Ekesode 24:10 - MUKANDA WA MYIDI MUKULU

¹⁰ Kumonabu Mvidi Mukulu wa Izrayele, muimane pa mabue matoke a mushinga mukole, engelela. Mabue awu avua mafuanangane ne mubidi wa tshibuashibuashi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Bakamona Nzambi wa Isalele, muinshi mua makasa andi muakadi mabue a saphir, akadi matoke tô bu mubidi wa diulu.

Ekesode 24:10 Iomraidhean Croise

Yowanane 1:18

Muntu nansha umue kena muanji kumona Mvidi Mukulu. Amu Muana mulela umue, Mvidi Mukulu udi musombe pamue ne Tatu, ke udi mutumanyishe Tatu.

Yezekiyele 10:1

Diba adi, mvua mumone tshisasa tshivua pa mitu ya bakerubine. Tshivua ne tshintu tshifuanangane ne nkuasa wa bukalenga, muenza ne dibue dia mushinga mukole dia Safire.

Didimanyisha 4:3

Uvua ukenka mpala bu mabue a mushinga mukole a yaspise ne sarduwane. Muanzankongolu uvua wenza tshijengu kulu kua nkuasa, wengelela bu dibue dia emerode.

1 Timote 6:16

Yeye nkayende kena ufua. Udi musombe mu butoke budi muntu kayi mua kusemena pabuipi. Muntu nansha umue ki mmuanji kumumona, kena kabidi mua kumumona. Lumu ne bukole bidi kudiye kashidi. Amene.

Ekesode 33:23

Pangumusha tshianza tshianyi, neumone nyima wanyi, bualu muntu kena mua kumona mpala wanyi to.

Ekesode 33:20

Maweja-Nangila kumujadikila ne: — Kuena mua kumona mpala wanyi to, bualu muntu kena mua kumona mpala wanyi, kushala kabidi ne muoyi to.

Genese 32:30

Yakobe kumuebeja ne: — Kadi wewe mene, dina diebe nnganyi? Kampande awu kumuandamuna ne: — Udi musue kumanya dina dianyi bua tshinyi? Pashishe kuelaye Yakobe lupemba.

Didimanyisha 21:11

Tshimenga tshivua tshiwule ne butumbi bua Mvidi Mukulu, tshibalakana bu dibue dia mushinga mukole, bu dibue dia yaspise, dimueneka munda ne panyima bu lusoka lua kristale.

1 Yone 4:12

Muntu nansha umue kena muanji kumona Mvidi Mukulu. Tuetu banangangane, Mvidi Mukulu udi ushala munda muetu. Nanku dinanga diende nedimueneke menemene munda muetu.

Yowanane 14:9

Yezu kumuandamuna ne: — Filipe, kudi matuku mulongulongu andi mushale nenu, kuena muanji kummanya anyi? Muntu mumane kummona, mmumane kumona Tatu. Muudi wamba ne: “Utuleje Tatu” mbishi?

Matayi 17:2

Yezu kuandamuka mpala, balongi bende bamone. Mpala wende kukenka bu diba. Bilamba biende kutoka too.

Didimanyisha 1:16

Uvua ne mitotu muanda mutekete mu tshianza tshiende tshia balume. Muele mutue wa nkanza uvua upatuka mukana muende. Mpala wende uvua ukenka bu diba munda munya.

Yowanane 6:46

Tshiena musue kuamba ne: muntu kampanda mmumane kumona Tatu nansha. Amu uvua mufume kudi Mvidi Mukulu ke uvua mumone Tatu.

Musambu wa Solomo 6:10

“Ewu mmukaji kaayi, udi ukenka bu nkesha, udi mutoke bu ngondu, ubalakana bu diba, ukemesha bu mitotu?”

1 Bakalenga 22:19

Mika kuamba kabidi ne: — Teleja anu tshidi Maweja-Nangila wamba ne: Ndi mumone Maweja-Nangila musombe mu nkuasa wende wa bukalenga, bena mudimu bende bonsu ba mu diulu, bimana, aba ku dia balume diende, bakuabu ku dia bakaji.

Ekesode 3:6

Meme ndi Mvidi Mukulu wa bankambua bebe: wa Abrahame, wa Izake ne wa Yakobe. Moshe kubuikila mpala, bualu uvua utshina bua kutangila Mvidi Mukulu.

Ekesode 24:11

Bakulu ba bena Izrayele bamane kumona Mvidi Mukulu nanku, kudiabu, kunuabu pamue. Kadi Mvidi Mukulu kena muenzele bakulu ba bena Izrayele abu bibi to.

Dibadika 12:8

Ndi ngakula nende mudi bantu bayukidilangana, mmuambile malu onsu patoke, ndileja kudiye. Yeye udi umona tshimfuanyi tshianyi. Kadi nuvua nukimina kujana muntu wanyi Moshe bua tshinyi?

Musambu wa Solomo 5:14

Maboku ende adi bu lukanu lua tshiamu tshia mpawungi, lulengeja ne mabue mafiike a mushinga mukole. Mubidi wende udi bu mubanga mupela, mulengeja ne mabue a safire.

Muadi 4:7

Bana ba bamfumu bavua bakenka, bapite neje, bavua bapite mabele ku butoke. Mibidi yabu ivua mimpe, mikunzubile mipite mabue a koraye. Mijilu ya mu mibidi yabu ivua mifikuluke, bu dibue dia safire dia mushinga mukole.

Yezekiyele 1:1

Mu matuku atanu a ngondu muinayi wa tshidimu tshianyi tshia makumi asatu, meme Yezekiyele, muana wa mutuangaji Buzi, mvua musombe munkatshi mua bena tshimuangi ba bena Yuda, batata ku muelelu wa musulu wa Kebare. Meme kumona diulu diunzuluka, Maweja-Nangila undeja malu.

Danyele 10:17

Meme muntu wa tshianana, ndi mua kuyukila ne mfumu wanyi bishi, pandi tshiyi nansha ne bukole, tshiyi ne mueyelu mene.’

Genese 32:31

Yakobe kuamba ne: — Ndi nginyika muaba ewu dina ne: Penuyele, mpala wa Mvidi Mukulu, bualu ndi mumonangane ne Mvidi Mukulu mpala ne mpala, meme kushala ne muoyi.

2 Kulondolola 6:17

Nanku Maweja-Nangila Mvidi Mukulu wa bena Izrayele, mpindiewu ndi nkusengelela bua ukumbaje bualu ebu, buuvua mulaye tatu wanyi Davide, muntu webe!