Nsumuinu 3:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Muanʼanyi, kuhu diyisha dianyi muoyo kadi mutshima webe ntumikile mikenji yanyi.

MUKANDA WA MYIDI MUKULU

¹ Muananyi, kupu dilongesha dianyi muoyi. Kadi uvuluke mibelu yanyi.

Nsumuinu 3:1 Iomraidhean Croise

Misambu 119:11

Nakulama dî diebe mu mutshima wanyi, bua meme tshikuenzedi bibi.

Misambu 119:153

Umone dikenga dianyi, umpandishemu, bualu bua tshiena mpua mikenji yebe muoyo.

Misambu 119:16

Nendisankishe mu mikenji yebe mifunda, tshiena mpua dî diebe muoyo.

Misambu 119:176

Nakuhambuka bu mukoko mujimine; ukebe muena mudimu webe, bualu bua tshiena mpua mikenji yebe muoyo.

Misambu 119:34

Umpe lungenyi, bua ndame mikenji yebe; ne bua meme kuyitumikila ne mutshima wanyi mujima.

Misambu 119:61

Mionshi ya bantu babi yakunjingila, kadi tshiakuhua mikenji yebe muoyo.

Misambu 119:93

Tshiena mpua mei audi ungambila muoyo kashidi, bualu bua wewe wakusangasha nʼau muoyo wanyi.

Misambu 91:16

Nensankishe mutshima wandi ne dileha dia matuku andi, nemmuleshe luhandu luanyi.

Ekesode 20:6

Ntu ngalesha bihungu tshinunu badi bansue ne badi benza mikenji yanyi luse lujalame.

Nsumuinu 1:8

Muanʼanyi, unvue diyisha dia tatu webe, kuhidi diyisha dia mamu webe.

Nsumuinu 16:31

Nsuki mitoke tô idi tshifulu tshia butumbi, nebatshihete mu nshila wa buakane.

Nsumuinu 2:1

Muanʼanyi, bi witabusha mei anyi, biwateka mikenji yanyi munda muebe,

Nsumuinu 23:26

Muanʼanyi, Umpe mutshima webe, mesu ebe atangile nshila yanyi.

Nsumuinu 31:5

Kabânu, kabahu mikenji muoyo, kabasesuishi bakengi kulumbulula kuakane.

Nsumuinu 4:2

Bualu bua ndi nnulesha diyisha dimpe, kanulekedi kulonda diyisha dianyi.

Nsumuinu 4:21

Mei â kaumuki ku mesu kuebe; wâteke munda mua mutshima webe.

Nsumuinu 4:5

Heta meji, uhete biebe dijingulula dia mianda; kuhu muoyo, kusesuki ku mei a mukana muanyi.

Nsumuinu 8:1

Meji kaena ela dî diau, anyi? Dijingulula dia mianda kadiena dihandisha dî diadi, anyi?

Nsumuinu 9:1

Meji akuasa nsubu wau, akusonga makunshi au muanda mutekete.

Yeshaya 51:17

Tabala, tabala, bika biebe, Yelushalema, wakunua luhanza lua tshiji tshiandi ku tshianza tshia Yehowa, wakunua luhanza ludi lukutenkakasha, waku dî mana tô ne ku binyindanyinda.

Yirmeya 31:33

Yehowa udi wamba ne, Kadi etshi ntshihungidi tshindualua kuhunga ne Bena Isalele ku nyima kua matuku au: nenteke mikenji yanyi munda muabo, nenyifunde mu mitshima yabo; meme nengikale Nzambi wabo, ne bobo nebikale bantu banyi.

Osheya 4:6

Bantu banyi badi babutudibua bualu bua kabena ne lungenyi; bualu bua wewe wakubenga lungenyi, nenkubenge kabidi, bua wewe kuikadi muakuidi wanyi. Bualu bua wakuhua mikenji ya Nzambi webe muoyo, meme kabidi nempue bana bebe muoyo.

Dielulula 4:23

Nudimuke bienu, kanuhu muoyo bua tshihungidi tshia Yehowa, Nzambi wenu, tshiakahungeye nʼenu: kanudisongidi luhingu anyi tshifuanyikishi tshia tshintu tshimue tshiakanuhidisha Yehowa, Nzambi wenu,

Dielulula 4:9

Nuanji kudimuka, nulame mioyo yenu bilengele, bua kanuhu muoyo bua malu anuakatangila ne mesu enu, ne bua mei au kaluhuki mu mitshima yenu matuku onso a muoyo wenu; kadi nuamanyisha bana benu ne bana ba bana benu;

Dielulula 5:16

Unemeke tatuʼebe ne mamuʼebe bu muakanuambila Yehowa, Nzambi webe, bua matuku ebe ikale a bungi, ne bua wewe ukume dikasa dimpe mu buloba budi Yehowa, Nzambi webe, ukuha.

Dielulula 5:33

Nuende bienu mu nshila wakanuambila Yehowa, Nzambi wenu, bua nuenu nuikale ne muoyo, ne bua nuenu nukume dikasa dimpe, ne bua nuenu nuvudishangane matuku enu mu buloba bunudi nuhiana.

Dielulula 8:1

Nuenze mikenji yonso inakunuambila lelu, bua nuenu nuikale ne muoyo, nukumbane, nubuelemu bua kuhiana buloba buakalaya Yehowa batatu benu.