Nsumuinu 4:23 - Mukanda wa Nzambi Dihungila Dikulukulu ne Dihungila Dihia-dihia 2003

²³ Ulame mutshima webe ne dilama dionso, bualu bua munda muau mudi muhatuka mishimi yonso ya muoyo.

MUKANDA WA MYIDI MUKULU

²³ Kenketa nangananga meji audi wela munda muebe, bualu wowu nealudike nsombelu webe wa panu.

Nsumuinu 4:23 Iomraidhean Croise

2 Bakalenga 10:31

Kadi Yehu kakatamba kuenda mu nshila wa mikenji ya Yehowa, Nzambi wa Isalele, ne mutshima wandi wonso; yeye kakabenga malu mabi a Yalobama akenzesheye Bena Isalele.

Nsumuinu 11:16

Mukashi udi ne kalolo udi uheta butumbi, bena tshimbambila badi baheta bubanji.

Nsumuinu 13:3

Udi ulama mukana muandi udi ulama muoyo wandi, kadi udi ubulula mukana muandi bitongatonga neabutuke.

Nsumuinu 16:17

Nshila wa bantu bakane nkuehuka ku malu mabi, muntu udi ulama muoyo wandi udi utangile kudiye uya.

Nsumuinu 22:5

Mingonge ya meba ne mateyi bidi mu nshila wa muena tshitshu; udi ulama muoyo wandi neabiehuke kule kudibi.

Nsumuinu 23:19

Unvua biebe, muanʼanyi, wikale ne meji; lombola mutshima webe mu nshila mululame.

Nsumuinu 28:26

Udi weyemena mutshima wandi udi muhote, kadi udi ulonda meji neahandishibue.

Nsumuinu 3:21

Muanʼanyi, malu â kaumuki ku mesu kuebe; ulame meji adi akukuatshisha, ne bukole bua kuhangidisha malu.

Nsumuinu 4:7

Tshibangidilu tshia meji tshidi dî edi ne, Angata meji; e, angata dijingulula dia mianda ku mpala kua malu onso makuabo.

Muambi 5:13

Nakatangila bualu bubi muinshi mua diba bua muntu mudilamine luhetu tô ne hakamukengeshalu;

Yirmeya 17:9

Mutshima udi uhita bintu bionso kudinga muntu, ne udi utamba kunyanguka, muntu kai udi mua kûmanya?

Matayi 15:18

Kadi bintu bidi bihatuka mukana biakufuma mu mutshima, mbiobi bidi bibihisha muntu.

Matayi 15:19

Bualu bua meshi mabi ne kushiha kua bantu ne masandi ne tshiendenda ne buibi ne mashimi ne kuhenda Nzambi bidi biluhuka mu mutshima;

Marke 14:38

Nudimuke, nutendelele Nzambi; nunku kanuhonyi mu mateyi; mutshima udi musue nunku, kadi mubidi udi mutekete.

Luke 6:45

Muntu muimpe udi uhatula tshintu tshimpe mu tshibutshilu tshimpe tshia mutshima wandi; muntu mubi udi uhatula tshintu tshibi mu tshibutshilu tshibi; bua mukana muandi mudi muamba anu malu adi matambe kuvulangana mu mutshima wandi.

Dielulula 4:9

Nuanji kudimuka, nulame mioyo yenu bilengele, bua kanuhu muoyo bua malu anuakatangila ne mesu enu, ne bua mei au kaluhuki mu mitshima yenu matuku onso a muoyo wenu; kadi nuamanyisha bana benu ne bana ba bana benu;

Ebrewu 12:15

Nutangile bimpe bua muntu kikadiku udi uhanga ngasa wa Nzambi, ne bua muji wa bululu mutoloka kaunutatshishi, ne bua bualu buau bantu ba bungi neboneke;