Luke 19:9 - MUKANDA WA MYIDI MUKULU

⁹ Ke Yezu kumuambila ne: — Lelu wewe ne bena diebe bonsu nudi bapete lupandu. Bualu wewe kabidi udi muntu wa ku ndelanganyi ya Abrahame.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Yesu wakamuambila ne, Lelu luhandu luakulua ku nsubu eu, bualu bua yeye kabidi udi muana wa Abalahama.

Luke 19:9 Iomraidhean Croise

Luke 13:16

Kadi mukaji ewu mmuntu wa ku ndelanganyi ya Abrahame, mua diabolu mukuate bidimu dikumi ne muanda mukulu. Nanku kabavua mua kumusulula mionji eyi dituku dia Dikisha anyi?

Luke 13:30

Diba adi bantu badi ba ndekelu mpindiewu, nebikale ba kumpala. Badi ba kumpala mpindiewu, nebikale ba ndekelu!”

Luke 16:24

Nanku kuelaye diyi ne: “Tatu Abrahame, ungumvuileku luse. Tuma Lazare, atue lusongu lua munu wende mu mayi, bua kuntalaja pa ludimi. Bualu ndi nkengakana bikole mu kadilu aka.”

Luke 16:30

Muena biuma ne: “Tatu Abrahame, ebi kabiena bikumbane to. Kadi pikala muntu mubiike ku bafue, muye kumonangana nabu, nebadilengeje.”

Luke 2:30

Bualu ndi mudimuene lupandu luebe,

Luke 3:8

Enzayi malu adi aleja ne: nudi bakaje nsombelu yenu. Kanudiambidi munda muenu ne: “Abrahame ke nkambua wetu.” Bualu ndi nnujadikila ne: Mvidi Mukulu udi mua kuandamuna mabue aa, ashale ndelanganyi ya Abrahame!

Rome 4:16

Nanku Abrahame uvua mupete dilaya amu bua ditaba, bua dikale dipa didi Mvidi Mukulu upa tshianana. Ke padi dilaya edi ne mushinga mu ndelanganyi yonsu ya Abrahame, kadiyi amu bua badi bakumbaja mikenji, kadi kabidi bua badi bitaba Mvidi Mukulu mushindu uvua Abrahame mumuitabe. Abrahame udi tatu wetu bonsu,

Ngalate 3:14

Kristu uvua muenze nanku, bua Mvidi Mukulu amone mua kuela bantu ba bisamba bikuabu lupemba kudiye, muvuaye mulaye Abrahame; ne bua tupete, bualu bua ditaba dietu, Mueyelu uvua Mvidi Mukulu mulaye.

Ngalate 3:29

Nanku panudi bantu ba Kristu, nudi ndelanganyi ya Abrahame. Nenupete bivua Mvidi Mukulu mulaye.

Ngalate 3:7

Ke munudi numona ne: ndelanganyi menemene ya Abrahame mbantu badi bitaba.

1 Petro 2:10

Kale kanuvua bantu ba Mvidi Mukulu. Mpindiewu nudi bantu bende. Kale kanuvua bamanye luse lua Mvidi Mukulu. Kadi mpindiewu nudi balupete.