Nsumuinu 21:16 - MUKANDA WA MYIDI MUKULU

¹⁶ Muntu udi umbuka mu njila wa bena meji, neaye kusomba lukasa kaba kamue ne bantu bafue.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Muntu udi uhambuka mu nshila wa dijingulula dia mianda neashikame mu disangisha dia bantu bafue.

Nsumuinu 21:16 Iomraidhean Croise

Misambu 125:5

Kadi bantu badi balonda njila mikonyangale, kabidi ne badi benzela bakuabu bibi, Maweja-Nangila ubabutule! Izrayele asombe talalaa!

Misambu 49:14

Umvuayi bidi bienzekela bantu badi baditekemena. Monayi kuaya bonsu badi baditemba.

Nsumuinu 11:19

Udi mushindame bua kuenza bidi Mvidi Mukulu musue, neapete muoyi. Kadi udi musungule bubi neafuilemu.

Nsumuinu 13:20

Udi wenda ne bena meji, udi upeta meji. Kadi udi wenda ne bidingidingi neashale kabidi tshidingidingi.

Nsumuinu 19:16

Muntu udi unemeka mikenji neashale ne muoyi. Udi uyipetula neafue lukasa.

Nsumuinu 2:13

ne ku badi bapambuke mu njila miakane, bendela mu njila ya miidima.

Nsumuinu 5:23

Muntu udi kayi udikanda mu malu, kayi udilama, udi udikebela kabutu kende. Bupale buende budi bumufikisha ku lufu.

Nsumuinu 9:18

Kadi bantu badi balonda matshimbu kabena bamanye ne: tudi bisangila ku mesa awu ne bafue. Bantu bavua babuele nende mu nzubu, mbamane kuya muaba udi lufu.

Yezekiyele 18:24

Kadi padi muntu muimpe ubanga kuenza malu mabi, ulonda dikasa dia bantu babi, muntu awu udi mua kushala ne muoyi anyi? Nansha kakese! Kabena mua kuvuluka kabidi malu mempe avuaye wenza. Neafue bua malu mabi adiye wenza, bualu kena mungitabe to.

Sefanya 1:6

Nembutule bonsu badi bambenga meme Maweja-Nangila, badi kabayi bakeba diambuluisha kundi, kabayi bankonka meji.”

Efeze 2:1

Kale nuvua bafue bua bilema bienu, ne bua mibi yenu.

Ebrewu 10:38

Kadi, muntu udi wenza bindi musue, neikale ne muoyi, bualu udi witaba. Kadi padiye upingana tshianyima, tshiena nsanka kabidi bualu buende nansha.”

1 Yone 2:19

Bantu aba kabavua hetu menemene to. Bobu bikale hetu, bavua mua kushala netu. Kadi mbumuke kutudi. Ke padibu baleje patoke ne: nansha umue wa kudibu kavua wetu menemene.

Yuda 1:12

Padibu nenu ku mesa bua didia dienu bonsu pamue, badi banufuisha bundu, bualu badi basukumina biakudia. Badi bu balami ba nyama badi badivuluka amu bobu nkayabu. Badi bu mavuba masaka kudi lupepele, adi kaayi alokesha mvula. Badi bu mitshi idi kayiyi ikuama bimuma, nansha tshikondo tshiabi tshimane kufika. Badi bu mitshi mifue misangu ibidi, matamba ayi mamane kuuma, mbajule ne miji yayi kabidi.