Nsumuinu 13:16 - MUKANDA WA MYIDI MUKULU

¹⁶ Muntu mudimuke udi wela meji bangabanga ne kuenzaye bualu. Kadi batshimbakane badi baleja bupote buabu patoke.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Muntu mudimuke yonso udi wenza malu andi ne lungenyi, kadi muhote udi ulesha bantu buhote buandi.

Nsumuinu 13:16 Iomraidhean Croise

Misambu 112:5

Muntu udi uleja bakuabu luse, ubasombesha bintu, ulongolola malu ende mu buakane, udi wenza bimpe.

Nsumuinu 14:33

Muntu udi wela lungenyi udi ne meji. Kabena mua kusangana lungenyi kudi bantu batshimbakane to.

Nsumuinu 15:2

Miaku ya muntu wa meji idi ipetesha dijinga dia kulonga malu. Kadi mukana mua mutshimbakane mudi nnutangalaja amu malu mabi a bupote.

Nsumuinu 18:2

Mupote kena musue kumvua bidibu bamuambila. Kadi udi ujinga kuleja amu bidi mu meji ende.

Nsumuinu 21:24

Muntu udi upepeja bantu, uditambisha, kena wangata tshintu nansha tshimue ne mushinga. Malu onsu adiye wenza adi aleja mudiye uditambisha kashidi.

Muambi 10:13

Udi utuadija kuamba miaku ya tshianana, ujikija ne miaku mibi.

Muambi 10:3

Padi mutshimbakane uya mu njila, bantu bonsu badi bamba ne: mmupale, bualu mmubule lungenyi.

Yeshaya 52:13

Maweja-Nangila udi wamba ne: “Muena mudimu wanyi, neapete tshipeta tshimpe mu mudimu wende, neapete lumu lunene.

Matayi 10:16

— Telejayi! Ndi nnutuma bu mikoku munkatshi mua nkashama. Nanku nuikale ne budimu bu bua nyoka, kabidi ne muoyi mulenga bu wa nyunyu wa nkudimba.

Rome 16:19

Bantu bonsu mbamanye munudi nutumikila Mfumu. Nanku ndi nsanka bualu buenu, njinga bua nuikale bantu ba meji, badi benza amu malu mimpe, babenga malu mabi onsu.

1 Korente 14:20

Bana hetu, kanuikadi bu bana mu ngelelu wenu wa meji; nuikale bana bua bidi bitangila bubi. Kadi nuikale bantu bakole mu ngelelu wenu wa meji.

Efeze 5:17

Nanku kanuikadi bantu bapote. Kadi nukebe mua kujingulula tshidi Mfumu musue bua nuenze.

1 Samuele 25:17

Nanku mpindiewu, ela meji bimpe, ukebe tshitudi mua kuenza. Bualu dikenga nedikuate mfumu Nabale ne bena nzubu wende, kamuyi mpata to. Nabale mmuntu wa malu makole. Kena musue bua muntu mukuabu kumuambilaye bualu to.

1 Samuele 25:25

Kunangidi malu a Nabale to, bualu mmuntu mutshimbakane. Nabale mmumue ne: muntu mutshimbakane. Nanku, dina edi ndimukumbanyine, bualu kena ne lungenyi to. Kadi, mukalenga wanyi Davide, meme Abiyayile tshivua mumone bantu bebe bauvua mututumine to.