Nsumuinu 6:14 - Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Udi ne mutshima wa tshishiku, utu wahangidisha malu mabi matuku onso, udi uvudisha matandu.

MUKANDA WA MYIDI MUKULU

¹⁴ Udi amu umvua nzala ya kuenzelangana bibi. Udi ulongolola malu mabi a kuenza kayi upungila. Udi ujuula matandu.

Nsumuinu 6:14 Iomraidhean Croise

Misambu 140:2

Badi bahangidisha malu mabi mu mitshima yabo, badi basonsola bantu bua kuluanganabo nvita matuku onso.

Misambu 140:3

Badi basakisha ndimi yabo bua kutuayi bu ya nyoka, lulengu lua nyoka wa mbanvu ludi mukana muabo.

Misambu 36:4

Udi uhangidisha bua kuenza malu a dihambuka halaleye mu bulalu buandi; udi udijadika mu nshila udi kayi muakane; kena ulengulula malu mabi.

Nsumuinu 14:22

Badi bahangidisha malu mabi kabena bahambuka mu nshila, anyi? Kadi badi bahangidisha malu mimpe badi basangana luse lujalame ne bulelela.

Nsumuinu 16:27

Muntu mulembakana udi umbuila bantu dijimba dia dikenga; mei a ku mishiku yandi adi bu kahia kadi kashidisha.

Nsumuinu 17:20

Udi ne mutshima wa mashimi kena uheta diakalengele, udi ne ludimi ludi luamba mei a buhidia ludi bibuela mu dikenga.

Nsumuinu 2:14

Badi basanka bua kuenza bienzedi bibi, badi batamba kusanka mu tshishiku tshia malu mabi.

Nsumuinu 21:8

Nshila wa muntu mutambe bubi udi mukonyangale, kadi bienzedi bia udi ne mutshima mutoke bidi biakane.

Nsumuinu 22:8

Udi ukuna malu mabi neahuole dikenga, mulangala wa tshiji tshiandi tshikole neajimine.

Nsumuinu 24:8

Udi uhangidisha bua kuenza malu mabi, nebamubikile ne, Muena tshinvundu.

Nsumuinu 3:29

Kuhangidisha bualu bubi bua kuenzela muena mutumba nʼebe, hadiye ushikama hehi nʼebe mukueyemene.

Nsumuinu 3:32

Bualu bua Yehowa udi ukina muntu udi ne tshishiku, kadi bunyana buandi budi kudi badi ne mitshima miakane.

Yeshaya 32:7

Bielelu bia nvita bia muena budimu bidi bibi; udi udihangidishila biandi bienzedi bibi bua kubutula nʼabi bahele ku mei a mashimi, nansha hamba muntu muhele mei adi malelela.

Yeshaya 57:20

Kadi bantu babi badi bu mai manene adi asampuka, bualu bua kaena mua kubatama, ne mai au adi asampula bitotshi ne bivuanduvuandu.

Yezekiyele 11:2

Yehowa wakangambila ne, Muana wa muntu, aba mbantu badi bahangidisha malu mabi ne badi balesha bakuabo lungenyi lubi mu musoko eu,

Osheya 8:7

Bua bobo badi bakuna luhehele, nebahuole nvunde; kakuena kuikala lukolakola lua manvua; lutonga kaluena lukuama tshintu; biakuamalu, bantu ba bende nebadie maminu alu.

Mika 2:1

Mulau wikale kudi badi belangana meji a kuenza bibi, ne badi bahangidisha malu mabi munda muabo ha malalu abo! Hatshiabu badi benza malu â, bualu bua bukole bua kuaenza budi mu bianza biabo.

Rome 16:17

Bana betu, ndi nusengelela ne, Dimukai bua badi bavuisha matahuluka ne malenduisha munkatshi muenu, adi kâi bu diyisha dinuakayila; nubakome nyima.