Nsumuinu 24:13 - Mukanda wa Nzambi Dihungila Dikulukulu ne Dihungila Dihia-dihia 2003

¹³ Muanʼanyi, udie buitshi, bualu bua budi buimpe, mamata a buitshi adi mashemakane mukana muebe.

MUKANDA WA MYIDI MUKULU

¹³ Udie buitshi, muananyi, bualu buitshi mbusheme mukana, kabidi budi bukolesha mubidi.

Nsumuinu 24:13 Iomraidhean Croise

Misambu 119:103

Mona mudi mei ebe mashemakane handi ngalabula, mahite buitshi kushemakana mukana muanyi!

Misambu 19:10

Kubinanga kudi kuhita kunanga or buimpe; e, kudi kuhita kunanga or wa mushinga mukole wa bungi buimpe. Bidi bihita buitshi ne mamata a buitshi a ku dihula kushemakana.

Nsumuinu 16:24

Mei malengele adi bu dikatshi dia buitshi, adi mashemakane ku muoyo ne adi asangulusha mubidi.

Nsumuinu 25:16

Wakusangana buitshi, anyi? Udie anu tshituha tshiabu tshidi tshikukumbanyina, bua biwatamba kubudia, neuluke.

Nsumuinu 25:27

Kambimpe bua kudia buitshi bua bungi; nunku kambimpe bua bantu bakononone butumbi buabo.

Nsumuinu 27:7

Muntu udi mûkute udi udiata dikatshi dia buitshi muinshi mua makasa, kadi tshintu tshionso tshidi ne bululu tshidi tshishemakana mukana mua udi ne nzala.

Musambu wa Solomo 4:11

Mukashi wanyi mubangile, mishiku yebe idi bu dikatshi dia buitshi; buitshi ne mabele bidi muinshi mua ludimi luebe; muhuya wa bilulu biebe udi bu wa Lebanona.

Musambu wa Solomo 5:1

Muanʼetu mukashi, mukashi wanyi mubangile, nakabuela mu tshibunda tshianyi. Nakasangisha myrrhe wanyi ne bintu bia muhuya muimpe; nakadia buitshi buanyi busangishe ne dikatshi; nakanua nvinyo yanyi misangisha ne mabele. Balunda banyi, diai, nuai bienu; bananga banyi, nuai bintu bia bungi.

Yeshaya 7:15

Bia kudia biandi nebikale manteke ne buitshi hamanyeye mua kubenga malu mabi ne mua kusungula malu makane.

Matayi 3:4

Yone wakadi biandi ne tshikowelu tshiandi tshia mioso ya kamelu, wakadi kabidi ne mukaba wa tshiseba mu tshimono tshiandi; bia kudia biandi biakadi mikumbi ne buitshi.

Balombodi 14:9

Yeye wakamuangata mu bianza biandi, wakaya, wenda ubudia; wakahingana kudi tatu wandi ne mamu wandi, wakabahabu, ne bobo bakabuela; kadi yeye kakabambila ne, Nakangata buitshi munda mua tshitalu tshia nyama wa ntambue.

1 Samuele 14:27

Kadi Yonatana kakunyua hakakandika tatu wandi bantu ne mutshihu: nunku yeye wakatua lusongo lua mulangala wakadi mu tshianza tshiandi mu dihula dia buitshi, wakela tshianza mukana muandi; mesu andi akatanduka.