Nsumuinu 24:7 - MUKANDA WA MYIDI MUKULU

⁷ Muntu mupote kena mua kumvua tshidi bena meji bamba. Nanku kena ne bua kuakula padi bena meji balongolola malu a ditunga.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Meji adi atamba muhote bule; kena ubululula mukana muandi ku tshibuelelu tshia musoko.

Nsumuinu 24:7 Iomraidhean Croise

Yobe 31:21

Bu meme mukanyina muana nshiya ku tshilumbuluilu, bualu bandumbulula bonsu mbalunda banyi,

Yobe 5:4

“Bana bende, kabapetshi udi mua kubambuluisha. Babafundile tshibawu ku kabadi! Kakuena muntu udi mua kubasungidila.

Misambu 10:5

Bionsu bidiye wenza bidi biya kumpala. Paudi ukosa tshilumbu tshiende, kabiena bimuenzela bualu, bualu wewe udi kulu kule!

Misambu 127:5

Muntu udi ne mikete eyi mu tshibubu tente, udi ne disanka! Yeye ulumbulula ne baluishi bende ku tshibuelelu tshia musoku, kabena mua kumufuisha bundu.

Nsumuinu 14:6

Musekianganyi udi ukeba kupeta meji, kadi kena wapeta to. Muntu udi wela meji, udi umanya lukasa tshidiye ne bua kuenza.

Nsumuinu 15:24

Muntu wa lungenyi udi ulonda njila udi lunupetesha muoyi. Udi wepuka njila udi upueka mu kandondu ka buloba.

Nsumuinu 17:16

Makuta adi mua kuambuluisha muntu mutatakane ku tshinyi? Bua kusumba nawu meji anyi? Kena nansha welaku meji to!

Nsumuinu 17:24

Muntu muakane udi ukuata mudimu ne meji. Kadi muntu mupote udi utangila kudiye kayi mua kufika.

Nsumuinu 17:7

Muaku wa kanemu kawena ukumbanyina muntu mupote; kadi dishima kadiena dikumbanyina muntu udi ulombola bantu.

Nsumuinu 22:22

Kunyengi mupele bintu, bua padiye kayi ne bukole. Kupishi muntu ku tshilumbuluilu, udi kayi ne mumulumbuluidi.

Nsumuinu 28:5

Bantu babi kabena bajingulula njila ya buakane. Kadi badi batumikila Maweja-Nangila, badi bajingulula bionsu.

Nsumuinu 31:23

Bayende udi mumanyike bikole mu tshimenga. Udi usomba mu bisangilu munkatshi mua bakulu ba mu tshimenga.

Yeshaya 29:21

Ke bonsu badi bafunda ku tshilumbu, bantu badi kabayi ne bualu. Ke badi bakeba mua kuteta bandumbulula, bua bapishe badi babinga.

Yeshaya 32:6

Bualu bantu bapote badi bakula, amu bua kuamba malu a bupote. Badi bela meji ku malu a bupote, adibu basue kuenza matuku adi kumpala. Badi benza malu bu bashipianganyi. Badi bakula malu adi abipila Maweja-Nangila. Muntu udi ne nzala, kabena bamupesha tshiakudia. Muntu udi ne nyota, kabena bamupesha tshikunua.

Amosa 5:10

Ku tshilumbuluilu nudi nukina muntu udi unuvuluija munudi mua kukosa nsambu pa yoyi; nudi nutshina bikole udi ujadika malu amu muvuawu menzeke.

Amosa 5:12

“Meme Maweja-Nangila, ndi mumanye malu mabi onsu anuvua benze. Ndi muvuluke buenzayi buenu bua dikema. Nudi nuluisha udi kayi ne bualu, nuanyisha mabuejila. Ku kabadi, nudi nubenga bua bandumbulula bakose nsambu ya bapele pa yoyi.”

Amosa 5:15

Nulekele malu mabi, nunange bidi bimpe. Nukose nsambu pa yoyi. Bumue Maweja-Nangila, Mvidi Mukulu wa bukole buonsu, neamone mua kufuila bantu ba ndekelu ba ku ndelanganyi ya Yozefe luse.

1 Korente 2:14

Muntu udi kayi ne Mueyelu wa Mvidi Mukulu, kena mua kuitaba malu malelela adi Mueyelu ewu utumanyisha. Neaatangile bu a bupale. Kena mua kuajingulula, bualu amu muntu udi ne Mueyelu, ke udi mua kuamanya.