Nsumuinu 2:13 - MUKANDA WA MYIDI MUKULU

¹³ ne ku badi bapambuke mu njila miakane, bendela mu njila ya miidima.

Mukanda wa Nzambi Dihungila Dikulukulu ne Dihungila Dihia-dihia 2003

¹³ badi balekela kuya mu nshila ya buakane bua kuendabo mu nshila ya mîdima.

Nsumuinu 2:13 Iomraidhean Croise

Misambu 14:3

Kadi bonsu mbapambuke, bonsu mbena buenzayi, kakuena udi wenza tshidi Mvidi Mukulu musue.

Misambu 36:3

Udi uditemba ne: ndi muntu muakane. Ke mudiye kayi mua kutonda bubi buvuaye muenze, nansha kububenga.

Misambu 82:5

“Kadi kanuena numvua, kanuena bamanye tshintu nansha tshimue, nudi mu miidima, nuenda nububuta, ke padi bantu bakeba kubutuka.

Nsumuinu 21:16

Muntu udi umbuka mu njila wa bena meji, neaye kusomba lukasa kaba kamue ne bantu bafue.

Nsumuinu 4:19

Kadi njila idi bantu babi balonda idi miidima. Kabena bamanye muaba udibu mua kulendukila.

Yeshaya 59:8

Kanuena bamanye njila wa bupole. Kuonsu kunudi nupitshila, nudi nudiatakaja buakane mu makasa. Nudi nulonda amu njila mikonyangale. Kadi muntu udi unulonda mu njila yenu ayi, kakupeta bupole to.

Yezekiyele 18:26

Padi muntu muimpe ulekela kuenza bimpe, ubanga kuenza bibi, utulama, udi ufua bua bubi budiye wenza.

Sefanya 1:6

Nembutule bonsu badi bambenga meme Maweja-Nangila, badi kabayi bakeba diambuluisha kundi, kabayi bankonka meji.”

Yowanane 1:6

Mvidi Mukulu uvua mutume muntu wende, dina diende nYowanane.

Yowanane 12:35

Yezu kubandamuna ne: — Butoke butshidi munkatshi muenu, kadi mbua katupa kipi. Endayi panutshidi ne butoke, bua miidima kuyinujikididi. Bualu muntu udi wenda mu miidima kena mumanye kudiye uya.

Rome 1:21

Bualu badi bamanye Mvidi Mukulu, kadi kabena bamunemeka. Kabena bamuela tuasakidila mudibu ne bua kuela Mvidi Mukulu nansha. Kadi meji abu adi matatakana. Mioyi yabu ya bupote idi miwule tente ne miidima.

2 Timote 4:10

Bualu Demase ukadi mundekele, muye ku Tesalonike, bualu udi mutambe kusua malu a panu. Kreshense mmuye ku Ngalate, Tite ku Dalmasiya.

1 Yone 2:19

Bantu aba kabavua hetu menemene to. Bobu bikale hetu, bavua mua kushala netu. Kadi mbumuke kutudi. Ke padibu baleje patoke ne: nansha umue wa kudibu kavua wetu menemene.