Nsumuinu 29:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Mu ditomboka dia muntu mubi mudi buteyi, kadi muntu muakane udi wimba misambu, udi usanka.

MUKANDA WA MYIDI MUKULU

⁶ Bantu babi badi bapona mu mateyi avuabu bateye. Kadi bantu badi batshina Mvidi Mukulu badi tente ne disanka.

Nsumuinu 29:6 Iomraidhean Croise

Misambu 11:6

Yeye nealokeshile bantu babi makala a kahia; kahia ne soufre ne luhehele ludi luosha nebikale tshituha tshia luhanza luabo tshidibo baheta.

Misambu 118:15

Mbila ya disanka ne ya luhandu lua mu nvita idi yunvuika mu nsubu ya ntenta ya bantu bakane; tshianza tshia bukole tshia Yehowa tshidi tshienza malu a bukitu;

Misambu 132:16

Nenduatshishe bakuidi badimu luhandu, bansanto badimu nebele mbila bua disanka diabo.

Misambu 97:11

Munya utu watema bua bantu bakane mu buloba, disanka didi dikunyinamu bua badi bakane mu mitshima yabo.

Ekesode 15:1

Mose ne Bena Isalele balambila Yehowa musambu eu, bakamba ne, Nengimbile Yehowa musambu, bualu bua yeye wakatamba bukole ne butumbi buandi. Yeye wakela kabalu ne muntu wakadi wenda ha nyima haku mu bunene bua mai manene.

Nsumuinu 10:28

Ditekemena dia bantu bakane nedishihe ne disanka, kadi ditekemena dia bantu babi nedijimine.

Nsumuinu 12:13

Muntu mubi udi ukuatshika mu buteyi bua mei mabi a ku mishiku yandi, kadi muntu muakane udi uhanduka mu dikenga.

Nsumuinu 22:5

Mingonge ya meba ne mateyi bidi mu nshila wa muena tshitshu; udi ulama muoyo wandi neabiehuke kule kudibi.

Nsumuinu 5:22

Malu a tshishiku a muntu mubi adi umukuata mu buteyi, udi musuikibue ne mionshi ya bubi buandi.

Muambi 9:12

Muntu kena mumanye tshikondo tshiandi; bu mudi minyinyi ya mu mai ikuatshibua mu kahamba kabi, ne bu mudi nyunyu ihia masoka, nunku bana ba bantu badi bakuatshibua mu tshikondo tshibi haluatshi kudibo lukasa.

2 Timote 2:26

ne bobo nebahingane ku meshi mahole, bamane kudiluhula mu mateyi a diabolo, bakadi bakuatshibua kudiye bua kuenza bu mu disua diandi.

Yakobe 1:2

Bana betu, nububale bu disanka dionso hanuahona mu mateta a mishindu ya bungi;

1 Petro 1:8

Yeye, unuakadi kanui batangile ku mesu, nyeye unudi nunanga; kadi nudi numuitabusha, kanui numutangila katataka, ne nudi nusanka bikole ne disanka didi hadi mua kuambibua ne didi diûle tente ne butumbi;

1 Yone 1:4

Tudi tunufundila malu â bua disanka dietu divulangane.

Balombodi 20:41

Bena Isalele bakatshunguluka, ne Bena Benyamina bakatua mikemu, bakamanya ne, Bualu bubi buakutukuata.