Nsumuinu 12:3 - MUKANDA WA MYIDI MUKULU

³ Muntu kena ushindama padiye wenza malu mabi. Kadi tshintu nansha tshimue katshiena tshishindisha bakane.

Mukanda wa Nzambi Dihungila Dikulukulu ne Dihungila Dihia-dihia 2003

³ Muntu kena mushindame ku malu mabi, kadi muji wa bantu bakane kawena unyungishibua.

Nsumuinu 12:3 Iomraidhean Croise

Yobe 15:29

Muntu mubi, kena mua kupeta biuma kabidi, nansha yeye mubipete, kena mua kushala nabi matuku mavule to. Kena mua kuikala ne diakalenga mu ditunga.

Misambu 15:5

Udi usombeshangana makuta, kayi ulomba bia kasombela. Udi kayi ne bualu, kena umudila mabuejila. Muenji wa nanku, kakumona diakabi.

Nsumuinu 10:25

Bantu babi badi bafue mu tshikondu tshia tshipupu, kadi bakane badi batshikolela kashidi.

Nsumuinu 11:5

Buakane bua muntu udi ukeba Maweja-Nangila budi buludika nsombelu wende. Kadi muntu mubi udi ujimina bua bubi buende.

Nsumuinu 12:12

Muena malu mabi udi ujinga kupeta makasa amu ku bubi. Kadi bantu bakane badi bapeta makasa a mushinga a ku disuminyina diabu.

Muambi 8:8

Muntu nansha umue kena ne mushindu wa kushala ne muoyi panu. Muntu nansha umue kena mua kuseja dituku dia lufu luende panyima. Ke mvita idi muntu nansha umue kayi mua kunyema. Muena tshibawu nebamunyoke kamuyi mpata.

Efeze 3:17

Ndi mmulomba kabidi bua Kristu ikale mu mioyi yenu ku ditaba, bua nuase miji mu dinanga, nushindamemu.

Kolose 2:7

Asayi miji munda muende, shindikayi mioyi yenu kudiye, shindamayi amu kushindama diba dionsu mu ditaba. Kanusesuki ku bivuabu banulongeshe. Nuele Mvidi Mukulu tuasakidila muenu muonsu.

1 Samuele 25:33

Ndi nkuela kabidi wewe tuasakidila. Bua lungenyi luebe luimpe, udi unkandika bua tshishipi muntu, kabidi tshidisombuedi to.