Genese 12:2 - Mukanda wa Nzambi Dihungila Dikulukulu ne Dihungila Dihia-dihia 2003

² Nenkuvuishe tshisamba tshinene, nenkusankishe, nenvuishe dina diebe dinene, ne wewe neuvudishile bakuabo disanka.

MUKANDA WA MYIDI MUKULU

² Nenkuele lupemba, wikale tatu wa tshisamba tshinene tshia bantu. Dina diebe nedikale ne lumu lunene. Kabidi bantu bakuabu nebapete diakalenga kuudi.

Genese 12:2 Iomraidhean Croise

2 Samuele 7:9

nakadi nʼebe ku miaba yonso iwakaya; nakashiha bena lukuna bebe bonso ku mpala kuebe; nenkuvuishe dina dinene bu dina dia bantu banene ba ha buloba.

Ngalate 3:14

bua disanka dia Abalahama dilue kudi bisamba bia bende mu Kilisto Yesu; bua tuetu kuangata mulayi wa Nyuma bua ditabusha.

Genese 18:18

Bualu bua yeye nealue tshisamba tshinene, ne bisamba bionso bia ha buloba nebisanke bua bualu buandi.

Genese 35:11

Nzambi wakamuambila kabidi ne, Ndi Nzambi wa Bukole Buonso, uvulangane ukumbane ba bungi, bisamba bia bungi nebifume kudi, bakelenge nebaluhuke munda muebe

Genese 46:3

Yeye wa kamba ne, Ndi Nzambi wa tatuʼebe, kutshinyi bua kuya mu Ejipitu, bualu bua nenkuvuisheku tshisamba tshmene

Genese 26:4

Nenvudishangane tunkanunuina tuebe bungi bu mitoto ya mulu, nempe tunkanunui na tuebe buloba ebu buonso bisamba bionso bia ha buloba nebisankishibue bua tunkanunuina tuebe.

Genese 24:35

Yehowa wakatamba kusankisha mukelenge wanyi, yeye wakulua muntu munene, wakumuka bisumbu bia mikoko ne bia ngombe, ne argent ne or, ne bahika balume ne bahika bakashi, ne tumelo ne nyama ya mpunda.

Ngalate 3:7

Numanye bienu ne, Bantu badi ba ditabusha mbobo badi bana ba Abalahama.

Ekesode 1:7

Bena Isalele bakakumbana ba bungi, bakavulangana, bakalua bakole be, bakula mu buloba tente.

Genese 13:16

Nenkuvudishile tunkanunuina tuebe, netuikale bu dinfuenkenya dia buloba, nunku biamanya muntu mua kubala dinfuenkenya dia buloba, hashishe, tunkanunuina tuebe netubadibue kabidi.

Genese 15:5

Yehowa wakaluhuka nʼandi mu nsubu, wakamba ne, Tangila mutu bala mitoto, biwamanya mua kuyibala Yeye wakamuambila ne, Tunkanunuina biebe netuikale bungi nunku.

Dielulula 26:5

Nenuambe ku mesu kua Yehowa, Nzambi wenu, ne, Tatu wetu wakadi Muena Sulia, wakadi wamba kufua; ne yeye wakaya mu Ejipitu, wakashikamamu bantu banya-banya; yeye wakalua tshisamba tshinene tshia bukole ne bantu ba bungi.

Ekesode 32:10

nunku kumpumbishi nansha, tshiji tshianyi tshikale tshikole kudibo, neashihe, kadi nenkuvuishe wewe tshisamba tshinene.

Genese 28:14

Tunkanunuina tuebe netuikale bu dinfuenkenya dia buloba netumuangalale ku wesete ne ku esete ne ku nôde ne ku sude bisamba bionso bia ha buloba nebisanke bualu buebe ne bua tunkanunuina tuebe.

Genese 27:29

bantu bakukuatshile mudimu, ne bisamba bia bantu bitue mpala hanshi ku mesu kuebe wikale mukelenge wa bana benu, bana ba mamu webe batue mpala hanshi ku mesu kuebe, muntu yonso udi ukuela mulau neadiele mulau muntu yonso udi ukuvudishila disanka, adivudishile disa nka.

Genese 19:29

Hakabutula Nzambi misoko ya mu Mpala, yeye wakavuluka Abalahama, wakumusha Lota munkatshi mua dikenga hakabutuleye misoko kuakadi Lota mushikame.

Rome 4:11

Wakangata tshimanyinu tshia ditengula bu tshimanyishilu tshia buakane bua ku ditabusha diakadiye nʼadi hakadiye kai mutengula, bua yeye kuikala nkambua wa bonso badi bitabusha, nasha bobo kabai batengula kabidi, bua buakane bubadibue kudibo;

Dibadika 14:12

Nembashihe ne disama dikole, nembahidie, nenkuvuishe wewe tshisamba tshidi tshibahita bunene ne bukole.

1 Bakalenga 1:47

Bualu bukuabo kabidi, bantu ba mukelenge bakatua bua kuvudishilabo mukelenge wetu Davidi disanka, bamba ne, Nzambi webe avuishe dina dia Solomo ditambe dina diebe bunene, ne nkuasa wandi wa bukelenge atambe webe bunene. Mukelenge wakakudimana ha bulalu buandi.

Mika 7:20

Neuleshe Yakoba lulamatu luebe, ne luse luebe lujalame kudi Abalahama, bu muwakaditshiha kudi batatu betu, bibangile ku matuku a kale.

Genese 18:19

Nakamumanya bua yeye ayishe bana bandi ne ba mu nsubu wandi bimpe, bua bobo baye mu nshila wa Yehowa bua kuenza malu makane ne malulame, nunku Yehowa neamanye mua kuenzela Abalahama malu onso akamuambileye.

Genese 24:1

Abalahama wakadi muntu mununu mukoke, ne Yehowa wakasankisha Abalahama mu malu andi onso.

Genese 25:11

Ku nyima kua lufu lua Abalahama Nzambi wakasankisha Isaka muanʼandi, ne Isaka wakashikama mu Be-laha-loi.

Genese 26:3

Ushale mu buloba ebu, nengikale bebe, nenkusankishe, bualu bua nenkuhe wewe ne tunkanunuma diebe buloba ebu buonso, nenjadike nʼebe tshihungidi tshinakahunga ne Abalahama, tatuʼebe.

Dibadika 22:12

Nzambi wakambila Belâma ne, Kuyi nʼabo, kuedi bantu aba mulau nansha, bantu aba badi basankishibue.

Dibadika 23:20

Eyo, nakuangata dî bua kubavudishila disanka yeye wakabavudishila disanka, ne meme tshiena mumanye mua kudikudimuna.

Misambu 107:38

Udi ubavudishila disanka, badi bavulangana ba bungi; kena witabusha bua bungi bua bimuna biabo bukehe.

Yezekiyele 34:26

Nenyisankishe mu miaba yonso idi inyunguluka mukuna wanyi, nendokeshe nvula mu tshikondo tshiandi; nvula ya kusankisha bantu neyiloke.

Zekâya 8:13

Bu munuakadi bantu bedibue mulau munkatshi mua bisamba bia bantu, nuenu Bena Yuda ne Bena Isalele, nunku ndi musue kunuhandisha, ne nenulue bantu badi basankisha bakuabo. Kanutshinyi, maboko enu ikale ne bukole.

Genese 17:20

Nakukunvuila bualu bua Yishemaele kabidi, mona, nakumusankisha, nemmukumbashe, nemmuvuishe bisamba bia bungi, yeye nealele baminyampala dikumi ne babidi, nemmuvuishe tshisamba tshinene.

Yobe 35:8

Bubi buebe budi mua kukengesha muntu bu wewe, ne buakane buebe budi bumanye mua kukuatshisha muana wa muntu.

Yeshaya 51:2

Tangilai kudi Abalahama tatu wenu, ne kudi Sala wakamuela; bualu bua hakadiye ha nkayandi nakamubikila, nakamuvudishila disanka, nakamuvudisha bua ikale bantu ba bungi.