Ekesode 19:16 - Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Hakalua dituku disatu ne dinda, makubakuba ne miele ya nvula ne difutu difike biakadi ha mukuna, ne di dia mpungi diakatamba bukole, bantu bonso bakadi mu tshitudilu bakazakala.

MUKANDA WA MYIDI MUKULU

¹⁶ Nanku, dituku disatu dinda, makubakuba ne miele ya mvula kumvuika ku mukuna. Pashishe divuba dinene kumueneka ku mukuna. Bantu bonsu bavua mu mitanda, bumvue kabidi muadi mukole wa mpungi, kuzakala bikole.

Ekesode 19:16 Iomraidhean Croise

2 Samuele 22:10

Yeye wakatubula diulu kabidi wakahueka hanshi; mîdima mikole yakadi munda mua makasa andi.

2 Kulondolola 5:14

Nunku bakuidi kabakamanya mua kuimana bua kuenzabo mudimu wabo bualu bua ditutu; bualu bua butumbi bua Yehowa buakûsha nsubu wa Nzambi tente.

Yobe 38:25

Nganyi wakabandila mai a nvula nshila yau, ne nshila ya makubakuba kuyialamu,

Misambu 50:3

Nzambi wetu udi ulua, kena uhuwa talalâ, kahia kadi ku mpala kuandi kadi kosha bintu, tshihuhu tshitambe bukole tshidi tshimunyunguluka.

Misambu 77:18

Dî dia mukungulu webe wa nvula diakadi mu nvunde, miele yebe ya nvula yakahenyina ba ha buloba. Buloba buakakanka, buakazakala.

Misambu 81:8

Unvuai, nuenu bantu banyi, nennudimushe. Nuenu Bena Isalele, nakadi kusua bua nuenu nunvue dî dianyi!

Misambu 97:4

Miele yandi ya nvula yakahenyeshila ba ha buloba; buloba buakatangila bualu ebu, buakazakala.

Ekesode 19:11

badilongolole ku dituku disatu, bualu bua Yehowa neahueke ha mukuna wa Sinai ku mesu kua bantu dituku disatu.

Ekesode 19:15

Yeye wakambila bantu ne, Nudilongolole ku dituku disatu, kanuyi ha buihi ne bakashi nansha.

Ekesode 19:17

Mose wakaluhuka mu tshitudilu ne bantu bua kusangakena ne Nzambi, bobo bakimana kuinshi kua mukuna.

Ekesode 19:9

Yehowa wakambila Mose ne, Mona, ndi mulue kudi mu ditutu difike, bua bantu bunvue hanayikila nʼebe, bobo bitabushe di diebe tshiendelele. Mose wakamanyisha Yehowa mei a bantu.

Ekesode 20:18

Bantu bonso bakatangila makubakuba ne miele ya nvula ne di dia mpungi ne muishi ha mukuna, hakamonabo malu â, bakatshina, bakimana ha bule.

Ekesode 20:21

Bantu bakimana kule, ne Mose wakalua hehi ne difutu difike hakadi Nzambi.

Ekesode 40:34

Hashishe ditutu diakabuikila ntenta wa kusangakena, ne butumbi bua Yehowa buakûla nsubu tente.

Ekesode 9:23

Mose wakolola mulangala wandi mulu ne Yehowa wakatuma makubakuba ne mabue a nvula, miele ya nvula yakakuma ha buloba, Yehowa wakama tshisha mabue a nvula ha buloba bua Ejipitu.

Yirmeya 5:22

Yehowa udi ukonka ne, Kanuena nuntshina, anyi? Kanuena nuzakala ku mpala kuanyi, meme nguakuteka nsenga bu mukalu wa mai manene, bu nkila wa tshiendelele udi mai manene kâyi mua kuhitaku, anyi? Bialua mavuala bua kuditutaku, kaena mua kumubumbula; bialuau ne tshiona tshikole, kaena mua kumusambuka.

Nahume 1:3

Yehowa kena ukuata tshiji lukasa, udi ne bukole bua bungi, kadi kena ubingisha badi bahila bua bubi, nansha kakese. Yehowa udi ne nshila wandi mu nvunde ne mu tshihuhu, matutu adi luhuishi lua ku makasa andi.

Matayi 24:31

Yeye neatume banjelo bandi ne mpungi wa dî dikole, nebasangishe bakusunguleye ba ku mpehele inai, kunfudilu kukuabo kua diulu tô ne kukuabo.

Dielulula 5:5

(Meme nakimana hankatshi henu ne Yehowa tshikondo atshi, bua kunulesha dî dia Yehowa; nuenu nuakatshina bualu bua kahia, kanuakabanda ku mukuna;) yeye wakamba ne,

Ebrewu 12:21

bumueneki ebu buakatamba kuikala ne buowa tô ne bakamba Mose ne, Ndi ntamba kutshina ne kuzakala.

Didimanyisha 1:10

Nakadi mu Nyuma dituku dia Mukelenge, ne nakunvua dî dikole ku nyima kuanyi, bu dia mpungi,

Didimanyisha 11:19

Ne ntempelo wa Nzambi udi mu diulu wakunzuludibua; ne mushete wa tshihungidi tshiandi mu ntempelo wandi wakamuenebua; ne miele ya nvula, ne mei, ne mikungulu, ne kukanka kua buloba, ne mabue a nvula, biakalua.

Didimanyisha 4:1

Ku nyima kua malu â nakatangila, ne mona, tshibi tshiakadi tshiunzuluke mu diulu, ne dî dia kumudilu dinakunvua diakadi bu dia mpungi diakula neanyi, diamba ne, Ubande biebe kunu, ne nenkuleshe malu adi ne bua kulua ku nyima kua malu â.

Didimanyisha 4:5

Ne ku nkuasa wa butumbi kudi kuhatuka miele ya nvula, ne mei, ne mikungulu ya nvula. Minda muanda mutekete ya kahia idi itema ku mpala kua nkuasa wa butumbi, idi Nyuma ya Nzambi muanda mutekete.

Didimanyisha 8:5

Ne muanjelo wakuangata tshibuhilu tshia kuoshamu mananashi; wakatshûsha tente ne kahia ka ha tshioshelu, wakatshiela ha buloba, ne mikungulu ne mei ne miele ya nvula ne kukanka kua buloba biakadiku.