Nsumuinu 2:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ biwakukeba bu mûdi ukeba tshiamu tshia argent, biwakukeja bu mûdi ukeja biuma bisokoka,

MUKANDA WA MYIDI MUKULU

⁴ Ulukebe muudi ukeba tshiamu tshitoke tshia mushinga mukole, muudi ukeba biuma bivuabu basokoke.

Nsumuinu 2:4 Iomraidhean Croise

Genese 26:32

Ku dituku adi mene bahika ba Isaka bakalua kudiye, bakamuambila bua dina dia mai diakimbabo ne, Tuakusangana mai.

Yobe 3:21

Badi bajinga lufu, ne kaluena tulua kudibo, badi bumbula mu buloba bua kulukeba ne dikeba dihite dia biuma bisokoka bukole.

Misambu 119:127

Bua malu â ndi ntamba kunanga mikenji yebe ku mpala kua tshiamu tshia or; e, ku mpala kua or mufula mu ditanda.

Misambu 119:14

Ndi ne disanka mu dilonda dia mei ebe, bu mundi nsanka mu bubanji buonso.

Misambu 119:72

Mikenji ya mukana muebe idi ihita bituha binunu bia biamu bia or ne bia argent kundi.

Misambu 19:10

Kubinanga kudi kuhita kunanga or buimpe; e, kudi kuhita kunanga or wa mushinga mukole wa bungi buimpe. Bidi bihita buitshi ne mamata a buitshi a ku dihula kushemakana.

Nsumuinu 16:16

Mona mudi diheta dia meji dihita tshiamu tshia or bulengele! Bulelela, kuheta dijingulula dia mianda kudi kuhita kusungula kua tshiamu tshia argent bulengele.

Nsumuinu 2:3

e, biwadidila dijingulula dia mianda muadi, biwabandishila kumanya kua malu dî diebe,

Nsumuinu 23:23

Sumba bushuwa, kubuhanyi nansha; sumba meji, diyisha ne dijingu tula dia mianda.

Nsumuinu 4:7

Tshibangidilu tshia meji tshidi dî edi ne, Angata meji; e, angata dijingulula dia mianda ku mpala kua malu onso makuabo.

Nsumuinu 8:17

Ndi munange badi bannanga, bonso badi bankeba ne lukunukunu nebansangane.

Muambi 4:8

mukuabo udiku udi nkayandi kayi ne muntu, nansha muana wa balume nansha muanʼabo wa balume, kadi nshikidilu wa mudimu wandi kenaku; mesu andi kaena manze kutshina ne bubanji. Hashishe, udi udikonka munda ne, Ndi ngenzela nganyi mudimu? Ndi ndikandika masanka bua tshinyi? Ebu mbualu bua hatuhu ne mudimu wa lutatu.

Matayi 13:44

Bukelenge bua mu diulu kabidi budi bu biuma biakadi bisokoka mu budimi; hakabisangana muntu, yeye wakabisokoka kabidi; mu disanka diandi, wakaya, wakahana bintu biandi bionso, wakasumba budimi abu.

Matayi 19:29

Muntu yonso wakushia nsubu yandi, anyi bana babo balume anyi bana babo bakashi, anyi tatuʼandi, anyi baba wandi, anyi bana bandi, anyi madimi andi, bualu bua dina dianyi yeye neahete masanka misangu lukama matambe a diambedi, neahiane muoyo wa tshiendelele kabidi.

Luke 16:8

Mukelenge wakunyisha mulami mubi bualu bua yeye Wakenza budimu; bualu bua bana ba mu tshikondo etshi munkatshi mua ba mu mulongo wabo badi batambe bana ba munya budimu.