juan 4:20

Qom 'uo ga'me jo'ne enaac: “Joqopita joñe'me Dios”, qalaĝaja qom maliaĝa niquiya'a ga'me laqayolec, qama'le yataqata qovinaĝanaĝaic joga'me. Qa'a qom ja noqopita ga'me laqaya jo'ne yauana, qama'le ¡teua'atoqo' eetapela't noqopita joñe'me Dios jo'ne ja yauana!