Luke 8:11 - MUKANDA WA MYIDI MUKULU

¹¹ — Diumvuija dia lusumuinu elu didi nunku: ntete ke muaku wa Mvidi Mukulu.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Lusumuinu elu ludi nunku: Maminu adi dî dia Nzambi.

Luke 8:11 Iomraidhean Croise

Yeshaya 8:20

wandamuna ne: “Tuetu tudi bualu amu ne mikenji, kabidi ne malongesha a Maweja-Nangila.” Muntu udi kayi ulonda mukenji awu, kena utshisha bufuku to.

Matayi 13:18

— Kadi nuenu telejayi, nnumvuije tshidi lusumuinu lua mumiaminyi wa ntete luamba.

Matayi 13:19

Padi bantu bumvua bakuabu balongesha malu a mu Bukalenga bua mu diulu, kabayi bajingulula muyayabu, Muena bubi udi ufika, umusha bivuabu bamiamine mu muoyi wabu. Ke ntete idi ipona ku muelelu wa njila.

Marke 4:13

Pashishe Yezu kubakonka ne: — Kanuena nujingulula lusumuinu elu anyi? Kadi munudi mua kujingulula nsumuinu mikuabu mbishi?

Luke 8:12

Bantu bakuabu, bidi bibenzekela bu mudi ntete idi imata mu njila. Badi bumvua muaku wa Mvidi Mukulu. Kadi pashishe diabolu udi ufika, umusha muaku mu muoyi wabu, bua kabitabi, kabapandi.

Yakobe 1:21

Nanku bengayi bibidilu bibi bionsu, ne malu mabi a mishindu yonsu. Nuanyishe ne bupuekele muaku udi Mvidi Mukulu ukuna mu mioyi yenu, bualu udi mua kunusungidila.