Ekesode 18:11 - Mukanda wa Nzambi Dihungila Dikulukulu ne Dihungila Dihia-dihia 2003

¹¹ Katataka ndi mumanye ne, Yehowa udi utamba nzambi yonso buene, bualu bua wakahatula bantu mu bianza bia Bena Ejipitu hakabaleshabo dikamakama.

MUKANDA WA MYIDI MUKULU

¹¹ Mpindiewu ndi njadika ne: Maweja-Nangila mmupite mvidie yonsu idi bantu batendelela. Mmudileje nanku diba divua bena Ejipitu bakengeshe bena Izrayele bikole.

Ekesode 18:11 Iomraidhean Croise

1 Bakalenga 17:24

Mukashi wakambila Eliya ne, Katataka ndi mumanye ne, Wewe udi muntu wa Nzambi ne dî dia Yehowa didi mukana muebe didi dilelela.

2 Bakalenga 5:15

Nunku wakahingana kudi muntu wa Nzambi, yeye ne tshisumbu tshiandi tshionso, bakimana ku mpala kuandi; wakamuambila ne, Katataka ndi mumanye ne, Kakuena Nzambi mukuabo ha buloba buonso anu mu Isalele; nunku ndi nkusengelela ne, Wangate kuha kudi muntu webe.

1 Kulondolola 16:25

Bualu bua Yehowa udi munene, budiye nʼabu mbua kutumbishibua bikole; budiye nʼabu mbua kunemeshibua ha mutu ha nzambi yonso ya hatuhu.

2 Kulondolola 2:5

Nsubu undi ngibaka udi munene; bualu bua Nzambi wetu udi munene ku mutu kua nzambi yonso.

Nehemya 9:10

wakalesha Palô ne bena mudimu bandi ne bantu bandi bonso bimanyinu ne malu a kukema, bualu bua wewe wakamanya ne, Bobo bakadi bafunyina batatu betu bulobo, ne wewe wakangata dina dinene bu mudi nʼadi lelu.

Nehemya 9:16

Kadi bobo ne bankambua betu bakadisua, bakambula mpala yabo, kabakunvua mikenji yebe,

Nehemya 9:29

wewe wakabadimusha bua kubahingisha ku mikenji yebe kabidi. Kadi bobo bakadisua, kabakatumikila mikenji yebe, bakashiha mei ebe majalame (biâtumikila muntu, yeye neikale ne muoyo kudiu), bakasaka makaya, bakambula mpala yabo, kabakunvua.

Misambu 119:21

Wewe udi ubela badi badisue, badi bedibue mulau, badi bahambuka ku mikenji yebe.

Misambu 135:5

Bualu bua ndi mumanye ne, Yehowa udi munene, ne Mukelenge wetu udi ha mutu ha nzambi yonso

Misambu 31:23

Nangai Yehowa, nuenu bansanto bandi bonso. Yehowa udi ulama badi bananukila kumueyemena, kadi udi ufuta muntu udi wenza malu a diambu difutu didi dikumbana.

Misambu 95:3

Bualu bua Yehowa udi Nzambi munene, udi Mukelenge munene ha mutu ha nzambi yonso ya hatuhu.

Misambu 97:9

Bualu bua wewe, Yehowa, udi mutambe bunene ha mutu ha buloba buonso; udi mutambe kutumbishibua ha mutu ha nzambi yonso ya hatuhu.

Ekesode 1:10

Tuye kuenza budimuke, kabalu ba bungi, halua nvita, kabayi kudi bantu badi nʼetu lukuna bua kuhingana nʼetu nvita, kabumuki mu buloba buetu.

Ekesode 1:16

Hanuaya kuenzela bakashi ba Bena Ebelu mudimu wa baleleshi, ne hanuabatangila mu buledi, bialelabo muana wa balume, nuenu nenumushihe, kadi bialelabo muana wa bakashi, numushiye ne muoyo.

Ekesode 1:22

Palo wakelela bantu bandi bonso mukenji ne, Bialelabo muana mulume, nenumuele mu musulu, kadi nensungile bana bakashi.

Ekesode 10:3

Mose ne Alona bakaya kudi Palô, bakamuambila ne, Yehowa, Nzambi wa Bena Ebelu, udi Wamba ne. Wewe neuhidie kudihuekesha ku mesu kuanyi musangu bule munyi? Ulekele bantu banyi baye kuntendelela.

Ekesode 12:12

Bualu bua meme nempite buloba bua Ejipitu butuku abu, nenshihe banʼa bute bonso ba mu buloba bua Ejipitu ne ba bantu ne ba nyama; nendumbuluishe nzambi yonso ya Ejipitu, meme ndi Yehowa.

Ekesode 14:18

Bena Ejipitu nebamanye ne, Meme ndi Yehowa, hanakuangata butumbi buanyi bualu bua Palô ne makalu andi ne masalayi andi adi enda ha tubalu.

Ekesode 14:8

Yehowa wakakolesha mutshima wa Palô, mukelenge wa Ejipitu, yeye wakalonda Bena Isalele, bualu bua Bena Isalele bakahatuka ne tshianza tshikole.

Ekesode 15:11

Nganyi udi bu wewe Yehowa, munkatshi mua nzambi mikuabo? Nganyi udi bu wewe, udi ne butumbi bua tshijila, udi utshinyisha bantu ne bienzedi bia butumbi, udi wenza malu a kukema?

Ekesode 5:2

Palo wakamba ne, Yehowa nganyi? Tshiena ngitabusha di diandi bua kulekela Bena Isalele. Meme tshiena mumanye Yehowa ne tshiena ndekela Bena Isalele.

Ekesode 5:7

Kanulu bantu bisonsa bia kuenza nʼabi tushola bu munuakenza diambedi, bobo badikebele bisonsa.

Danyele 4:37

Katataka, meme Nebukadenesâ, ndi ntumbisha, ndi nganyisha, ndi nnemeka Mukelenge wa mu diulu; bualu bua bienzedi biandi bionso bidi bia bushuwa, ne malu andi adi makane; yeye udi ne bukole hua kuhuekesha badi benda ne dihetu diabo.

Dibadika 33:4

hakadi Bena Ejipitu bajika banʼa bute bakashihabo kudi Yehowa munkatshi muabo Yehowa wakalumbuluisha nzambi yabo kabidi.

Luke 1:51

Wakenza malu makole ne diboko diandi; Wakatangalasha badi badisua bua meshi mabi akadi mu mitshima yabo.

Yakobe 4:6

Kadi yeye udi utuha ngasa muhite. Nunku Makanda wa Nzambi udi wamba ne, Nzambi udi uhidia badi badisue, kadi udi uha badi badihuekesha ngasa.

1 Petro 5:5

Muomumue, nuenu bansongalume, nukokele bakulumpe. E, buonso buenu nudiluatshishe ne buhuekele, bua kukuatshishangana; bualu bua Nzambi udi uhidia badi badisue, kadi udi uha badi badihuekesha ngasa.

1 Samuele 2:3

Bantu kabatambi kufunafuna: mei a dihetu kahatula mukana muabo: bualu bua Yehowa udi Nzambi wa lungenyi: utu widikisha bienzedi bia bantu.