Nsumuinu 11:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Biuma kabiena bikuatshisha muntu mu dituku dia tshiji tshikole, kadi buakane budi bumuhandisha ku lufu.

MUKANDA WA MYIDI MUKULU

⁴ Biuma kabiena bituambuluisha dituku didi Mvidi Mukulu ukosa nsambu. Amu udi ulamata Mvidi Mukulu ke udi upanduka ku lufu.

Nsumuinu 11:4 Iomraidhean Croise

Genese 7:1

Yehowa wakambila Noa ne, Buela biebe mu buatu ne bantu bonso ba mu nsubu muebe, bualu bua meme nakakumona muimpe ku mesu kuanyi munkatshi mua tshikondo etshi.

Yobe 20:28

Bintu biakabutshileye mu nsubu muandi nebajimine; nebajimine mu dituku dia tshiji tshikole tshia Nzambi.

Nsumuinu 10:2

Biuma biheta ku bubi kabiena bilubuluka, kadi buakane budi buhandisha muntu ku lufu.

Nsumuinu 12:28

Mu nshila wa buakane mudi muoyo, kadi mu nshila wa bubi mudi lufu.

Nsumuinu 6:34

Bualu bua mukau udi ubandisha tshiji tshia mulume, kena unvua luse dituku dia kudisombuela.

Yeshaya 10:3

Nenuenze tshinyi mu difuku dia kunulumbuluisha, ne dia kubutuka kudi kufuma ku muaba mule? Nenunyemene kudi nganyi bua yeye ankuatshishe? Nenushiye biuma bienu kudi kunyi?

Yezekiyele 14:14

Yehowa udi wamba ne, Nansha bu bantu aba basatu, Noa, Danyele ne Yobo, bikaminu, bakadi kuhandisha anu mioyo yabo nkayai ku buakane buabo.

Yezekiyele 7:19

Nebimashe bintu biabo bia argent mu misesu, ne tshiamu tshiabo tshia or netshikale kudibo bu tshintu tshidi ne manyanu. Biamu biabo bia argent ne bia or kabiena bimanye mua kubahandisha mu dituku dia tshiji tshikole tshia Yehowa; kabiena bisankisha mitshima yabo, kabiena biukutshisha mafu abo, bualu bua biakadi tshilenduishi tshiakabahonesha mu bubi.

Sefanya 1:18

Biamu biabo, nansha bia argent, nansha bia or, kabiena mua kubahandisha mu dituku dia njiya ya Yehowa; kadi buloba buonso nebuhie ku kahia ka mukau wandi. Bualu bua neabutule bantu bonso badi bashikame ha buloba ne dibutula didi dikuatshisha bantu buowa.

Matayi 16:26

Biasumba muntu buloba buonso ku muoyo wandi, mushinga wandi muimpe udi hanyi? Anyi, muntu udi ne tshintu kai tshia kushintakasheye bua kuangateye muoyo wandi kabidi?

Luke 12:20

Kadi Nzambi wakamuambila ne, Wewe udi muhote, butuku ebu mene badi balomba muoyo webe; bintu biwakulongolola nebikale kudi nganyi?

Rome 5:17

Bualu bua bikala lufu luakakokesha bua muntu umue bualu bua bushihi bua mikenshi bua muntu umue, bantu badi bangata kuhumukila kua ngasa ne kua diha dia buakane nebatambe kukokesha mu muoyo kudi umue, Yesu Kilisto.

1 Timote 4:8

Bualu bua dikolesha dia mubidi didi ne mushinga muimpe kakese; kadi buimpe bua Nzambi budi ne mushinga muimpe mu malu onso, budi ne mulayi wa muoyo wa mpindiu ne wa muoyo ukadi ha kulua.