Nsumuinu 19:21 - Mukanda wa Nzambi Dihungila Dikulukulu ne Dihungila Dihia-dihia 2003

²¹ Mutshima wa muntu udi ne malu a bungi adiye uhangidisha, kadi malu adi Yehowa Usungula neajadikibue.

MUKANDA WA MYIDI MUKULU

²¹ Muntu udi wela meji a bungi mu muoyi. Kadi amu bidi Mvidi Mukulu ujadika ke bidi bienzeka.

Nsumuinu 19:21 Iomraidhean Croise

Genese 50:20

Bua bualu buenu nuenu nuakasua kungenzela bibi, kadi Nzambi wakasua kuenza bimpe, wakakudimuna malu bua kusungileye bantu bu muakuenzeleye lelu.

2 Samuele 17:14

Abashaloma wakambila Bena Isalele bonso ne, Lungenyi luakatuambila Hushai, Muena Aka, ludi luhita lua Ahitofele buimpe. Bualu bua Yehowa wakahangidisha bua kukudimuna mei mimpe akamba Ahitofele bua Yehowa enzele Abashaloma bualu bubi.

Estere 9:25

kadi hakamanya mukelenge bualu ebu, yeye wakafundila mikanda bua kukudimuneye bualu bubi buakadiye musue kuenzela Bena Yuda ha mutu handi, ne yeye ne bana bandi balume bakowibua ku tshiowelu.

Yobe 23:13

Kadi yeye wakadisunguila bualu bumue, ne muntu kai udi mua kukudimuna meji andi? Bualu budi mutshima wandi Usungula mbudiye wenza.

Misambu 21:11

Bualu bua bakuhunga di bua kukuenzela bibi; bakakuhangidishila bualu munda muabo, kadi kabena bamanye mua kubushikisha.

Misambu 83:4

Badi bamba ne, Luai, tubabutule bua kabikadi tshisamba tshia bantu kabidi; bua kabavuluki dina dia Bena Isalele kabidi tshiendelele!

Nsumuinu 12:2

Muntu muimpe udi uheta diakalengele kudi Yehowa, kadi yeye udi uhisha muntu udi uhangidisha malu mabi.

Nsumuinu 16:1

Malu adi bantu bahangidisha mu mitshima adi afuma kudibo, kadi dî didi ludimi lukudimuna didi difuma kudi Yehowa.

Nsumuinu 16:9

Mutshima wa muntu udi uhangidisha bua kuya ku luendu, kadi Yehowa udi ulombola makasa andi.

Nsumuinu 19:22

Tshidi tshivuisha muntu dinanga kudi bakuabo nduse luandi; muntu muhele udi uhita muena mashimi buimpe.

Nsumuinu 21:1

Mutshima wa mukelenge mu bianza bia Yehowa udi bu misulu ya mai, yeye udi ûtuma kuonso kudiye musue.

Nsumuinu 21:30

Kakuena meji, anyi dijingulula dia mianda, anyi kuhunga kua mei, bidi mua kuhita Yehowa bukole.

Muambi 7:29

Nakasangana anu bualu ebu bumue ne, Nzambi wakafuka bantu ne mitshima mijalame, kadi bobo bakadikebela malu a ngenyi yabo.

Yeshaya 14:24

Yehowa wa misumba wakuditshiha, wamba ne, Bulelela, bu munakuhangidisha bua kuenza, bualu nebuenjibue; bu nuina kusungula mu mutshima wanyi, nebujalame muomumue,

Yeshaya 46:10

ndi ndianjila kulesha bantu nshikidilu wa bualu ku tshibangidilu tshiabu, ne mu bidimu bia kale mubaleshe malu akadi kâyi manji kuenjibua. Ndi ngamba ne, Bualu bunakadihangidishila bua kuenza nebuenjibue, nengenze malu anakusua kuenza;

Yirmeya 44:29

Yehowa udi wamba ne, Etshi ntshimanyinu tshindi nnulesha ne nennukengeshe mu muaba eu, bua nuenu numanye ne mei anakuamba ne, Nennuenzele bibi, neajalame bulelela.

Yezekiyele 20:32

Meji au kabidi, anudi nuhangidisha kaena ajalama, bualu bua nudi nuamba ne, Netuikale bu bisamba bia bantu, bu meku a mu maloba makuabo, netukuatshile mutshi ne dibue mudimu.

Danyele 4:35

Bonso ba ha buloba badi hatuhu ku mesu kuandi. Yeye utu wenza bu mudiye musue munkatshi mua misumba ya ba mu diulu ne munkatshi mua ba ba buloba; kakuena muntu udi mua kukauda tshianza tshiandi, anyi kumuebesha ne, Udi wenza tshinyi?

Efeze 1:11

Mu Kilisto Yesu mutuakavuishibua buhianyi, hatuakadianjila kusungudibua bu muvueye muhangidishe, nyeye udi wenzesha malu onso bu mudi kudijingulula kua disua diandi;

1 Petro 2:8

ne dibue dia kukumabo dikasa, ne mutunda wa dibue wa kubalenduisha: bobo badi balenduka ku dî dia Nzambi bualu bua buhidia buabo; bakatekibua ku bualu ebu kabidi.

Yuda 1:4

Bualu bua bantu bakuabo bakabombelela munkatshi muenu mu musokoko; bobo bakadi ne malu abo mafundibue diambedi ku dihila edi; badi kabai ba Nzambi, bandamuna ngasa wa Nzambi wetu ku malu a masandi, badi babenga Nfumu wetu umue umuehele, udi kabidi Mukelenge wetu, Yesu Kilisto.