Nsumuinu 23:21 - Mukanda wa Nzambi Dihungila Dikulukulu ne Dihungila Dihia-dihia 2003

²¹ Bualu bua mukuatshiki wa maluvu ne muena lumpukusi nebabuele mu buhele; tulu netuluatshishe muntu bi lulu bisunsuke.

MUKANDA WA MYIDI MUKULU

²¹ Bualu badiavi ne banuavi nebabuele mu dikenga. Bafuba nebavuale bitetela.

Nsumuinu 23:21 Iomraidhean Croise

Nsumuinu 18:9

Muntu udi ulenguluka mu mudimu wandi udi muanʼabo ne mubutudi.

Nsumuinu 19:15

Bufuba budi buladika muntu tulu tukole, ne muena bukata neikale ne nzala.

Nsumuinu 21:17

Udi unanga disanka neikale muhele; udi unanga nvinyo ne manyi kena wikala mubanji.

Muambi 10:18

Bua bufuba musaka wa nsubu udi uhuka; bua lulengu mai adi amata mu nsubu.

Yowele 1:5

Tabalai, nuenu bakuatshiki ba maluvu, dilai bienu; asai miadi, nuenu bonso banu ba maluvu a nvinyo, bualu bua nvinyo mihia-mihia yakûmushibua mukana muenu.

Matayi 11:19

Muana wa muntu wakulua udia bidia, unua maluvu; badi bamba ne, Yeye udi muena mudi, udi mukuatshiki wa maluvu, udi mulunda wa basangishi ba mulambu ne wa bantu babi. Bienzedi bia lungenyi bidi bilujadika.

1 Korente 5:11

Kadi mpindiu ndi nufundila ne, Kanubuelakanyi ne muntu udi ne dina dia muanʼenu wa ma Kilisto bikaleye muena masandi, anyi muena lukuka lua bintu, anyi muena mpingu, anyi muhendanganyi, anyi mukuatshiki wa maluvu, anyi munyengi wa bintu; kanudî mene ne muntu wa nunku.

1 Korente 6:10

anyi bibi, anyi bena lukuka lua bintu, anyi bakuatshiki ba maluvu, anyi bahendanganyi, anyi banyengi ba bintu, kabena bahiana bukelenge bua Nzambi.

Ngalate 5:21

mutshiaudi, bukuatshiki bua maluvu, manaya a bundu ne malu â onso; edi ndianjila kunudimusha bu munakamana kunudimusha diambedi ne, Bantu batu benza malu â kabena bahiana bukelenge bua Nzambi.

Dielulula 21:20

nebambile bakulu ba mu musoko wabo ne, Muana wetu eu udi ne tshitshu ne buhidia, kena utumikila mei etu; udi muena lumpukusu ne mukuatshiki wa maluvu.

Filipe 3:19

kunshikidilu kuabo didi dibutuka, nzambi wabo ndifu diabo, butumbi buabo budi mu bundu buabo; badi belangana meshi a malu a ha buloba.