Luke 12:14 - MUKANDA WA MYIDI MUKULU

¹⁴ Ke Yezu kumuandamuna ne: — Muntu, udi munteke munukosedi wa nsambu, ne muabanyinyi wa biuma bienu nnganyi?

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Kadi Yesu wakamukonka ne, Mulumiana, wakunteka meme mulumbuludi wenu ne munutahuluidi nganyi?

Luke 12:14 Iomraidhean Croise

Ekesode 2:14

Awu kuandamuna Moshe ne: — Nganyi udi mukuteke bua kutubela ne kutulumbuluisha? Udi musue kunshipa bu muuvua mushipe muena Ejipitu anyi? Moshe kumvua buowa, kudiambila ne: “Bualu ebu bakadi babumanye!”

Mika 6:8

Mbanulongeshe binudi ne bua kuenza, bidi Maweja-Nangila ujinga kudi bantu: udi unulomba bua nunemeke bantu ne bintu biabu, nuenzele bakuabu bimpe, nubanange, nuende bimpe mu njila udi Mvidi Mukulu wenu unuleja.

Luke 12:13

Muntu mukuabu munkatshi mua bantu kuambila Yezu ne: — Mulongeshi, ambila muanetu tuabanyangane biuma bivua tatu mutushile.

Luke 22:58

Katupa kipi, munga muntu kumona Petro, wamba kabidi ne: — Wewe kabidi udi umue wa kudibu! Kadi Petro kuandamuna muntu awu ne: — Muanetu, meme tshiena wa kudibu to.

Luke 5:20

Yezu umona ditaba dia bantu abu, kuambilaye mubeedi ne: — Muanetu, mibi yebe mmimane kujimina.

Yowanane 6:15

Yezu kumanya ne: nebankuate ku bukole bua ngikale mukalenga wabu. Nanku kumukaye tshiakabidi, bua kuya ku mukuna nkayende.

Yowanane 8:11

Mukaji kuandamuna ne: — Mulongeshi, kakuena muntu uvua mumpishe. Ke Yezu kumuambila ne: — Nansha meme kabidi tshiena nkupisha to. Udi mua kumuka, kadi kuenji kabidi bualu bubi to.]

Rome 2:1

Nanku wewe udi ulumbuluisha bakuabu, kuena mubinge, nansha wewe nnganyi ne nnganyi. Bualu paudi ulumbuluisha bakuabu, wenza kabidi malu adibu benza, udi udipisha wewe nkayebe.

Rome 2:3

Wewe udi ulumbuluisha badi benza malu a nanku, wenza kabidi a momumue, udi wela meji ne: neupanduke ku tshilumbuluilu tshia Mvidi Mukulu anyi?

Rome 9:20

Kadi wewe muntu udi welangana mpata ne Mvidi Mukulu, udi nganyi? Luesu lua dima ludi mua kukonka udi mulufumbe ne: “Udi mutufumbe nenku bua tshinyi?”