Abakuke 1:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² Yehowa Nzambi wanyi, wewe kuena wanyi Wa Tshijila kale tô ne mpindiu, anyi? Katuena tufua! Wewe Yehowa, wakumusungula bua kulumbuluisheye bantu; wewe Dibue, wakumujadika bua kukengesheye bantu.

MUKANDA WA MYIDI MUKULU

¹² Wewe udi Maweja-Nangila wa kale ne kale. Udi Mvidi Mukulu wanyi wa tshijila, wa kashidi ne kashidi. Maweja-Nangila, muena bukole utudi tutekemena, Wewe kusungula bena Babilone, kukolesha baluishi betu, bua bamfuishe, batunyoke.

Abakuke 1:12 Iomraidhean Croise

Genese 21:33

Abalahama wakakuna mutshi ku Be-sheba, wakabikilaku dina dia Yehowa, Nzambi wa Kashidi.

2 Bakalenga 19:25

Kuena muanze kunvua lumu munakenza bualu ebu kale, anyi? Meme nakenza bualu ebu bua wewe wakahaula misoko ya ngumbu; wakayivuisha mishiki.

Misambu 102:24

Ndi ngamba ne, Nzambi wanyi, kungumushi hankatshi ha matuku anyi, wewe muena bidimu bidi bileba tô ne ku bikondo bionso.

Misambu 118:17

Tshiena ufua nansha, nengikale ne muoyo, nendondele bantu bienzedi bia Yehowa.

Misambu 149:2

Isalele ikale ne disanka mu Mufuki wandi, bana ba Siona bikale ne disanka mu Mukelenge wabo!

Misambu 17:13

Yehowa, ujuke biebe, wimane ku mpala kuandi, umuele hanshi; usungile muoyo wanyi kudi muntu mubi ne muele webe wa nvita.

Misambu 18:1

Ndi nkunanga, wewe Nzambi, bukole buanyi.

Misambu 74:12

Kadi Nzambi udi Mukelenge wanyi wa kale tô ne mpindiu, udi wenza malu a luhandu munkatshi mua ba ha buloba.

Misambu 90:1

Mukelenge, wewe udi muikale muaba wa tuetu kushikamamu mu bikondo bionso.

Misambu 90:2

Diambedi mikuna kayiyi mianze kumueneka, diambedi wewe kuyi muanze kufuka buloba ne bifukibua, ku tshibangidilu tô ne kunshikidilu wewe udi Nzambi.

Misambu 93:2

Nkuasa webe wa butumbi udi mujadikibue katshia ku kale tô ne lelu; wewe udiku ku tshibangidilu tô ne kunshikidilu.

Yeshaya 31:1

Mulau wikale kudi bantu badi bahueka mu nshila wa ku Ejipitu bua kudiangatshila dikuatshisha diabo, badi batekemena tubalu, badi beyemena makalu a nvita bualu bua adi a bungi, ne badi babanda ha nyima ha tubalu bualu bua badi batamba bukole, kadi kabena batangila kudi Wa Tshijila wa Isalele, ne kabena bakeba lungenyi kudi Yehowa!

Yeshaya 37:23

Wewe wakufunyina nganyi bulobo, wakuhenda nganyi? Wakubishila nganyi dî diebe? Wakubandishila nganyi mesu ebe ne diambu? Wakuenzela Wa Tshijila wa Isalele nunku!

Yeshaya 37:26

Kuena muanze kunvua bu munakenza bualu ebu kale, ne bu m unaka dia njila kudihangidishilabu mu matuku a kale, anyi? Mpindiu nakuvuisha muanda eu, bua wewe Umanye mua kubutula misoko ya ngumbu bua kuluayi mishiki ya bintu bia tshianana.

Yeshaya 40:28

Kuakumanya, anyi? Kuakunvua, anyi? Yehowa udi Nzambi wa tshiendelele, Mufuki wa nseke yonso ya ha buloba tô ne kunfudilu kuabu. Yeye kena uteketa nansha, kena uhungila nansha; kakuena muntu udi mua kumanya kujingulula kuandi kua malu biakebeye kukumanya.

Yeshaya 43:15

Meme ndi Yehowa, wenu Wa Tshijila, Mufuki wa Isalele, Mukelenge wenu.

Yeshaya 49:7

Yehowa, Muhikudi wa Isalele ne Wa Tshijila wandi, udi wambila muntu udibo bahetula kudi bantu, udibo bakenuka kudi bantu, udi muhika wa bakokeshi babi, ne, Bakelenge nebamone butumbi buebe, nebajuke; bana ba bakelenge nebajuke kabidi, nebakukukuile hanshi; bualu bua Yehowa utudi mua kueyemena, Wa Tshijila wa Isalele, wakukusungula.

Yeshaya 57:15

Bualu bua Wa mu Diulu ne udi Mubandishibue mulu udi mushikame mujadikibue mu nkuasa wandi wa butumbi tshiendelele, udi dina diandi ne, Wa Tshijila, udi wamba ne, Ndi mushikame mu muaba udi mulu ne udi wa tshijila, ndi mushikame kabidi ne muntu udi ne mutshima munyingalale ne mudihuekeshe, bua kusangasha nyuma wa udi mudihuekeshe ne bua kusangasha mutshima wa muntu udi unyingalala bua bubi.

Yirmeya 30:11

Yehowa udi wamba ne, Ndi nʼebe bua kukusungila. Nembutule bisamba abi bionso kashidi binakunumuangalasha munkatshi muabo, kadi tshiena nkubutula wewe kabutu. Nenkubele ne kulumbulula kuakane, kadi tshiena nkulekela tshianana, kuyi mukengeshibue.

Yirmeya 4:27

Bualu bua Yehowa udi wamba ne, Buloba buonso nebuikale muaba wa hatuhu, kadi tshiena mbutula bintu bionso tshishiki.

Yirmeya 46:28

Yehowa udi wamba ne, Wewe, Yakoba, muntu wanyi, kutshinyi, bualu bua udi nʼebe; nentume kabutu ka tshiendelele kudi bisamba bionso binakakutuma, kadi tshiena nkubutula wewe kashidi; nenkulengeshe ne kulumbulula kuakane, kadi tshiena nkushiya hatuhu, kuyi mukengeshibue.

Yirmeya 5:18

Kadi Yehowa udi wamba ne, Mu matuku au mene tshiena nkubutula bua kumana bantu bebe bonso.

Muadi 5:19

Wewe, Yehowa, udi mushikame mu nkuasa webe wa butumbi tshiendelele; nkuasa webe wa butumbi udiku ku bikondo ne bikondo.

Yezekiyele 30:25

Nengambule maboko a mukelenge wa Babulona mulu, kadi maboko a Palô nealembelele hanshi; nebamanye ne, Meme ndi Yehowa hanateka muele wanyi wa nvita mu bianza bia mukelenge wa Babulona, ne hawololeye ha buloba bua Ejipitu.

Mika 5:2

Kadi wewe, Betelehema Efelata, udi mukese munkatshi mua biota bia Yuda, mukuabo nealuhuke munda muebe bua bualu buanyi, bua kuikala mukokeshi wa Bena Isalele; tshibangidilu tshiandi tshidi tshia kale kale, tshia ku ntuadishila mene

Abakuke 3:2

Yehowa, nakunvua lumu luebe, ndi ntshina. Yehowa, sangulusha mudimu webe munkatshi mua bidimu ebi, munkatshi mua bidimu ebi ûmanyishe kudi bantu; mu njiya yebe uvuluke luse.

Abakuke 3:6

Wakimana, wakatangila buloba; wakamona, wakakankisha bisamba bia bantu. Mikuna yakadiku ku tshibangidilu yakahandika; mikuna mikese yakadiku kale yakabatalala; bienzedi biandi bidi bu muakadibi kale.

Malaki 3:5

Yehowa wa misumba udi wamba ne, Nensemene ba buihi nʼenu bua kulumbulula bilumbu bienu; nengikale mumonyi udi utuisha batempeshi ba mbuku ne bena masandi lubilu, bantu badi baditshiha ne mitshihu ya mashimi, badi bakengesha muena mudimu hadibo bamufuta difutu diandi ne mukashi wa mu lufuila ne muanʼa nshiya, bantu badi bakengesha muntu wa tshisamba tshia bende ne badi kabayi bantshina mene.

Malaki 3:6

Bua meme Yehowa tshitu ngakudimuka, nunku nuenu, bana ba Yakoba, kanuena nubutuka.

Bienzedi 3:14

Nuenu nuakuhidia Udi wa Tshijila ne Muakane, nuakulomba bua kunuhabo muntu mushihianganyi;

Dielulula 32:4

Yeye udi Dibue; mudimu wandi wonso udi muakane, bualu bua nshila yandi yonso idi milulame: Nzambi wa kalolo udi kayi ne bubi, udi ne malu makane a bushuwa.

Dielulula 33:27

Nzambi wa kashidi udi muaba webe wa kushikama talalâ, ne maboko andi a tshiendelele atu akubisha: yeye wakihata bena lukuna ku mesu kuebe, ne yeye wakamba ne, Bashihai.

1 Timote 1:17

Kudi Mukelenge wa kashidi, udi kai mua kufua, udi kai mua kumuenebua ku mesu, Nzambi umue, buneme ne butumbi bikale kudiye ku bikondo ne ku bikondo. Amen.

1 Timote 6:16

anu yeye udi kai mua kufua, udi wikala mu munya udi bantu kabai bamanye mua kufika kudiu, udi muntu kai muanze kuimona, ne udiye kai mumanye mua kumona kabidi; yeye ikale biandi ne buneme ne bukole bua tshiendelele. Amen.

Ebrewu 13:8

Yesu Kilisto udi muomumue makelela ne lelu ne tshiendelele.

Didimanyisha 1:11

diamba ne, Bualu bûdi utangila, ubufunde mu mukanda, ûtume kudi ekelesia muanda mutekete: ku Efeso, ne ku Semuna, ne ku Pêgamo, ne ku Tuatila, ne ku Sâdi, ne ku Filadelefia, ne ku Laodikiya.

Didimanyisha 1:8

Mukelenge Nzambi udi wamba ne, Meme ndi A ne Z, ne udiku, ne wakadiku, ne udi ulua, Wa Bukole Buonso.

1 Samuele 2:2

Kakuena muntu udi muakane bu Yehowa, bualu bua kakuena mukuabo udi ku mpala kuebe: kakuena dibue dikuabo didi bu Nzambi wetu.