Ekesode 9:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Yehowa neateke tshianza tshiandi ha bimuna bidi mu budimi, ha tubalu ne nyama ya mpunda ne nyama ya tumelo ne ngombe ne mikoko, dishina dikole nedibikuate.

MUKANDA WA MYIDI MUKULU

³ nenkunyoke bikole, mbutule bimuna biebe bionsu ne disama dikole dia tshiambu. Mpunde, tubalu, tumelu, ngombe, mikoku ne mbuji, bionsu nebibutuke.

Ekesode 9:3 Iomraidhean Croise

Genese 47:17

Bakalua ne bimuna biabo kudi Yosefe, ne Yosefe wakashintakasha nʼabo bia kudia ku tubalu tuabo ne ngombe yabo ne mikoko yabo ne nyama ya mpunda, yeye wakabadisha tshidimu tshijima ne bintu bia kudia biakashintakasheye ku bimuna biabo,

Misambu 39:10

Ungumusha mukumu webe wa disama uwakunkuma; ndi ngamba kujimina bua dituta dia tshianza tshiebe.

Ekesode 5:3

Bakamba ne, Nzambi wa Bena Ebelu wakasangakena hetu, witabushe ne tuetu tuye luendu lua matuku asatu mu tshihela bua kushihela. Yehowa Nzambi wetu nyama, bua yeye katukengeshi ne masama anyi muele wa mata.

Ekesode 7:4

Kadi Palô kena ukunyuila, ne meme nenteke tshianza tshianyi ha Ejipitu, nempatule bantu banyi Bena Isalele mu buloba bua Bena Ejipitu ku dilumbulula dikole.

Ekesode 8:19

Bena bilengulengu bakambila Palo ne, Bualu ebu budi bu munu wa Yehowa, kadi mutshima wa Palô wakakoleshibua, yeye kakabunvuila, bu muakamba Yehowa.

Amosa 4:10

Yehowa udi wamba ne, Nakatuma tshihuhu munkatshi muenu bu tshinakatumina ba mu Ejipitu; nakashiha bansongalume benu ku muele wa nvita; nakanyengesha tubalu tuenu mu nvita; nakanunkisha mûlu enu muhuya mubi wa tshitudilu tshienu; kadi kanuakahingana kundi.

Bienzedi 13:11

Katataka mona, tshianza tshia Mukelenge tshidi hamʼbidi hebe, newikale mufofo tshituha, kui mumanye mua kutangila diba. Tshibungibungi ne mîdima biakamuhonena lukasa, wakendakana ukeba muntu wa kumulombola ku tshianza.

1 Samuele 6:9

Tangilai, ne biayau malulame mu nshila wa ku mukalu wau wa ku Bete-shemeshe, nemmanye ne Nzambi wakatuenzela bualu ebu bubi; kadi biayau mu nshila mukuabo, nemmanye ne tshianza tshiandi katshiakatushiha, kadi bualu buakatukuata ku mpukahuka.