Nsumuinu 7:3 - MUKANDA WA MYIDI MUKULU

³ Enda nadi miaba yonsu bu kakanu ka ku munu, udifunde mu muoyi webe.

Mukanda wa Nzambi Dihungila Dikulukulu ne Dihungila Dihia-dihia 2003

³ Ubisuike ku minu yebe; ubifunde mu mutshima webe.

Nsumuinu 7:3 Iomraidhean Croise

Nsumuinu 3:3

Wikale muena dinanga ne muena muoyi umue. Ngenzelu eyi ikale bu webe nsala wa lumu. Uyifunde mu muoyi webe.

Nsumuinu 4:21

Kupu mibelu yanyi muoyi. Kadi uyilame munda mua muoyi webe.

Nsumuinu 6:21

Ubivuluke matuku onsu mu muoyi webe. Ubilame bimpe, bu masanga a mushinga mukole, adibu bela mu nshingu.

Nsumuinu 7:4

Unemeke meji bikole bu muudi unemeka muanenu wa bakaji menemene. Ambila lungenyi ne: wewe udi mulunda wanyi wa pa muoyi.

Yeshaya 30:8

Maweja-Nangila kuambila Yeshaya ne: “Funda mpindiewu miaku eyi pa dibaya. Uyifunde mu mukanda, bena Yerushalayime batangile. Nanku miaku eyi neyishale kashidi, neijadike bubi bua bantu banyi tshiendelele.”

Yeshaya 59:21

Maweja-Nangila kuamba kabidi ne: “Monayi ndondu undi ntua nenu: Mueyelu wanyi neunutulukile. Ndi nnulongesha malu anyi bituadije ku mpindiewu ne kashidi. Tshiena ngumusha dilongesha edi kunudi, nansha kudi bana benu, nansha kudi biikulu benu. Meme Maweja-Nangila ndi njadika nanku awu.”

Yirmeya 17:1

— Tshilema tshia bena Yuda tshidi mu muoyi wabu kashidi. Tshidi amu bu miaku idibu bafunde ne ntapu wa tshiamu, nansha ne lusongu lua dibue dia mbongu. Bavua batshifunde kabidi ne ku matumba adi ku bilambuilu biabu.

Yirmeya 31:33

Kadi Maweja-Nangila udi wamba ne: ndondu indi ntua ne bena Izrayele neikale nenku: Nemfunde mikenji yanyi mu muoyi wabu wa munda. Tshiena nyifunde kabidi pa mabue to. Nenyifunde munda muabu. Nengikale Mvidi Mukulu wabu, bobu nebikale bantu banyi.

2 Korente 3:3

Eyowa, nuenu nudi mukanda uvua Kristu mufundishishe kutudi. Kena muufundishishe ne mayi a mukanda, kadi amu ku bukole bua Mueyelu wa Mvidi Mukulu udi ne muoyi. Kena muufundishishe pa mabue, kadi amu mu mioyi ya bantu.