Ekesode 23:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Kanuitabushi tshintu tshia mbueshilu, bualu bua tshintu tshia mbueshilu tshidi tshifofomesha muntu udi ne mesu matabale, tshidi tshikudimuna mei a muntu muakane.

MUKANDA WA MYIDI MUKULU

⁸ Kanuangatshi tshintu tshia mabuejila, bualu tshintu tshia nanku tshidi tshipangisha mulumbuluishi mua kuambaye bulelela. Bualu neabingishe muntu uvua mupile.

Ekesode 23:8 Iomraidhean Croise

Misambu 15:5

Kena usombesha bakuabo argent yandi bua kuangateye kasombela kudibo, kena witabusha dibueshila bua kunyangeye tshilumbu tshia muntu udi kayi ne bualu. Muntu udi wenza malu â kena unyungishibua tshiendelele.

Misambu 26:10

badi ne malu mabi mu bianza biabo adibo bahangidisha, ne badi ne bianza biabo bia balume biule tente ne mbueshilu.

Nsumuinu 15:27

Muntu udi ne lukuka lua luhetu udi ukengesha ba mu nsubu muandi, kadi udi ukina mbueshilu neikale ne muoyo.

Nsumuinu 17:23

Muntu mubi udi witabusha mbueshilu misokoka muinshi mua tshivualu bua kuhumbisha kulumbulula kuakane.

Nsumuinu 17:8

Diha didi bu dibue dia mushinga mukole ku mesu kua muenʼadi; kuonso kudiye utangisha mpala wandi udi ne diakalengele.

Nsumuinu 19:4

Biuma bidi bivudishila muntu balunda ba bungi, kadi mulunda wa muhele udi uhanduluka kudiye.

Muambi 7:7

Muena meji udi wandamuka muhote ku dikengesha didiye nʼadi, mbueshilu idi inyanga mutshima.

Yeshaya 1:13

Kanulu kabidi ne milambu ei ya hatuhu; muishi wa musenga wa manananshi wakuntonda. Disanka dia ngondo muhia-muhia ne dia lumingu ne kubikila kua masangisha, mmalu adi atondesha mutshima wanyi. Ebu mbualu bubi; tshiena mua kutukisha ne lutulu bua malu mabi ne bua disangisha dia tshijila.

Yeshaya 1:23

Bakokeshi bebe badi batomboka, ne badi bakuatanganyi ba bulunda ne bibi. Muntu yonso wa munkatshi muabo udi musue mbueshilu, udi ukeba anu maha. Kabena balumbulula bilumbu bia bana ba nshiya ne kulumbulula kuakane, ne tshilumbu tshia mukashi wa mu lufuila katshiena tshifika kudibo.

Yeshaya 33:15

Nyeye udi wenda mu buakane, udi wakula mei makane; udi uhetula luhetu ludi bantu baheta ku mashimi, udi utu tula bianza biandi bua kumushahu kulenga kua mbueshilu, udi ujibika matshu andi bua kaunvu lumu lua kumatshisha kua mashi, udi ubuikila mesu andi bua kâmonyi malu mabi,

Yeshaya 5:22

Mulau wikale kudi badi ne bukitu mu kunua kua maluvu ne badi ne dikima dia kusangakasha maluvu makole;

Yeshaya 5:23

badi babingisha muntu muhila ku mbueshilu, badi bahisha muntu mubinga ku dikosa dibi dia tshilumbu tshiandi!

Yezekiyele 22:12

Mukelenge Yehowa udi wamba ne, Bakuabo ba munkatshi muenu bakuitabusha mbueshilu bua kumatshisha mashi a bakuabo hanshi; wewe wakulomba bia kasombela ne bia makasa, wakunyenga bintu kudi bena mutumba nʼebe ku bukole; wakumpua muoyo.

Osheya 4:18

Kunua kuabo kua maluvu kudi kuamba kushika, badi bananukila kuenda masandi; bakokeshi babo badi batamba kunanga malu a bundu.

Amosa 5:12

Bualu bua ndi mumanye ne malu mabi enu adi mavule, ne mibi yenu idi mihite bukole; nuenu nudi nukengesha badi bakane, nudi nuangata mbueshilu, nudi nusesuishe bahele ku tshibuelelu tshia musoko.

Mika 7:3

Bianza biabo bidi ku malu mabi bua kuaenza lukasa; mukokeshi ne mulumbuluishi badi bakeba mbueshilu; muntu munene udi wamba bubi budi mutshima wandi musue kuenza; nunku badi banyanga malu makane hohamue.

Dielulula 10:17

Bualu bua Yehowa, Nzambi wenu, udi Nzambi wa nzambi mikuabo, udi Mukelenge wa bakelenge, Nzambi munene ne mukole, udibo batshina, yeye katu watangila bantu ne kansungusungu, kena witabusha matutu.

Dielulula 16:19

Kanulumbuluishi bantu ne dilumbuluisha didi kadiyi diakane; kanutangidi mpala ya bantu; kanuitabushi bintu bia kunubueshilabo nʼabi; bualu bua bintu bia kunubueshilabo nʼabi bidi bifofomesha mesu a muena lungenyi, bidi binyanga dilumbuluisha didi diakane.

1 Samuele 12:3

Ndiku: numpishe ku mesu kua Yehowa ne ku mesu kua wandi wakedibua manyi: Meme nakunyenga ngombe wa nganyi? Nakunyenga nyama wa mpunda wa nganyi? Nakuiba bintu bia nganyi? Nakukengesha muntu kai tshianana? Nakuitabusha bintu bia mbueshilu kudi nganyi bua meme kubuikila mesu anyi kudiye? Nungambile, ne meme nemuhingishilebi.

1 Samuele 8:3

Bana bandi ba balume kabakamulonda mu makasa andi, kadi bakasesuka bualu bua lukuka lua biuma, ne bakangata bintu bia mbueshilu, bakandamusha kulumbulula kuakane.