Ekesode 16:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Mose wakamba ne, Halua Yehowa kunuha munyinyi dilolo ne kunukutshisha bidia ne dinda, bualu bua Yehowa udi munvue bu munudi numujiana, tuetu tudi banganyi? Kanuena nutujiana, nudi nujiana Yehowa.

MUKANDA WA MYIDI MUKULU

⁸ Moshe kuambila bena Izrayele ne: — Maweja-Nangila dilolu edi neanupeshe munyinyi, dinda neanupeshe mampa, nudie nuukute, bualu mmumvue bijanu bienu. Yeye ke unudi nujana. Kanuena nutujana tuetu to. Tuetu tudi tshinyi?

Ekesode 16:8 Iomraidhean Croise

Ekesode 16:12

Nakunvua tshitanu tshia Bena Isalele, ubambile ne, Dilolo nenudie munyinyi, dinda nenukute bidia, nuenu nenumanye ne, Meme ndi bianyi Yehowa, Nzambi wenu.

Ekesode 16:9

Mose wakambila Alona ne, Ambila tshisumbu tshionso tshia Bena Isalele ne, Luai ha buihi ku mpala kua Yehowa, bualu bua yeye wakunvua tshitanu tshienu.

Ekesode 17:2

Nunku bantu bakatandangana ne Mose, bakamba ne, Utuhe mai a kunua Mose wakabambila ne, Nudi nutandangana nʼanyi bualu kai? Nudi nuteta Yehowa munyi?

Yeshaya 32:6

Bualu bua muhote neakule biakulakula, mutshima wandi newele meji bua kuenzeye bibi, bua kuenzela Yehowa malu a dikamakama, bua kuamba mashimi bualu bua Yehowa, bua kuyuisha mutshima wa muena nzala munda mutuhu, ne bua kuhidisha badi ne nyota mai.

Yeshaya 37:29

Bualu bua wakanfunyina bulobo ne bua diambu diebe diakufika ku matshu anyi, nunku nenteke ndobo wanyi ku diulu diebe, ne lukanu luanyi mukana muebe bua kukuendesha nʼalu, nenkutshingulule bua kukuhingashasha mu nshila kuwakufuma.

Dibadika 11:18

Wambile bantu ne, Nudijidile bua makelela, nenudie munyinyi, bualu bua nuenu nuakudila mu matshu a Yehowa ne, Udi utudisha munyinyi nganyi? Bakatuenzela bimpe mu Ejipitu, nunku Yehowa neanuhe munyinyi, nenudie.

Dibadika 14:27

Nengikale ne bantu aba babi badi bantontolola musangu bule munyi? Nakunvua kutontolola kua Bena Isalele kudibo bantontolola nʼaku.

Dibadika 21:7

Bantu bakalua kudi Mose, bakamba ne, Tuakuenza bibi bualu bua tuetu tuakujiana Yehowa ne wewe kabidi, ulombe Yehowa atumushile nyoka munkatshi muetu Mose wakalombela bantu Nzambi.

Matayi 10:40

Wanuitabusha udi ungitabusha meme, wangitabusha meme udi witabusha wakuntuma.

Matayi 9:4

Yesu wakamanya meshi abo, wakamba ne, Nudi nuelangana meshi a bualu bubi munda muenu bua tshinyi?

Luke 10:16

Wanunvuila udi ungunvuila meme, wanuhidia udi umpidia meme; wampidia meme udi uhidia wakuntuma.

Yowanane 13:20

Bulelela, bulelela, ndi nuambila ne, Witabusha unatuma neangitabushe meme; wangitabusha meme neitabushe wakuntuma.

Rome 13:2

Nunku muntu udi uhidia kudikokela kudi bukokeshi udi uhidia mei majadikibue kudi Nzambi. Badi bahidia nunku nebadiangatshile dilumbuluisha.

1 Korente 10:10

Lekelai kutontolola, bu muakatontolola bakuabo babo, bakashihibua kudi mushihi.

1 Tesalonike 4:8

Nunku wahetula kena uhetula muntu kadi udi uhetula Nzambi udi unuha Nyuma Muimpe wandi.

1 Samuele 8:7

Yehowa wakambila Samuele ne, Unvile mei a bantu mu malu onso adibo bakuambila; bualu bua bobo kabakakuhidia wewe, bakampidia meme bua meme tshikadi mukokeshi wabo.