Nsumuinu 21:6 - MUKANDA WA MYIDI MUKULU

⁶ Bantu badi bapeta biuma ne didinga mbantu bapote, badi bafika ku lufu.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Kuheta tshibutshilu ku ludimi lua mashimi kudi bu dibungi didi luhehele lumuangalasha, kudi buteyi bua lufu kabidi.

Nsumuinu 21:6 Iomraidhean Croise

Nsumuinu 10:2

Biuma bipeta ku bubi kabiena bilubuluka kudi udi nabi, kadi muntu udi uvuluka Mvidi Mukulu mu midimu yende neashale ne muoyi.

Nsumuinu 13:11

Biuma bipeta mu tshipututuku bidi bijimina lukasa. Kadi bidibu bangule ku kakese ku kakese bidi bienda bivulangana.

Nsumuinu 20:14

Musumbi udi wamba ne: “Mmushinga mukole! Mmushinga mukole.” Kadi yeye mumane kuya pa nkayende udi udiela ka lumbandi ne disanka.

Nsumuinu 20:21

Muntu udi wangula biuma lukasa ku ntuadijilu, kakulubuluka nabi ku ndekelu to.

Nsumuinu 22:8

Udi ukuna malu mabi udi upola dikenga; dikombu didiye utuutangana nadi neditshibuke.

Nsumuinu 30:8

Ungambuluishe bua tshishimi bantu bakuabu. Kabidi tshikadi mubanji munene, tshikadi mupele menemene. Kadi umpe amu bindi nkengela panu.

Nsumuinu 8:36

Kadi muntu udi ungenzela malu mabi, udi udienzela bibi yeye nkayende. Udi unkina, mmunange lufu.”

Yirmeya 17:11

Mudi nzolu uladila mayi a dibata, ke mudi muntu udi upeta bubanji mu buivi. Patshidiye ne bukole, bintu biende bidi bimujika. Yeye mumane kukulakaja, udi bu muntu mutatakane.

Yezekiyele 18:31

Lekelayi kuenza malu mabi. Akajayi mioyi yenu, ne lungenyi luenu. Nuenu bena Izrayele nudi basue kufua bua tshinyi?

Tite 1:11

Nanku ubakandike, ubabuikidije mukana, bualu badi bajula bimvundu mu meku majima, balongesha malu adi kaayi makane, anu bua kupeta biuma mushindu mubi.

2 Petro 2:3

Bu mudibu ne lukuka lua biuma, balongeshi ba dishima aba nebanuelele nsumuinu ifuma ku meji a bantu, bua bapete bintu bienu. Kadi Mukoshi wabu wa nsambu ukadi mumane kujadika tshibawu tshiabu. Neababutule lukasa, kayi ujingakana.