2 Bakalenga 2:4 - MUKANDA WA MYIDI MUKULU

⁴ Eliya kuambila kabidi Elisha ne: — Shala muaba ewu, Maweja-Nangila mmuntume ku Yeriko. Kadi Elisha kumuandamuna ne: — Bu mudi Maweja-Nangila ne muoyi, ne muudi wewe nawu, ndi nditshipa ne tshiakukushiya to. Nanku, kuyabu bonsu babidi ku Yeriko.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Eliya wakambila Elisha ne, Ndi nkusengelela ne, Ushikame kunoko, bualu bua Yehowa wakuntuma ku Yeleko. Yeye wakamuambila ne, Bu mudi Yehowa ne muoyo ne bu mudi mutshima webe ne muoyo, tshiena nkulekela. Nunku bakaya ku Yeleko.

2 Bakalenga 2:4 Iomraidhean Croise

2 Bakalenga 2:2

Tshitupa tshikese, Eliya kuambila Elisha ne: — Ushale muaba ewu. Maweja-Nangila mmuntume ku Betele. Kadi Elisha kumuandamuna ne: — Bu mudi Maweja-Nangila ne muoyi, ne muudi wewe ne muoyi, ndi nditshipa ne: tshiena nkushiya to! Nanku, kuyabu bonsu babidi ku Betele.

Yoshua 6:26

Tshikondu atshi, Yoshuwa kuyukila ne bena Izrayele, ubadimuja bua tshimenga tshia Yeriko, wamba ne: “Muntu wibaka kabidi tshimenga tshia Yeriko, bamutshipe kudi Maweja-Nangila. Padiye umbula mikidi ya tshimenga etshi, muanende muanabute asangane kufua anyee? Afue! Padiye wela biibi ku tshimenga etshi, muanende muana mukala asangane kufua anyee? Afue!”

Luke 19:1

Yezu kubuela mu Yeriko, kukosolola tshimenga.

2 Bakalenga 4:30

Kadi mamuende wa muana kuambila muambi Elisha ne: — Bu mudi Maweja-Nangila ne muoyi, ne wewe kabidi muikale ne muoyi, tshiena mua kupingana nkayanyi, katuyi nebe! Nanku Elisha kuya ne mukaji awu.

1 Bakalenga 16:34

Tshikondu atshi, muntu mukuabu wa mu tshimenga tshia Betele, diende Iyele, kuibakulula tshimenga tshia Yeriko. Kadi bionsu bivua Maweja-Nangila muambile Yoshuwa, muana wa Nune, kukumbanabi: pavuabu benza tshitaku tshia tshimenga tshia Yeriko, Abirame, muana wa balume, muanabute wa Iyele kufua; pavuabu bela biibi bia tshimenga atshi, Segube, muanende wa balume muana mukala kufua.

Bienzedi 11:23

Ufika, kumonaye muvua Mvidi Mukulu mukumbaje mudimu ne dinanga munkatshi mua bena ditaba. Nanku kusankaye, ubabela bonsu bua bananukile ne muoyi mukole, bitabe Mfumu.

Bienzedi 2:42

Matuku onsu bantu abu bavua basombe kaba kamue: bavua bateleja ne ntema bivua bapostolu babalongesha, badisanga mu buena muntu, badila kaba kamue batendelela bonsu pamue.

1 Samuele 1:26

Ane kukonka mutuangaji Eli ne: — Utshidi muvuluke mukaji uvua muimane muaba ewu dituku dikuabu, pabuipi nebe bua kulomba Maweja-Nangila anyi? Amu bu muudi ne muoyi bulelela, ndi nkujadikila ne: mukaji awu mmeme.

Yoshua 6:1

Biibi bionsu bia ku tshimenga tshia Yeriko bivua binjila, bikanga bikole bua bena Izrayele kababuedi to. Muntu nansha umue kavua mua kubuela nansha kupatuka.

Rute 1:16

Kadi, Rute kuandamuna mamuenende ne: — Lekela kutupingaja. Ndi musue kuya nebe. Bualu kuwaya nkungaya; kuwasomba nkungasomba; bana benu mbana betu kabidi; Mvidi Mukulu webe neikale Mvidi Mukulu wanyi.