Ekesode 4:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Mose wakandamuna ne, Kadi bobo kabena bangitabusha, kabena bunvua di dianyi, bobo nebambe ne, Yehowa kakamueneka kûdi nansha.

MUKANDA WA MYIDI MUKULU

¹ Moshe kuandamuna Maweja-Nangila ne: — Bena Izrayele kabakuitaba, kabakukumbaja bionsu bindi mbambila to. Nebangele mpata, bamba ne: “Maweja-Nangila kena mukumuenekele to!”

Ekesode 4:1 Iomraidhean Croise

1 Bakalenga 13:3

Yeye wakamuha tshimanyinu dituku adi, wamba ne, Etshi ntshimanyinu tshiakuamba Yehowa; mona, tshioshelu etshi netshihandike hankatshi, ne butue budi ha mutu hatshi nebumate hanshi.

Ekesode 2:14

Yeye wakamba ne, Wakukuteka mukelenge wetu ne mulumbuluishi wetu nganyi? Udi ukeba kunshiha bu muwakushiha Muena Ejipitu, anyi? Mose wakatshina, wakamba ne, Bulelela, bualu ebu buakumanyibua.

Ekesode 3:15

Nzambi wakambila Mose kabidi ne, Wewe newambile Bena Isalele ne, Yehowa, Nzambi wa bankambua benu, Nzambi wa Abalahama, Nzambi wa Isaka ne Nzambi wa Yakoba wakuntuma kunudi edi ndina dianyi tshiendelele, etshi ntshivulukidi tshianyi kudi bantu bonso.

Ekesode 3:16

Ya usangishe bakulu ba Bena Isalele, ubambile ne, Yehowa, Nzambi wa bankambua benu, Nzambi wa Abalahama, Nzambi wa Isaka ne Nzambi wa Yakoba wakamueneka kundi, wakungambila ne, Nakulua kunudi, Hakatangila mudibo banuenzela mu Ejipitu.

Ekesode 3:18

Bobo nebunvue dî diebe, wewe ne bakulu ba Bena Isalele nenufile kudi mukelenge wa Ejipitu, nenumuambile ne, Yehowa, Nzambi wa Bena Ebelu, wakusangakena nʼetu Tudi tukutendekena ne, Witabushe bua tuetu kuya luendu lua matuku asatu mu tshihela bua kushihela Yehowa Nzambi wetu nyama.

Ekesode 4:10

Mose wakambila Yehowa ne, Yehowa, meme tshiena mua kuakula bimpe, nansha diambedi, nansha katshia wabanga kuakula ne muntu webe, bualu bua meme ndi muena tshikukumina.

Ekesode 4:30

Alona wakabambila mei onso akadi Yehowa wambila Mose, ne yeye wakenza bimanyinu ku mesu kua bantu.

Ekesode 4:31

Bantu bakitabusha ne hakunvuabo ne, Yehowa wakulua kudi Bena Isalele, wakumona dikenga diabo, bakinama mitu yabo, bakatendelela.

Ekesode 6:12

Mose wakamba ku mesu kua Yehowa ne, Mona, Bena Isalele kabena banze kutumikila dî dianyi, Palô neunvuile muena tshikukumina kudi kunyi?

Ekesode 6:30

Mose wakamba ku mesu kua Yehowa ne, Mona, meme ndi muena tshikukumina, Palo neangunvuile munyi?

Yirmeya 1:6

Mu diba adi nakamba hanyi ne, Aka, Mukelenge Yehowa! Mona, tshiena mua kuakula bimpe, bualu hua ntshidi anu muana.

Yezekiyele 3:14

Ka Nyuma wakanjula, wakaya nʼanyi; nakaya ne kanyinganyinga ne nyuma wanyi utema bikole, tshianza tshia Yehowa tshiakanema bikole hamʼbidi hanyi.

Bienzedi 7:25

Yeye wakelangana meshi ne, Bena kuetu nebajingulule ne, Nzambi udi ubasungila ne tshianza tshianyi; kadi bobo kabakajingulula bualu ebu.

Balombodi 6:17

Yeye wakamuambila ne, Bingikala musangane diakalengele ku mesu kuebe, undeshe tshimanymu ne, Nguewe mene udi wakula nʼanyi.