Luke 11:41 - Mukanda wa Nzambi Dihungila Dikulukulu ne Dihungila Dihia-dihia 2003

⁴¹ Nuhe bantu bintu bia luse binudi nʼabi munda; nunku bintu bionso nebitoke ku mesu kuenu.

MUKANDA WA MYIDI MUKULU

⁴¹ Peshayi bapele bidi mu makopu ne mu malongu enu. Nanku malu enu onsu neakane!

Luke 11:41 Iomraidhean Croise

Misambu 112:9

Yeye wakuabanya bintu, wakuhesha bahele bintu; buakane buandi budiku tô ne tshiendelele; lusengu luandi nelubandishibue mu butumbi.

Misambu 41:1

Disanka didi kudi muntu udi wela meji a luse bua muntu udi ne mubidi mutekete! Yehowa neamuhandishe mu dituku dia dikenga.

Nsumuinu 14:31

Udi ukengesha muhele udi uhenda Mufuki wandi, kadi udi ulesha mukengedi wa bintu luse udi umutumbisha.

Nsumuinu 16:6

Luse lujalame ne lulamatu lua ku bushuwa bidi bibuikila malu mabi, ne bua ditshina diabo dia Yehowa bantu badi bahanduka mu dikenga.

Nsumuinu 19:17

Udi ufuila muhele luse udi usombesha Yehowa bintu; yeye neamuenzele bimpe ku buimpe buakamuenzeleye.

Danyele 4:27

Bua muanda eu, mukelenge wanyi, wanji kuitabusha lungenyi luanyi: ulekele mibi yebe, uhingashe bienzedi biakane mu muaba wai; ulekele malu ebe a tshishiku, ufuile bahele luse; nunku, bumue, diakalengele diebe nedileheshibue.

Matayi 26:11

Nudi ne bahele matuku onso munkatshi muenu, kadi kanuena nʼanyi meme matuku onso.

Matayi 5:42

Udi ukulomba tshintu umuhetshi, udi musue kukusomba tshintu kumukomi nyima.

Marke 7:19

Bualu bua katshiena tshiya mu mutshima, tshidi tshiya mu difu, tshidi tshiubibua. Bualu bua wakamba dî edi, yeye wakalengesha bintu bionso bia kudia.

Luke 12:33

Nuhane binudi nʼabi, nubihe bantu bahele ku luse; nudienzele bibombo bidi kabi bikulukasha, bintu bia mu tshibutshilu tshia mu diulu bidi kabi bishika tshiendelele, mudi muibi kai ulua ha buihi, mudi tshishi katshi tshinyanga.

Luke 16:9

Ndi nuambila ne, Nudiangatshile balunda ku mamona a malu mabi; hashikau, nebanuitabushe bua nuenu kubuela mu nsubu ya tshiendelele.

Luke 18:22

Hakunvua Yesu dî adi, wakamuambila ne, Bualu bumue mbukushala; uhane biudi nʼabi bionso, ubiabanyine bantu bahele, newikale ne bintu mu tshibutshilu mu diulu; ulue kundonda meme.

Luke 19:8

Zakayo wakimana, wakambila Mukelenge ne, Mukelenge, unvua, nempe bahele tshituha tshia hankatshi ha bintu bianyi; ne bingikala muangate tshintu tshia muntu mukuabo ku mashimi anyi, nemuhingishile bintu binai.

Bienzedi 10:15

Dî diakalua kudiye tshiakabidi ne, Kubikidi tshiakulengeshabo kudi Nzambi ne, Ntshia tshianana.

Bienzedi 11:29

Bayidi bonso, muntu ne tshiakadiye nʼatshi muntu ne tshiakadiye batshi, bakahangidisha bua kukuatshisha nʼabi bana babo ba mu Kilisto ba mu Yudaya;

Bienzedi 24:17

Hakahita binga bidimu, nakalua ne bintu bia luse bua kubiha tshisamba tshianyi, ne bia kufila kudi Nzambi.

2 Korente 8:12

Bikala kudilongolola kudiku, bidi bitabushibua bu mudi muntu nʼabi, kembu mudiye kai nʼabi.

Efeze 4:28

Muntu wakuiba, alekele kuiba; kadi akuate mudimu, enze budi buimpe ne bianza biandi, bua yeye ikale ne tshia kuheye udi utshikengela.

Tite 1:15

Bintu bionso bidi biakane kudi bantu badi ne mitshima mitoke; kadi kudi badi babike, badi kabai ne ditabusha, kakuena tshintu tshidi tshiakane; kadi meshi abo ne muoyo-mukese wabo mbioneka.

Ebrewu 13:16

Kadi kanuhu muoyo bua kuenzelangana bimpe ne bua kukuatshishangana; bua Nzambi udi usanka ne milambu ya nunku.

Ebrewu 6:10

Bualu bua Nzambi kena uhanga buakane bua kuhueye muoyo wa mudimu wenu ne wa dinanga dinuakalesha bua dina diandi, hanuakakuatshila basanto mudimu ne hanutshidi nubakuatshishau.

Yakobe 1:27

Bualu bua Nzambi bua bushua ne budi kabui bunyanguka ku mesu kua Nzambi Tatu budi nunku, bua kuya kutangila bana ba nshîa ne bakashi ba mu lufuila mu dikenga diabo, ne bua kudilama kai ne ditoba dia ku malu a ha buloba.