1 Juan 1:3 - Nuevo Testamento Toba Sombrero Negro

³ Qama'le naq'aeta da'me ami jechoĝotaqatapema da'me jo'ne joote jauanaĝa nataq'aen jomachaĝa, qaedi qo'mi ademii'tegueta, nach'e naq'aeta da'me qadema'aguet joñe'me Dios jo'ne Qadet'a nataq'aen ñe'me Lec'oĝot Jesucristo.

Nuevo Testamento Toba Sur

³ Qaq qami' sa'axataxama dam sauanaqchigui qataq sa'axasoqchigui, yaqto' qami' ishit da qomi' qan'ayiitau'alo, 'eeta'am da 'eetec da qomi' ñi'idaqtau'a ñi qadta'a Dios qataq so llalec Jesucristo.

1 Juan 1:3 Iomraidhean Croise

Juan 17:11

“Jayem male ja yitaĝa joue'ta jena'me aleua, da'me cha'li jec qaedi yitaĝa am jona'ajop. Qalaĝaja naa'me naajo' qamqa'me maliaĝa ueteda'ña jena'me aleua. Am Taĝadena' jo'ne ja am 'te 'nalegue, 'noota qom auen netelalo naa'me naajo' ac'oqo'te da'me mach'e adañoqotaĝanaĝac jo'ne am chiyaqayi, nataq'aen da'me joote jayem auanem, qaedi male yataqachiñe auen nalo'ta'ajalo qama'le ena'am da'me am nataq'aen da'me jayem.

Juan 17:21

Am ñachoĝodenot qaedi yemeda naa'me naajo' da'me nach'e eta't nalo'ta't; qama'le ena'am da'me am Taĝadena' jayem oue'tajop qama'le da'me jayem nach'e ena'am am jone'tajop, nataq'aen naa'me naajo' qo'mi ue'tajopa, qaedi joga'me aleua laje'pi ja yoqolegue't da'me naqa'am jo'ne jayem anamaĝaquena.

Juan 17:25

Am Taĝadena' jo'ne am yataqatelegue, joga'me aleua laje'pi ja am 'te yateto'n, qalaĝaja jayem qamqa'me am jateton qama'le naa'me naajo' male yayate'n da'me naqa'am jo'ne jayem anamaĝaquena.

Juan 17:3

Qama'le nach'eda da'me 'noyaĝac jo'ne ja 'naidena'a chiyaqayi da'me am qoyateton, da'me am onolec Dios jo'ne yataqatelegue, nataq'aen da'me jayem qoyateton, da'me jayem Jesucristo jo'ne jayem anamaĝaquena.

Juan 19:35

Joñe'me jo'ne yauana da'me dojo', nach'ayem jo'ne ja'aĝatetac, qama'le da'me mach'e 'yaqataĝanaĝac yataqachiñe eja. Nach'e ena'am jayaten da'me jo'ne ja'aĝatetac yataqachiñe eja, qaedi nach'e ena'am da'me ami yataqachiñe auep'iiya'a.

Hechos 13:32

“Chane'eja qo'mi male ami ja'aĝataĝama da'me dojo' onaĝaic 'naqataĝanaĝac: da'me jo'ne Dios yaqataĝanoto ca'li dia'me qadet'al,

Hechos 13:41

«Auec'achiñe, ami jo'ne otanaĝanaĝaiquipi, auoqochetapeguem nataq'aen ami pa'l qomle, qa'a 'uo ga'me ja'uo nayi naa'me noloqo'ote jo'ne ovitauelo, gaa'me 'yonataqa jo'ne ja a'uamaqachiñe qom 'uo gamachaqaega ami t'aqataĝanema.»”

Hechos 2:42

Nataq'aen yataqachiñe 'nañaĝatela'ajalo ca'li da'me yiyamaĝa't da'me lapaĝaguenataĝanaĝa'j jogaa'me Jesús lamaĝa's nataq'aen en lecochaĝanaĝa't ga'me yauata; nataq'aen yema'a't nale yauo'oe gaa'me netamenaĝaco, nataq'aen necolaĝachidiye ga'me pan.

Hechos 20:27

qa'a joote ami jechoĝotetapema ena'uac ga'me jetaque ye'et ñe'me Dios, qaya'te gamachaqaega ta'le ami joĝotetapiñejopa.

Hechos 4:20

Qo'mi ja jaqanatetaq ta'le jaĝanajoĝoye da'me ja'aĝataqatac ga'me jo'ne jauanaqachigui nataq'aen jomachaĝa.

Romanos 15:27

Yataqachiñe eja onaĝaic da'me yauote dojo', mate mane'e eja 'uo da'me nep'iayaĝa'j jogaa'me, qa'a naq'aeta da'me yauote joga'me judiopi, da'me qoyapetedeuo da'me Dios lec'oĝochiyaĝac joga'me ja judiopi, qama'le chimaqachiñe da'me dachetaĝatec da'me leuoyaĝa'j qaedi lecochiyalo gaa'me p'etaqadayaqa jo'ne judiopi.

1 Corintios 1:30

Qalaĝaja nach'eñe ñe'me Dios ami yapetenegueta joñe'me Cristo Jesús, qama'le nach'eñe Cristo qo'mi yanema da'me layatenaĝanaĝac ñe'me Dios. Qama'le da'me Cristo ya'uo ca'li chiyaqayi da'me ena'am ta'le qo'mi e'n yataqatelo'te ñe'me Dios; Cristo qo'mi 'yatetelo'te qaedi maqachaĝa ja qo'mi 'te 'nalo'te nataq'aen qo'mi yaĝayaĝa'n qaedi ja jaĝaue da'me ja no'en.

1 Corintios 1:9

Dios nach'e eta't en yepaquetelegue ga'me jo'ne joote 'yaĝatetac, nataq'aen nach'eñe joñe'me joote ami yiyaĝanalo ca'li qaedi ademii'teguet ñe'me C'oĝot Jesucristo, mach'e Qadejaliaĝanec.

1 Corintios 15:1

Ami yaqaya'olqa, jetaque ami ñetouenaĝanaĝaneque da'me onaĝaic 'naqatac jo'ne ami jaqataĝana'aque ca'li, da'me jo'ne auacoñiyeguet ca'li, nataq'aen da'me nach'eda chiyaqayi da'me ami chimadichidiñe.

Efesios 3:6

Qama'le jena'me jenjo' 'lonataĝanaĝac ñe'me jo'ne yataqata ja qoyayaten ca'li, mach'e jenjo' jo'ne enaac: chiyaqayi da'me joote ye'et ca'li joñe'me Jesucristo, yema ga'me ja judiopi male yaqanate't ta'le yacoteguet jena'me nec'alaĝa, nataq'aen yacoteguet yema joga'me ca'li qo'yaĝatetac mach'e 'laqataqa ñe'me Qadet'a jo'ne yanouelo dia'me Israel laje', nataq'aen male onolec jena'me lec'oqo'tepi. Onolec da'me jauoqo da'me jaconaĝaguet jena'me jenjo' 'naqataĝanaĝac jo'ne onaĝaic.

Filipenses 1:7

Qama'le jeetapega 'noota da'me nach'e eta't ami jenatetapegalo, qa'a yataqata ami joqopitalo. Nataq'aen jayaten da'me yataqata ami uetauelo da'me lañoqotaĝanaĝac joñe'me Dios, qama'le jayem alecochiiya jena'me jenjo' 'yonatac jo'ne Dios jayem yanem, uotaĝa joue'ta jana'me janjo' coñetaĝanaĝaiqui, uotaĝa nale jajo'tagueta jogaa'me jiyaĝa'u yatenaĝanaĝayaqa, qaedi ja'aĝatetac jena'me jenjo' eja ladic, chayovida'a da'me yataqata yacoteguet.

Filipenses 2:1

Joñe'me Cristo yataqata ami 'yañaqate't, jouaĝat da'me ademii'teguet joñe'me, nataq'aen da'me loqopich'i joñe'me male ami loyaĝanate'tape. Nataq'aen nach'eñe joñe'me Lepaqal jo'ne ami uetauelo, chayovida'a da'me yataqata ami joĝodayaqa nataq'aen ami choĝodenataĝanaĝayaqa.

Filipenses 3:10

Qama'le nayi nach'edata da'me yataqata jetaque jateton ñe'me Cristo, qaedi yataqata ñauela't da'me lañoqotaĝanaĝac, nach'eda jo'ne chiyaqayi da'me nec'alijeguem ca'li joñe'me, qama'le qom 'uo ga'me yachoĝodec qomle, jetaque jena'am joñe'me ca'li yataqata qoya'uo da'me lachoĝodec, nataq'aen joda'me leleuaĝa ca'li, nach'e ena'am jetaque jena'am qomle da'me jayem,

Colosenses 1:13

Ñe'me Dios joote qo'mi nec'alaĝatedegue, da'me qo'mi yachiyoĝotauelo joda'me 'lañaĝac ga'me 'lalaĝa, qama'le qo'mi yovidaĝateda'a da'me lejaliaĝa ñe'me C'oĝot jo'ne yauotec,

1 Ts 1:10

choqoda'me auache'ta joñe'me Jesús da'me 'niyelaq, chiyaqa'ague jodi'me piyem, nach'eñe jo'ne Dios Lec'oĝot 'me mach'e Dios nec'alaĝachijeguem ca'li. Jesús nach'eñe qo'mi nec'alaĝatedegue qaedi ja qo'mi 'te nedalo'te da'me t'adaic ne'uaĝanague'j ga'me jiyaĝadipi jo'ne na'ta.

1 Timoteo 6:2

Nataq'aen qom p'etaqadaic ga'me adadipa, yataqata auanem da'me adoqopich'i choqoda'me adichoĝodenataĝanaĝac, qa'a jenjo' mach'e adaqaya da'me 'uo ga'me adepe'e. Mac da'me a'uetec da'me yataqata alecochiya, qa'a jenjo' at'onatac nataq'aen qoyen 'lonatac, chiyaqa'alo jiyaĝa'u jo'ne p'iida'a ñe'me Dios, chane'eja 'noota ta'le yataqata aviyamaĝatetac ga'me aue'et. Daa'me daajo' 'noota qom yataqata auapaĝaguenataĝaneque nataq'aen auamaĝajoĝolo'te.

Hebreos 2:12

Qama'le yitaĝa dojapegue' joñe'me Dios, enaac: “Am ja'aĝatema qomle jogaa'me jo'ne mach'e yaqaya' qom yema'a't, Nataq'aen da'me jo'onaĝan da'me yataqachiñe am 'ñonaĝachigui.”

Hebreos 3:1

Chane'eja, ami yaqaya'olqa, da'me ami jo'ne ami liquiyaqa joñe'me Dios qaedi male en mach'e ami lec'oqo'tepi, 'noota qom auenache'ta joñe'me Jesús jo'ne Lamaĝajec joñe'me Dios, nataq'aen nach'eñe ñe'me Qadejaliaĝanec mach'e Qadetaĝayaĝanaĝanec jo'ne dajo'tot joñe'me Dios.

Hebreos 3:14

Qa'a da'me qo'mi, male qo'mi lequiaĝa'u ñe'me Cristo, qom nach'e eta't 'ñañaĝataĝac da'me qadepe'e jo'ne 'uaechiñe 'me qo'mi uetauelo.

1 Pedro 5:1

Nayi ami jaqatalo, ami 'yaĝaicachidi jo'ne ami lajoĝola'te gaa'me p'etaqadayaqa, queda'me nach'e ena'am jayem 'yaĝaicachigui jo'ne ja'aĝatetac da'me jo'ne lachoĝodec joñe'me Cristo, qama'le nataq'aen jouetaue qomle da'me 'lonaĝa joñe'me jo'ne qo'mi di'yoĝoma jo' qomle.

2 Pedro 1:16

Joote ami japaĝaguenaĝaque da'me lañoqotaĝanaĝac ñe'me Qadejaliaĝanec Jesucristo nataq'aen da'me eeta da'me 'liyelaĝajoĝoc, qama'le jenjo' napaĝaguenataĝanaĝac jo'ne ami janemaĝam ja chiyaqayi ga'me 'naqataĝanaĝac jo'ne ch'e qoya'uo uotaĝa ga'me jo'ne ch'e qoyepetetapega, qa'a da'me qo'mi yataqata jauanaĝa ca'li ñe'me Jaliaĝanec da'me yataqachiñe let'adaic da'me lañoqotaĝanaĝac.

1 Juan 1:1

Ami yaqaya'olqa, ami ja'aqataĝanaqatapema nayi queda'me jo'ne jalchi'ena 'uo joca'li, nach'eñe jo'ne joote jomachaĝa nataq'aen yataqachiñe jauanaĝa; nach'eñe jo'ne joote jec'atenaqatac choqoda'me joote jepotaqatac; nach'eñe 'naqataĝanaĝac jo'ne dechoqotaĝanec da'me 'noyaĝac jo'ne dalaĝaic.

1 Juan 1:5

Dojo' 'naqataĝanaĝac jo'ne Jesucristo qo'mi yapaĝagueneque nataq'aen queda'me ami jechoĝotaqatapema: ñe'me Dios mach'e yoqochiñe qa'a yataqachiñe ja 'nalegue, nataq'aen qaya'te gamachaqaega 'lalaĝa ta'le ue'tot joñe'me.

1 Juan 1:7

Qalaĝaja, qom qolaqataue da'me yoqochiñe, nach'e naq'aeta da'me Dios uetaue da'me yoqochiñe, qama'le 'uo da'me qadaqayayaĝac, nataq'aen male lapalaqate' ena'uaque jodaa'me qadoeco queda'me naliñi qoyen jaga'me letauo' joñe'me Jesucristo jo'ne Lec'oĝot ñe'me Dios.