Luke 24:11 - MUKANDA WA MYIDI MUKULU

¹¹ Kadi bapostolu bavua bela meji ne: malu adi bakaji abu batulondela aa kaena mua kuenzeka to. Nanku kabatua babitaba to.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Kadi mei â akadi bu biakulakula ku matshu abo, kabakitabusha muakambabo.

Luke 24:11 Iomraidhean Croise

Genese 19:14

Lote kuya kuambila baku bende, bavua babangile bana bende ba bakaji, ne: — Jukayi lukasa, numuke mu tshimenga etshi, bualu Maweja-Nangila mmusue kutshibutula. Kadi baku bende kuela meji ne: udi wamba bilele.

2 Bakalenga 7:2

Kadi muntu uvua wenda ne mukalenga, kubenga, wamba ne: — Nansha Maweja-Nangila mutunzuluile biibi biamu diulu bua kututumina ntete, bualu buudi wamba abu budi mua kuenzeka anyi? Muambi Elisha kuandamuna ne: — Eyowa, wewe neumone bualu ebu. Kadi kuakudi a bintu ebi to.

Yobe 9:16

Nansha meme mumubikile, yeye mungitabe, tshiena mua kushindika ne: uvua munteleje to.

Misambu 126:1

Musambu wa bena ngendu. Pavua Maweja-Nangila mutupingajile disanka mu Siyone, tuvua bu bantu badi balota.

Marke 16:11

Kadi pumvubu bivua Mariya wamba ne: Yezu udi ne muoyi, mvua mumumone, kabavua bamuitaba nansha.

Marke 16:13

Bobu kupingana, kulondela bakuabu bualu abu, kadi kabavua mua kubitaba nansha.

Marke 16:14

Ku ndekelu, Yezu kumuenekela balongi dikumi ne umue pavuabu badia. Uvua ubatandisha bua pavuabu kabayi ne ditaba ne pavuabu ne muoyi mupape kabayi mua kuitaba bantu bavua bamane kumumona ne muoyi bamba.

Luke 24:25

Nanku Yezu kubambila ne: — Nudi bantu badi kabayi mua kujingulula malu! Bidi binukolela bua kuitaba lukasa bionsu bitua bambi banumanyisha!

Luke 24:41

Kadi balongi kabatshivua bitaba to, bualu bavua ne disanka dipite, bakema bikole be. Ke Yezu kubakonka ne: — Muaba ewu, nudi ne tshintu tshia kudia anyi?

Bienzedi 12:9

Petro kupatuka, ulonda mutumibue. Kavua mumanye ne: bionsu bidi mutumibue wenza mbia bushuwa. Kadi uvua wela meji ne: Mvidi Mukulu udi undeja malu mu tshiota.