Ekesode 26:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Wewe newase tshitendelelu ne bilulu binene dikumi bia lin mutambe buimpe, bilulu bia bleu ne bilulu bikunzubile ne bilulu bikunze-kunzû, ubienze ne bakeluba benjibue ne lungenyi lule.

MUKANDA WA MYIDI MUKULU

¹ “Ungenzele muaba wa tshijila, mulongolola ne bilamba dikumi bia ndanda. Kadi, bilamba abi bikale bifikuluke, bikunzubile ne bikunze kunzuu. Ku bilamba abi, uzolaku Bakerubine bikale ne mapuapua.

Ekesode 26:1 Iomraidhean Croise

2 Samuele 7:2

mukelenge wakambila Natana muprofete ne, Tangila, meme ndi nshikama mu nsubu wa mabaya a cèdre, kadi mushete wa Nzambi udi mushale mu nsubu wa bilulu.

1 Bakalenga 6:29

Bakasonga bakeluba ne mabue a ngashi ne bilongo ku bimanu bionso bia nsubu munda ne ha nyima.

1 Kulondolola 17:1

Hakadi Davidi mushikame mu nsubu muandi, Davidi wakambila Natana, muprofete ne, Mona, meme ndi mushikame mu nsubu wa mitshi ya cèdre, kadi mushete wa tshihungidi tshia mei a Yehowa udi mushale mu ntenta.

1 Kulondolola 21:29

Bualu bua nsubu wa kusambakena wa Yehowa wakasabo kudi Mose mu tshihela ne tshioshelu tshiandi biakadi ku mutu kua mukuna wa Gibeona mu tshikondo atshi.

Ekesode 25:18

Enza biebe bakeluba babidi ne or mutudibue, ubateke ku matshika a tshibuikilu tshia mushete.

Ekesode 25:4

ne bilulu bia bleu ne bilulu bifikuluke ne bilulu bikunze-kunzû ne bilulu bia lin ne miosa ya mbushi,

Ekesode 25:8

Bobo bangashile tshitendelelu, bua meme kuikala munkatshi muabo.

Ekesode 26:2

Bule bua tshilulu ne tshilulu nebuikale coudées makumi abidi ne muanda mukulu, ne butshiama buatshi coudées mai, bilulu bionso nebikale ne luidi lumue.

Ekesode 26:31

Enza biebe tshilulu tshinene tshia buanda bua bleu ne bukunzubile ne bukunze-kunzu ne bua lin udi mutambe buimpe utshienzeshe kudi bantu badi ne lungenyi lule badi bamanye mua kuenza tshifuanyikishi tshia bakeluba mu tshilulu atshi.

Ekesode 26:36

Enza biebe tshilulu tshia kuteka ku mbelu kua tshitendelelu tshia buanda bua bleu ne bukunzubile ne bukunze-kunzû ne bua lin mutambe buimpe, utshienzeshe kudi muntu udi ne lungenyi lule lua kulengesha.

Ekesode 31:7

Nebenze ntenta wa kusangakena, ne mushete wa tshihungidi tshia mei a Nzambi, ne tshibuikilu tshia ha mutu ha mushete, ne bintu bionso bidi mu ntenta wa kusambakena,

Ekesode 35:11

ne nsubu wa tshitendelelu ne tshilulu tshia ha mutu, ne nkanu yatshi ne mabaya atshi, ne mitshi yatshi ne makurishi atshi ne nkanu ya ku makunshi,

Ekesode 35:35

Yeye wakabûsha mitshima tente ne lungenyi bua kuenza nʼalu midima yonso ya bantu badi basonga bintu ne badi bakuma bilulu bia bleu ne bikunzubile ne bikunze-kunzû ne bia lin, ne ya bantu bonso badi balongolola midimu ya lungenyi.

Ekesode 35:6

ne bilulu bia bleu ne bikunzubile ne bikunze-kunzû ne bia lin ne miosa ya mbushi

Ekesode 36:35

Wakenza tshilulu tshia buanda bua bleu ne bukunzubile ne bukunze-kunzû ne bua lin, bakenza tshifuanyikishi tshia bakeluba mu tshilulu kudi bantu bakadi ne lungenyi lule.

Ekesode 39:3

Bakatula tshiamu tshia or to ku muhimbu mukese, bakenza nshinga ya or, bakatshikuma ne buanda bua bleu ne bukunzubile ne bukunze-kunzu ne bua lin kudi bantu ba lungenyi lule.

Ekesode 40:2

Halua dituku dia kumudilu dia ngondo wa kumudilu, ushimike ntenta wa kusambakena.

Dibadika 3:25

Bintu bia mu nsubu wa tshitendelelu bidi bana balume ba Gêshona balama nebikale ntenta, ne tshilulu tshidibo bateka ha mutu, ne bilulu bia ku bibi bia ntenta wa kusambakena,

Dibadika 4:25

nebabidie bilulu bidi binyunguluka nsubu wa tshitendelu, ne ntenta mene wa kusambakena, ne tshilulu tshia ha mutu, ne tshibuikidi tshia biseba bia nkonge tshidi ha mutu hatshi, ne tshilulu tshidi ku mbelu kua nsubu,

Yowanane 1:14

Dî diakakudimuka muntu, diakuikala munkatshi muetu tshituha, diakadi diule tente ne ngasa ne bulelela; tuakumona butumbi buandi, buakadi bu bua muana umuehele udi mulela kudi Tatu wandi.

Yowanane 2:21

Kadi yeye wakadi wamba bua ntempelo wa mubidi wandi.

Ebrewu 8:2

udi muena mudimu wa muaba mutambe tshijila ne wa tshitendelelu tshilelela tshiakashimikabo kudi Nzambi, katshiakashimikibua kudi muntu.

Ebrewu 9:2

Bua tshitendelelu tshiakadi tshilongolola; mu muaba watshi wa kumudilu muakadi tshitekelu tshia muinda ne mesa ne mitanda ya mampa yakatekabohu; muaba udibo babikila ne, Wa Tshijila.

Ebrewu 9:9

Etshi ntshifuanyikishi tshia ku tshikondo etshi, tshidibo balonda hafilabo bintu bihebua ne milambu mishiha bidi kabi bimanye mua kuyuisha mutendeledi muakane mujalame, mu malu a muoyo-mukese;

Didimanyisha 19:8

Bakaha mukashi bua kudiluatshisheye ne tshilulu tshia line tshilengele, tshidi tshikenka ne tshitoke; bualu bua tshilulu tshia line tshilengele tshidi bienzedi biakane bia basanto.

Didimanyisha 21:3

Nakinama dî dikole difuma mu nkuasa wa butumbi diamba ne, Tangilai, nsubu wa tshilulu wa Nzambi udi munkatshi mua bantu, ne yeye neikale nʼabo, ne bobo nebikale bantu bandi; ne Nzambi mume neikale nʼabo, neikale Nzambi wabo.