Nsumuinu 1:11 - MUKANDA WA MYIDI MUKULU

¹¹ padibu bakuamba ne: “Vuaku, tuye kualamina bantu mu njila bua kubashipa, tubajikidile, tubabunde, nansha bobu kabayi batuenzele bibi.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Biambabo ne, Lua kutudi, tualamine muntu bua kumatshisha mashi andi hanshi, tulale bu bena lusoko bua kukuata bantu badi kabayi ne bualu,

Nsumuinu 1:11 Iomraidhean Croise

Misambu 17:12

Badi bangalamina mu tshisuku bu ntambue, bakeba kunsunsula bu nyama ya lonji.

Misambu 35:7

Bavua bangelela bukondu, meme tshiyi ne bualu, bangumbuila tshiina bua meme kudishindamu.

Misambu 56:6

Bindi ngamba, badi babiamba muabu munga. Meji abu adi amu a kungenzela bibi.

Nsumuinu 1:16

Bualu badi bipatshila bua kuenza malu mabi. Badi baluijakaja bua kuela mashi a bantu panshi.

Nsumuinu 1:18

Kadi bantu ba nanku badi baditeya nkayabu; bifufu biabu neabenzele bobu mene bibi.

Nsumuinu 12:6

Miaku ya bantu babi idi mateyi adi akebela bantu lufu. Tshidi bantu bakane bamba, tshidi tshiepula bakuabu ku lufu.

Nsumuinu 24:15

Kukebi kunyenga nzubu wa muntu muakane ne budimu, bu mudi muntu mubi wenza. Kumunyengi muaba udiye usomba.

Nsumuinu 29:24

Udi umvuangana ne muivi udi udienzela bibi. Udi mumanye diakabi didiye mua kupeta, kadi kena musue kuamba bualu.

Nsumuinu 30:14

Kudi bantu badi ne menu bu miele ya kuluangana nayi mvita, badi ne binyanganyanga bitue bu tuele. Badi bavuambula bakengi ba mu ditunga, bumusha bapele munkatshi mua bantu bakuabu.

Yirmeya 11:19

Mvua muana wa mukoku udibu baye nende ku tshishipelu, kayi ubenga. Tshivua mumanye ne: badi bangelela meji mabi. Bavua bambilangana ne: “Tujule mutshi patshidi wu ne bukole. Tuupule. Nanku muntu kamanyi ne: mutshi udi muaba ewu.”

Yirmeya 5:26

Munkatshi mua bantu banyi bena Izrayele mudi bantu badi kabayi ne ditaba, kabayi balama mikenji. Badi bu bilembi bidi bialamina nyunyi bua kuyikuata. Basokome munkatshi mua mitshi, badi bateya bantu, babakuata.

Mika 7:2

Mu ditunga kamutshiena muntu, udi witaba Mvidi Mukulu, kamutshiena muntu wa nsongu. Bonsu badi bakeba amu kushipangana, baalaminangana mu njila.

Yowanane 15:25

Kadi bidi bienzeka nanku bua miaku ikumbane idibu bafunde mu mukanda wa mikenji yabu ne: “Mbankine kapayi bualu.”

Bienzedi 23:15

Nenku nuenu, ne bena Tshipangu tshikulu bonsu, lombayi mulombodi wa basolayi, bua anutumine Polu. Numudingidije ne: tudi basue kutangila tshilumbu tshiende bimpe. Tuetu netumuadile mu njila, bua kumushipa, kayi muanji kufika kunudi.

Bienzedi 25:3

“Anyisha, utupingajile Polu mu Yerushalayime.” Bualu bakavua bamuelele tshitungu, bua kumushipela mu njila.