Nsumuinu 3:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Umumanye yeye bimpe mu bienzedi biebe bionso, yeye neakululamishile nshila yebe.

MUKANDA WA MYIDI MUKULU

⁶ Umulamate mu bionsu biudi musue kuenza. Yeye neakuleje muudi ne bua kuenza.

Nsumuinu 3:6 Iomraidhean Croise

1 Kulondolola 28:9

Wewe, muanʼanyi Solomo, Umanye Nzambi wa tatuʼebe, umukuatshile mudimu ne mutshima mutoke ne didikokela kudiye; bualu bua Yehowa udi ukebakeba mitshima ya bantu bonso; udi ujingulula meji onso adibo bela munda muabo; biwamukeba, neumuhete; kadi biwamulekela, yeye neakuhidie tshiendelele.

Ezela 7:27

Disanka dikale kudi Yehowa, Nzambi wa bankambua betu, nguakateka bualu ebu mu mutshima wa mukelenge bua kulengesheye nsubu wa Yehowa udi mu Yelushalema,

Nehemya 1:11

Mukelenge, ndi nkusengelela ne, Teleja matshu ebe ku kulomba kua muntu webe ne ku kulomba kua bantu bebe badi ne disanka bua kutshina dina diebe; ndi nkusengelela ne, Uhe muntu webe diakalengele lelu, umufile luse ku mesu kua muntu eu. (Bualu bua meme nakadi mutuadi wa luhanza lua mukelenge).

Nehemya 2:4

Hashishe mukelenge wakangebesha ne, Udi ulomba tshinyi? Nunku nakatendelela Nzambi wa mu diulu.

Nehemya 7:5

Nzambi wanyi wakateka bualu mu mutshima wanyi bua kusangisha bantu banene ne bakokeshi ne bantu bonso bua kubabala ku milongo ya bankambua babo. Nakasangana mukanda wa kulondolola kua bankambua ba bantu bakadianjila kuhingana, malu akadi mafundamu nunku:

Misambu 32:8

Nenkuyishe lungenyi, nenkuleshe nshila udi ne bua kuendela, nenkuhe meji hatshidi disu dianyi kudi.

Nsumuinu 11:5

Buakane bua muena mutshima mutoke budi bululamisha nshila wandi, kadi muntu mubi neadishinde ku bubi buandi yeye.

Nsumuinu 16:3

Teka mudimu webe mu bianza bia Yehowa, ne malu awahangidisha nealubuluke.

Nsumuinu 16:9

Mutshima wa muntu udi uhangidisha bua kuya ku luendu, kadi Yehowa udi ulombola makasa andi.

Nsumuinu 23:17

Mutshima webe kaukuatshidi bantu babi mukau, kadi wikale biau ne ditshina dia Yehowa dinda tô ne ku dilolo.

Yeshaya 26:7

Nshila wa bantu bakane udi mululame; wewe udi ulandakasha nshila wa bantu bakane.

Yeshaya 30:21

Hawakeba kusesuka ku tshianza tshia balume, anyi ku tshianza tshia bakashi, matshu ebe neunvue dî difume ku nyima kuebe, diamba ne, Nshila kayeu, endelamu.

Yeshaya 45:13

Nakubisha muntu mu buakane buanyi, nemmululamishile nshila yandi yonso; yeye nease musoko wanyi, nealekele bantu banyi bakuatshibue mu maloba a bende, kayi ulomba mushinga anyi mbueshilu; Yehowa wa misumba udi wamba nunku.

Yeshaya 48:17

Yehowa, Muhikudi webe, Wa Tshijila wa Isalele udi wamba ne, Meme ndi Yehowa Nzambi webe, udi ukuyisha bua wewe wikale ne diakalengele, udi ukulombola mu nshila ûdi ne bualu bua kuendelamu.

Yirmeya 10:23

Yehowa, ndi mumanye ne nshila wa muntu kena munda muandi; muntu kena ne bukole munda muandi bua kuendesha nʼabu biendedi biandi bimpe.

Yirmeya 42:3

Utulombele bua Yehowa Nzambi webe atuleshe nshila utudi ne bua kuendela ne muanda utudi ne bua kuenza.

Dibadika 9:20

Bikondo bikuabo ditutu diakimana ku mutu kua nsubu matuku makese, hashishe bakashala mu tshitudilu bu muakadi dî dia Yehowa, ne bakaya ku luendu bu muakadi dî dia Yehowa.

1 Korente 10:31

Nunku binuadia anyi binuanua, anyi malu onso anudi nuenza, nuenze malu onso bua kutumbisha Nzambi.

2 Korente 8:16

Kadi tuasakidila kudi Nzambi utu wateka mutshima muomumue wa disuminyina bua bualu buenu munda mua Tito.

Filipe 4:6

Lekelai kudiatshisha ku bualu bumue; kadi mu malu onso ku ditendelela ne ku disengelela numanyishe Nzambi bua milombu yenu ne disakidila.

Kolose 3:17

Ne malu onso anudi nuenza, ne mu mei ne mu bienzedi, enzai onso mu dina dia Mukelenge Yesu; nusakidile Nzambi Tatu bua bualu buandi.

Kolose 3:23

Malu onso anudi nuenza, nuenze ne mitshima yenu bu munudi nuenzela Mukelenge; kembu munudi nuenzela bantu;

Yakobe 1:5

Kadi biahanga mukuabo wenu meshi, âlombe kudi Nzambi udi uha bonso ne mutshima mutoke kai ubatobolola; neamuhebue.

1 Samuele 30:8

Davidi wakebesha Yehowa ne, Binalonda tshisumbu etshi mu nshila, nembahete, anyi? Yeye wakamukudimuna ne, Ubalonde, wewe neubahete, kuena uhanga kuhingisha bintu bionso.