Nsumuinu 6:15 - Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Bua malu â neabuluke lubilu; mu katuha ka diba neatshibuke bituha, kayi uheta tshia kumusangasha.

MUKANDA WA MYIDI MUKULU

¹⁵ Nanku neabutuke diakamue, neafue kakuyi mushindu udiye mua kupanda.

Nsumuinu 6:15 Iomraidhean Croise

2 Kulondolola 36:16

kadi bobo bakaseka bambi ba Nzambi; bakahetula mei andi, bakahenda baprofete bandi tô ne hakamueneka tshiji tshia Yehowa kudi bantu bandi tshidi katshiyi tshishika.

Misambu 50:22

Telejai matshu enu ku dî edi, nuenu badi bahua Nzambi muoyo, bua meme tshinuhandi bihesa bihesa, kakuena wa mua kunuhandisha!

Misambu 55:15

Dibutuka dikuluke hamʼbidi habo, bahueke biabo ne muoyo tô ne ku Muaba wa Bafue, bualu bua malu mabi adi mu nsubu yabo ne munkatshi muabo.

Nsumuinu 1:26

Meme kabidi nenseke halua dikenga dienu; nennubingile hanukuata buowa;

Nsumuinu 1:27

hanukuata buowa bu mudi tshihuhu tshibika, halua dikenga dienu bu mudi tshinvunde tshilua, hanukuata ntatu ne kanyinganyinga.

Nsumuinu 14:32

Muntu mubi udi wedibua hanshi bua malu mabi andi, kadi muntu muakane udi ne tshinyemenu mu lufu luandi.

Nsumuinu 24:16

Bualu bua muntu muakane udi uhona misangu muanda mutekete, udi ubika kabidi; kadi bantu babi badi balenduka mu dikenga.

Nsumuinu 24:22

Bualu bua dibutuka diabo dilualua lukasa; udi mumanye kabutu kadi kabakuata bubidi buabo nganyi?

Nsumuinu 29:1

Muntu udi mubedibue misangu ya bungi, kadi udi wela mpala mulu, neabutudibue mu katuha ka diba, kayi ne tshia kumusangasha nʼatshi.

Nsumuinu 6:16

Mianda isambombo idiku idi Yehowa ukina; e, mianda muanda mutekete idi imunyingalasha:

Yirmeya 19:11

ubambile ne, Yehowa wa misumba udi wamba ne, Nembutule bantu aba ne musoko eu bu mudi muntu ushiha mulondo wa mufumbi udibo kabayi bamanye mua kufumba bua kuikalau mujima kabidi; nebajike bantu mu Tofete bualu bua kakuena kushala munga muaba bua kubajika.

Yezekiyele 11:13

Hanakadi ngamba mei â, Pelataya, muana wa Benaya, wakafua. Nunku nakatua mpala wanyi hanshi, nakela dî dianyi dikole ngamba ne, Aka Mukelenge Yehowa! Wewe neubutule bakuabo ba mu Bena Isalele badi bashala ne muoyo, anyi?

1 Tesalonike 5:3

Hatshidibo bamba ne, Tudi ne ditalala, katui ne bualu; ahu dibutuka dia tshintuluntulu dilualua kudibo, bu mudi kanyinganyinga kalua kudi mukashi udi ne difu; ne bobo kabena bahanduka nasha kakese.