Nsumuinu 27:11 - Mukanda wa Nzambi Dihungila Dikulukulu ne Dihungila Dihia-dihia 2003

¹¹ Muanʼanyi, wikale ne meji, usankishe mutshima wanyi, bua mmanye mua kuitaba kudi muntu udi umpenda.

MUKANDA WA MYIDI MUKULU

¹¹ Muananyi ikala ne meji, nanku nensanke bikole. Pikala muntu unjana nemmone mua kumuandamuna.

Nsumuinu 27:11 Iomraidhean Croise

Misambu 119:42

Nunku nengikale ne dî dia kukudimuna muntu udi umpenda, bualu bua ndi ngeyemena dî diebe.

Misambu 2:10

Nunku, nuenu bakelenge, nuikale ne meji; nuyishibue, nuenu bakokeshi ba ha buloba.

Nsumuinu 10:1

Nsumuinu ya Solomo. Muana mulume udi ne meji udi usankisha tatuʼandi, kadi muana muhote udi unyingalasha mutshima wa mamuʼandi.

Nsumuinu 15:20

Muana mulume wa meji udi usankisha tatuʼandi, kadi muntu muhote udi uhetula mamuʼandi.

Nsumuinu 26:16

Mufuba udi wela meji ne, Ndi ne lungenyi luhite lua bantu muanda mutekete badi mua kukudimuna dî ne meji.

Nsumuinu 27:12

Muntu mudimuke udi utangila dikenga diamba kumukuata, udi usokoma; kadi batshimbakanyi badi bahitaku, badi bakengeshibua.

Nsumuinu 29:3

Muntu udi unanga meji udi usankisha tatuʼandi, kadi udi ubuelakana ne bakashi ba masandi udi utangalasha bintu biandi.

Filemone 1:7

Bua nakadi ne disanka dinene ne busambi bua dinanga diebe, bualu ba mitshima ya basanto yakakankauashibua bua bualu buebe, muanʼetm.

2 Yone 1:4

Nakasanka bikole bualu bua nakusangana bana bebe bakuabo benda mu bushua, bu mutuakangata mukenshi kudi Tatu.