Ekesode 19:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Nuenu nenuikale kundi bu bukelenge bua bakuidi, bu tshisamba tshia tshijila. Â mei audi mua kuambila Bena Isalele.

MUKANDA WA MYIDI MUKULU

⁶ Kadi tshisamba tshienu netshikale tshia batuangaji, bantu bajidila, badi bangenzela mudimu.” Wambile bena Izrayele bonsu malu andi nkuambila aa.

Ekesode 19:6 Iomraidhean Croise

1 Bakalenga 3:8

Muntu webe udi munkatshi mua bantu bebe bawakusungula: badi bantu banene, kabena mua kubadibua bualu bua bungi buabo.

1 Bakalenga 8:53

Bualu bua wewe, Mukelenge Yehowa, nguakabasungula munkatshi mua bisamba bionso bia ha buloba bua kuikalabo buhianyi buebe, bu muakamuambila muntu webe Mose hawakafuma ne bankambua betu mu Ejipitu.

1 Kulondolola 17:22

Bualu bua wewe wakasungula bantu bebe Bena Isalele bua kubavuisha bantu bebe tshiendelele; ne wewe, Yehowa, wakalua Nzambi wabo.

Misambu 114:2

Yuda wakalua nsubu wandi wa tshijila, Bena Isalele bakalua bukokeshi buandi.

Ekesode 15:26

wakabambila ne, Binuatumikila di dia Yehowa Nzambi wenu, binuenza malu adi mimpe ku mesu kuandi, ne binuateleja matshu kudi mikenji yandi, binuenza mei andi onso, tshiena nnutumina nansha disama dimue dinakatumina Bena Ejipitu, bualu bua meme ndi Yehowa udi unuondaha.

Ekesode 22:31

Nuenu nenuikale bu bantu bajidila kundi kanudi munyinyi wakahandabo kudi nyama ya mu mpata, nuwele kudi mbua.

Ekesode 28:36

Wewe newenze tshikololo tshia tshiamu tshia or, neufundehu ne, TSHIA TSHIHE A KUDI YEHOWA.

Yeshaya 43:4

Bualu bua wewe udi tshintu tshia mushinga mukole ku mesu kuanyi, mutumbishibue ne munangibue kundi, nunku nenfile bantu bakuabo mu muaba webe, nenshintakashe mioyo ya binga bisamba ku muoyo webe.

Yeshaya 61:6

Kadi nuenu nenubikidibue ne, Bakuidi ba Yehowa; bantu nebanuidike dina ne, Bi kuatshi ba mudimu wa Nzambi wetu. Nenudie biuma bia bisamba bia bantu, ne nenuditumbishe mu butumbi buabo.

Yeshaya 62:12

Nebababikile ne, Bantu ba tshijila, Bahikudibue kudi Yehowa; nebakubikile ne, Musoko mukebibue, musoko udi kauyi mushiya hatuhu.

Yeshaya 66:21

Yehowa udi wamba ne, Neadiangatshile bamue babo bua kuikalabo bakuidi ne bua kuikalabo Bena Lewi.

Yirmeya 13:11

Bualu bua bu mudi mukaba ulamatangana ne tshifuka tshia muntu, nunku Yehowa udi wamba ne, Nakulamakasha Bena Isalele bonso ne Bena Yuda bonso kundi, bua bobo bikale kundi bu bantu banyi, bu dina dianyi, bu butumbi buanyi ne bu buneme buanyi; kadi bobo kabakunvua.

Yirmeya 2:3

Yehowa wakamba ne, Isalele wakadi wa tshijila kudi Yehowa, bu mamuma akakuama diambedi mu bintu biandi bia kunowa. Bonso bakamudia bakahila; makenga akabakuata.

Yirmeya 7:23

Kadi nakabelela mukenji eu ne, Unvuai dî dianyi, nunku nengikale Nzambi wenu, nuenu nenuikale bantu banyi; nuende mu nshila yonso unakunuambila, bua nuenu nuhete diakalengele.

Lewitiki 19:2

Wambile Bena Isalele ne, Nuikale bantu ba tshijila bualu bua meme Yehowa, Nzambi wenu, ndi wa tshijila.

Lewitiki 20:24

Kadi meme nakanuambila ne, Nenuhiane buloba buabo, nennuhebu, buloba budi bûle tente ne mabele ne buitshi meme ndi Yehowa, Nzambi wenu, nakanujidila munkatshi mua bantu bakuabo.

Lewitiki 20:26

Nuikale bantu ba tshijila kundi, bualu bua meme Yehowa ndi wa tshijila, nakanusungula munkatshi mua bantu bua nuenu nuikale bantu banyi.

Lewitiki 21:23

kadi yeye kena mua kubuela mu muaba wa tshijila anyi mua kulua ha buihi ne tshioshelu, bualu bua yeye udi ne tshilema, kanyangishi nsubu wanyi nansha, bualu bua meme ndi Yehowa wakabajidila.

Amosa 3:2

Nuenu nkayenu mbanakumanya munkatshi mua bisamba bionso bia hanshi ha buloba; nunku nennukengeshe bua malu mabi enu onso.

Agayi 2:5

Dî dinakahunga nʼenu hanuakaluhuka mu Ejipitu didi dijalame. Nyuma wanyi neikale munkatshi muenu; kanutshinyi.

Dibadika 16:3

bakadisangisha bua kufuilangana ne Mose ne Alona, bakabambila ne, Nudi nutamba kudienzela malu, bualu bua bantu bonso mbantu ba tshijila ne Yehowa udi munkatshi muabo nuenu nudi nudibandisha ku mutu kua bantu ba Yehowa munyi?

Rome 12:1

Nunku, bana betu, ndi nusengelela, bua luse lua Nzambi, bua nufile mibidi yenu bu mulambu udi ne muoyo, wa tshijila, udi usankisha Nzambi bimpe; bualu ebu budi kutendelela kuenu kudi ne meshi.

1 Korente 3:17

Biashiha muntu ntempelo wa Nzambi, Nzambi neamushihe yeye; bualu bua ntempelo wa Nzambi udi wa tshijila, nuenu nudi muomumue kabidi.

Dielulula 14:21

Kanudi tshintu tshidifuile: nudi mua kuha muenyi udi ku mbelu kuenu tshintu atshi, yeye atshidie; anyi nudi mua kutshihanyisha muntu wa bende; bualu bua nuenu nudi bantu ba tshijila kudi Yehowa, Nzambi wenu. Kanulambi muana wa mukoko mu mabele a mamu wandi.

Dielulula 26:19

ne kunubandisha ku mutu kua bisamba bionso biakafukeye mu butumbi ne mu dina ne mu buneme; bua nuenu nuikale bantu ba tshijila kudi Yehowa, Nzambi wenu, bu muakuambeye.

Dielulula 28:9

Yehowa neanujadike bu bantu bandi ba tshijila, bu muakanulayeye, binuatumikila mikenji ya Yehowa, Nzambi wenu, binuenda mu nshila yandi.

Dielulula 7:6

Bualu bua nuenu nudi bantu ba tshijila kudi Yehowa, Nzambi wenu; Yehowa, Nzambi wenu, wakanusungula munkatshi mua bisamba bionso bidi hanshi ha buloba, bua nuenu nuikale bantu ba buhianyi buandi.

1 Tesalonike 5:27

Ndi nutshihisha mu Mukelenge bua babadile bana betu bonso ba mu Kilisto mutanda eu.

1 Petro 2:5

nunku nuenu kabidi, bu mabue adi ne muoyo, nuakashibua nsubu wa Nyuma, bua kuikala bakuidi ba tshijila; bua nuenu kufila milambu idi ya nyuma mitabushibue kudi Nzambi bualu bua Yesu Kilisto.

1 Petro 2:9

Kadi nuenu nudi tshisamba tshisungudibua, ne bakuidi ba bukelenge, ne tshisamba tshia tshijila, bantu badi bikale ba Nzambi muine, bua nuenu nuambe bua buimpe bua Nzambi wakanubikila bua kunuhatula mu mîdima bua kunubuesha mu munya wandi wa dikema.

Didimanyisha 1:6

ne wakatuvuidisha bukelenge ne bakuidi kudi Nzambi wandi udi kabidi Tatu; kudi yeye mene kuikale butumbi ne bukokeshi tô ne tshiendelele. Amen.

Didimanyisha 20:6

Udi ne luseke luandi mu dibika dia ku lufu dia kumudilu udi ne disanka ne udi wa tshijila; lufu luibidi kaluena ne bukokeshi ku mutu kuabo; kadi nebikale bakuidi ba Nzambi ne ba Kilisto, ne nebakokeshe nʼandi bidimu tshinunu.

Didimanyisha 5:10

Ne wakabayuisha bukelenge ne bakuidi kudi Nzambi wetu; ne bobo badi bakokesha ha buloba.