Zefania 1:12 - Tshwa Bible

¹² Xikhatini lexo nzi ta lavisisa lomu Jerusalema hi tikandiya; nzi ta tsayisa a vavanuna lava va te ku njha hehla ka zisese zabye, lava va nge ngalo timbilwini tabye: Jehova a nga mahi xinene ge hambu zahava!

Zefania 1:12 Iomraidhean Croise

Joba 21:15

Xini Nyamintamu, wo kala hi mu khozela ke? Hi ta bhinzula yini hi ku mu khongela ke? Ekso. 5:2; Mal. 3:14

Tisimu 10:4

Hi matshanza yakwe a wakubiha aku: A nga zi khataleli. Na alakanya ku ngalo: A ku kona Nungungulu.

Tisimu 14:1

A phuphulu gi wula mbilwini ya gona, giku: A ku kona Nungungulu. Vona va bolile, va maha mitiro yo nyenyeza; A ku kona loyi a mahako kusaseka. Rom. 3:10-12; Gen. 6:5, 11, 12; Tis. 74:18, 22

Tisimu 94:7

Vaku: Jehova a nga zi woni, Nungungulu wa Jakobe a nga va khataleli.

Isaya 5:19

Lava vange: A hatlise, a hatlisise a ntiro wakwe, Kasi ha fela ku wu wona; Ngha a wusungukati ga Wa ku Basa wa ka Israeli gi tshinela, Kasi ha fela ku gi tiva!

Jeremia 10:5

A zifananiso zi kotisa a mhanze sinwini ga maranga, Zi yima kona kanilezi a zi wula wuli; Zona zi lava ku pakatsiwa, hakuva a zi zi koti ku famba. Mu nga zi chavi, hakuva a zi tivi ku maha kubiha, Hambu a kuva ni ntamu wo maha zinene.

Jeremia 48:11

Moabi i tshamile kuruleni kusukela wusweni gakwe, I tshamile hehla ka zisese zakwe, A nga chululiwangi ka xibya ni xibya, Ge hambu ku yiswa wukhumbini. Hikwalaho a kunanziha kakwe wa ha hi nako, Ni masema yakwe a ma hunzukangi.

Ezekieli 8:12

Zonake aku ka mina:. Nʼwana wa munhu, wa zi wona lezi a masingalakati ya yindlu ya ka Israeli ma zi mahako lomu munyameni, munwe ni munwani lomu ndlwini yakwe ya zifananiso ke? Hakuva ve ngalo: Jehova a nga hi woni; Jehova i tsikile a tiko.

Ezekieli 9:4

aku ka yena: Famba u ya tsemakanya muti, a xikari ka Jerusalema, u vekela xifungo zimombyeni za vanhu lava va nga ni mahika, va rilako hi kota ya manyalataniso, lawa ma mahiwako, xikari kabye.

Ezekieli 9:9

Aku ka mina: A kugoha ka yindlu ya ka Israeli na Juda ku hunzelele a ku kula. A tiko gi tele hi nkhata, ni muti wu tele hi lunya, hakuva ve ngalo: Jehova i tsikile a tiko, Jehova a nga woni.

Amosi 6:1

I khombo ka lava va te ku tikatika le Zioni, ni ka vona va te ku nja le xitsungeni xa Samaria, a tihosana ta tiko go ranga xikari ka matiko, lava a yindlu ya ka Israeli yi tako kabye.

Obadia 1:6

Zi ta hlotisiswa kuyini a zilo za Esau! Ma hlotisiswa kuyini a mabako yakwe ma fihlilweko ke?

Malaki 2:17

Mu rerile Jehova hi kuwulawula ka nwina. Kasike mu ngalo: Hi mu rerile hi yini? Hi lezi mu nge: Munwe ni munwani loyi a mahako kubiha i lulamile kuwoneni ka Jehova, niku, wa xalaliswa hi vakunghahi. Ni loku muku: I kwihi a Nungungulu wa nongameto?

2 Pedro 3:4

vaku: Hi kwihi a kuwuya kakwe ku tsumbisilweko ke? Hakuva cima ka lezi vadadani va nga etlela, zontlhe za ha tshamisile zalezo zi nga tshamisile zona hi le kusanguleni ka kuvangiwa.

Kuvululelwa 2:23

A vana vakwe nzi ta va daya hi kufa; zonake a mabandla wontihe ma ta zi tiva lezaku hi mina nzi hlolako tiswa ni timbilu, nzi ta nyika munwe ni munwani wa nwina khwatsi hi mitiro yakwe. 1 Sam. 16:7; Tis. 62:12; Rom. 2:6