Nsumuinu 13:4 - MUKANDA WA MYIDI MUKULU

⁴ Muena lulengu udi ujinga tshintu kayi utshipeta. Kadi muntu wa tshisumi udi upeta tshidiye musue.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Mufuba udi usamina muoyo, kena ubiheta, kadi muoyo wa muena disuminyina udi ûshibua tente ne diakalengele.

Nsumuinu 13:4 Iomraidhean Croise

Genese 26:32

Anu dituku adi, bena mudimu ba Izake kumuambila ne: — Tudi bumbula tshiina tshipiatshipia, tuapetshi mayi.

Misambu 92:14

Udi bu mutshi mukuna mu lubanza lua nzubu wa Mvidi Mukulu, udi udiunda mu nzubu mua Maweja-Nangila Mvidi Mukulu wetu.

Nsumuinu 10:4

Bianza bia muena lulengu bidi bibueja muntu mu bupele, kadi bianza bia mukuatshi wa mudimu bidi bipetesha lupetu.

Nsumuinu 11:25

Muntu udi wenzelangana bimpe, neapete diakalenga. Udi upa mukuabu tshiakunua, kakufua nyota.

Nsumuinu 12:11

Muntu udi udima budimi buende neikale ne biakudia bia bungi. Kadi muntu udi udidinga udi upanga malu.

Nsumuinu 12:24

Mudimu udi upetesha muntu bumfumu. Kadi lulengu ludi lumufila ku bupika.

Nsumuinu 12:27

Tshilembi wa lulengu kena mua kushipa nyama. Nanku mbilenga bua muntu ikale ne disuminyina divule.

Nsumuinu 13:3

Muntu udi ukuba ludimi luende, udi ukuba muoyi wende. Kadi udi wakula kayi wela meji, udi udijimija.

Nsumuinu 13:5

Muntu muakane udi ubenga dishima. Muntu mubi udi upepeja bakuabu, ubajana.

Nsumuinu 20:4

Muena lulengu udi kayi udima mu tshikondu tshia mvula, kakupeta kantu mu tshikondu tshia dinowa bintu to.

Nsumuinu 21:25

Majinga adi muena lulengu nawu adi amushipa, bualu bianza biende kabiena binanga kukuata mudimu.

Nsumuinu 21:5

Muntu wa disuminyina, ukuata kabidi mudimu ne meji, udi upeta tshipeta. Kadi udi wenza malu mu tshipututuku, neabuele mu tshiyole tshia nzala.

Nsumuinu 24:30

Dimue dituku, mvua mupitshile pabuipi ne budimi bua mvinyo bua muena lulengu mububakane,

Nsumuinu 24:31

buvua bumena buonsu meba a mingonga ne lupela. Bimana bia lupangu bivua biupuke panshi!

Nsumuinu 26:13

Muena lulengu utu wamba ne: “Tshiena mpatuka to; bualu ntambue udi mu njila, nyama wa lonji udi mu musesu.”

Nsumuinu 28:25

Muena lukuka udi usonsola amu matandu. Kadi udi utekemena kudi Maweja-Nangila neatuute dikasa dimpe.

Nsumuinu 6:6

Wewe muena lulengu, uye kumona musuasua. Ubatamine bibidilu biawu, upeteleku meji.

Nsumuinu 8:34

Bantu badi banteleja, badi bimana dituku dionsu ku tshiibi tshianyi, batshishila ku nzubu kuanyi, mbena diakalenga.

Musambu wa Solomo 5:3

“Ndi mumane kuvula bilamba bianyi, tshiena mua kubivuala kabidi nansha! Ndi mumane kuowa mayi ku makasa, mmunyi mundi mua kuafikisha kabidi?”

Yeshaya 58:11

Maweja-Nangila neanulombole. Nansha nuenu bende mu tshipela, neanudishe nuukute, nupete bukole. Badi banumona nebasanke. Bualu nenuikale bu lupangu, ludibu bamiamina mayi mavule, bu mpokolu wa mayi a bungi, adi kaayi akama.

Dibadika 23:10

Kakuena udi mua kubala bungi bua bena Izrayele, kakuena udi mua kubadika ndelanganyi ya Yakobe! Ndi njinga kufua mudi bantu bakane aba bafua. Ndi musue kuikala nabu muaba umue.”

Yowanane 6:27

Kanukuatshi mudimu bua biakudia bidi binyanguka. Kadi nuenze mudimu bua biakudia bidi bishala, bifikisha bantu ku muoyi wa kashidi. Muana wa muntu neanupe biakudia abi, bualu Mvidi Mukulu Tatu mmumutue tshitampi tshia bumfumu buende.

Ebrewu 6:11

Kadi tudi tujinga ne: muntu yonsu wa kunudi atungunuke ne disuminyina dia momumue too ne ku ndekelu, bua binudi batekemena bikumbane menemene.

Yoshua 7:3

kupinganabu kudi Yoshuwa, bamuambila ne: — Kuena mua kutuma bena mvita bonsu bua kuya kuluisha bena Ayi to. Bena mvita binunu bibidi nansha bisatu mbakumbane. Kutatshishi bena mvita betu bonsu to. Bena tshimenga tshia Ayi kabena bavule to.