Ekesode 3:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Lua biebe, nenkutume kudi Palo, Ulue biebe ne bantu banyi, bana ba Isalele, badi mu Ejipitu.

MUKANDA WA MYIDI MUKULU

¹⁰ Nanku ndi nkutuma kudi mukalenga wa bena Ejipitu, bua uye kupatula bantu banyi bena Izrayele badi mukalenga awu mukuate ku bupika.

Ekesode 3:10 Iomraidhean Croise

Genese 15:13

Yehowa wakambila Abalama ne, Umanye biebe bimpe ne, Tunkanu nuina biebe nebikale bendakanyi mu buloba budi kabuyi buabo, netukuatshile bena buloba mudimu, nebatukengeshe to bidimu nkama mai,

Genese 15:14

meme nendumbuluishe tshisamba tshia bantu baditu tukuatshila mudimu, hashishe, netuhatuke ne biuma bia bungi.

Misambu 105:26

Wakatumaku Mose muntu wandi, ne Alona wakasunguleye.

Misambu 77:20

Wakalombela bantu bu tshisumbu tshia mikoko, ku tshianza tshia Mose ne tshia Alona.

Ekesode 12:40

Bena Isalele bakashala mu Ejipitu bidimu nkama mai ne makumi asatu.

Ekesode 12:41

Hakaleha bidimu nkama mai ne makumi asatu, mu dituku adi mene mene, bisumbu bionso bia bantu ba Yehowa bakaluhuka mu buloba bua Ejipitu.

Ekesode 33:12

Mose wakambila Yehowa ne, Mona, wewe udi ungambila ne, Uye ne bantu aba, ne wewe kuena muanze kummanyisha muntu udi musue kutuma nʼanyi. Kadi wewe wakamba ne, Ndi mumanye dina diebe, ne wewe wakasangana luse ku mesu kuanyi.

Ekesode 33:13

Katataka, bingikala ne luse ku mesu kuebe, undeshe bienzedi biebe, bua meme kukumanya wewe, ne bua kusangana luse ku mesu kuebe, uvuluke ne tshisamba etshi tshidi bantu bebe.

Ekesode 6:26

Bantu aba Mose ne Alona mbantu bakambila Yehowa ne, Hatulai Bena Isalele mu buloba bua Ejipitu ku misumba yabo.

Osheya 12:13

Yehowa wakaluhula Bena Isalele mu Ejipitu ku bulombodi bua muprofete, ne wakabalama ku bulami bua muprofete.

Mika 6:4

Bualu bua nakanuluhula mu buloba bua Ejipitu, nakanuhikula mu nsubu wa buhika; nakatuma Mose, Alona ne Miyama ku mpala kuenu.

Bienzedi 7:34

Bulelela, nakatangila dikenga dia bantu banyi badi mu Ejipitu, nakunvua mikemu yabo, nakuhueka bua kubasungila; luaku katataka, nenkutume mu Ejipitu.

Bienzedi 7:36

Muntu eu wakabalombola, mumane kuenza malu a kukema ne bimanyinu mu Ejipitu, ne mu Mai Makunze, ne mu tshihela bidimu makumi anai.

Bienzedi 7:6

Nzambi wakamba nunku ne, Tunkanunuina tuandi netuikale mu buloba bua bende, bobo nebababueshe mu buhika, nebabenzele bibi bidimu nkama inai.

Bienzedi 7:7

Nzambi wakamba ne, Nendumbuluishe tshisamba tshia bantu tshikalabo bahika babo; hashishe nebaluhuke, nebankuatshile mudimu mu muaba eu.

Balombodi 6:14

Yehowa wakatshunguluka kudiye, wakamuambila ne, Ya mu bukole ebu mbuebe, usungile Bena Isalele mu bianza bia Bena Midiyana; tshiakakutuma, anyi?

1 Samuele 12:6

Samuele wakambila bantu ne, Yehowa wakasungula Mose ne Alona, nyeye wakafuma ne bankambua benu mu buloba bua Ejipitu.

1 Samuele 12:8

Hakaya Yakoba mu Ejipitu, ne bakadila bankambua benu kudi Yehowa, hashishe Yehowa wakatuma Mose ne Alona, bobo bakafuma ne bankambua benu mu Ejipitu, bakabateka mu muaba eu.