Nsumuinu 9:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² Biwikala ne meji, meji ebe nga kudikuatshisha nʼau; biwabuidiangana, mibuidi yebe neyikuandamukile.

MUKANDA WA MYIDI MUKULU

¹² Pawikala muena meji, wewe mene neusanke. Kadi pawikala muena ditambisha, wewe nkayebe neudipeteshe dikenga.

Nsumuinu 9:12 Iomraidhean Croise

Yobe 19:4

Bingikala muhange bulelela, dihanga dianyi didi dishala kundi nkayanyi.

Yobe 22:21

Unvuangane biebe ne Nzambi, wikale ne ditalala; nunku diakalengele nedilue kûdi.

Nsumuinu 14:14

Muntu udi usesuka neukute bintu bidiye uhuola mu nshila yandi, ne muntu muimpe neukute bintu bidi bienzedi biandi bimutuadila.

Nsumuinu 16:26

Muoyo wa muena mudimu udi usamina bia kudia udi umuenzesha mudimu, bualu bua mukana muandi mudi mumuenzesha bua kukuata mudimu.

Nsumuinu 19:29

Bakulongoluela babuidi makengesha, bakulongoluela nyima ya bahote mitutu.

Yeshaya 28:22

Nunku kanuikadi babuidi, bua nkanu yenu kayikoleshibu; bualu bua nakunvua mukenji wa kubutula mufume kudi Mukelenge, Yehowa wa misumba, wakueleye ba ha buloba bonso.

Yezekiyele 18:20

Muntu udi wenza bibi nyeye muine udi ufua; muana wa balume kena ne bua kuhila bua mibi ya tatu, ne tatu kena ne bua kuhila bua mihi ya muanʼandi wa balume. Buakane bua muntu muakane nebuikale hamʼbidi handi, bubi bua muntu mubi nebuikale hamʼbidi handi.

Zekâya 12:14

ne ba mu meku onso adi ashala, ba mu diku dionso ha buabo, ne bakashi babo ha buabo.

Ngalate 6:5

Bualu bua muntu ne muntu neadianjile bujitu buandi.

2 Petro 3:16

bu mudiye wenza kabidi mu mikanda yandi yonso wambamu bua malu â, munda muai mudi manga malu adi makole ha kuajingulula, adi bantu badi kabai bayishibue ne ba mitshima mitekete bakonyangasha mei, bu mudibo benzela mei makuabo mu Mukanda wa Nzambi, bua dibutuka diabo.