Ekesode 2:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Muana wa bakashi wa Palô wakalua kuowa mai mu musulu au, bantu bandi bakashi bakendakana ku muelelu wa mai, yeye wakamona tshisaka mu malenge, wakatuma muntu wandi ne, Ya utshiangate.

MUKANDA WA MYIDI MUKULU

⁵ Ke muana wa bakaji wa mukalenga wa bena Ejipitu kupueka bua kuowa mayi. Bena mudimu bende bakaji bavua bendakana ku muelelu wa mayi aku. Diakamue muana wa bakaji wa mukalenga kumona tshisaka mu malenga, kubikila nsongakaji muena mudimu wende, bua kumuambuilaye tshisaka atshi mu mayi.

Ekesode 2:5 Iomraidhean Croise

1 Bakalenga 17:6

Bikololo biakalua kudiye ne dinda ne bidia ne munyinyi, biakalua habi kabidi dilolo; wakanua mai a mu kasulu.

Misambu 12:5

Bualu bua badi bakengesha bahele, bualu bua badi bakengela bintu badi balua mikemu, Yehowa udi Wamba ne, Nembike bianyi; nemmushikike mu muaba wa luhandu udiye ukebakeba.

Misambu 46:1

Nzambi udi tshinyemenu tshietu ne bukole buetu, udi dikuatshisha dietu mu makenga didi kadiyi dihanga tshiendelele.

Misambu 76:10

Bulelela, tshiji tshia bantu netshikutumbishe; wewe neudiluatshishe ne tshiji tshidi tshishala.

Misambu 9:9

Nunku Yehowa neikale tshibumba tshile kudi bantu badi bakengeshibua. Neikale tshibumba tshile kudi bantu mu tshikondo tshia ntatu.

Ekesode 2:6

Yeye wakatshisulula, wakamona muana, ne muana wakadila Yeye wakafuka muana luse, wakamba ne, Yeye udi muana wa Bena Ebelu.

Ekesode 7:15

Ya biebe kudi Palô ne dinda, hayeye ku mai, wimane kukala kua musulu bua kusangakena nʼandi, uye ne mulangala wakakudimuka nyoka au mu tshianza tshiebe.

Ekesode 8:20

Yehowa wakambila Mose ne, Ubike ne dinda dionso, uye kudi Palô hayeye ku mai, umuambile ne, Yehowa udi Wamba ne, Ulekele bantu banyi, baye kuntendelela.

Nsumuinu 21:1

Mutshima wa mukelenge mu bianza bia Yehowa udi bu misulu ya mai, yeye udi ûtuma kuonso kudiye musue.

Yona 1:17

Yehowa wakalongolola munyinyi munene wa mu mai bua kuminau Yona; ne Yona wakadi munda mua munyinyi wa mu mai minya isatu ne mafuku asatu.

Yona 2:10

Hashishe, Yehowa wakela munyinyi au dî diandi ne munyinyi wakaluka Yona ku mpata.

Bienzedi 7:21

hakamumushabo mu nsubu, muana mukashi wa Palô wakamuangula, wakamudisha bu muanʼandi.