Zakaria 13:3 - Tshwa Bible

³ Ku taku ni wihi a ta nga profeta, zonake a raru wakwe ni nyine wakwe lava va mu belekileko, va taku kakwe: U yimelwe hi kufa, hakuva u wulawula mawunwa vitweni ga Jehova! A raru wakwe ni nyine wakwe lava va mu belekileko va ta mu tlhava loku a profeta.

Zakaria 13:3 Iomraidhean Croise

Jeremia 23:25

Nzi zwile lezi a vaprofeti va zi wulako, lava va profetako mawunwa hi vito ga mina, vaku: Nzi lorile, nzi lorile!

Jeremia 23:34

A muprofeti, kutani mupristi, kutani munhu loyi a to wula, aku: Nzhwalo wa Jehova, inaloyi nzi ta mu tsayisa zinwe ni yindlu yakwe.

Jeremia 28:15

Muprofeti Jeremia i lo engeta a wula ka muprofeti Hanania, aku: Ingisaka, Hanania; Jehova a nga ku rumangi; kanilezi u maha lezaku lava vanhu va tsumba mawunwa.

Ezekieli 13:23

hikwalaho mu nga ta ha wona miwoniso ya hava, hambu ni ku vumba. Nzi ta tlhatlhisa a vanhu va mina canjeni ga nwina; mu ta zi tiva lezaku hi mina Jehova.

Ezekieli 14:9

Loku a muprofeti a khohliswa a wula a mhaka yo kari, hi mina Jehova nzi khohlisileko muprofeti loye; nzi ta nawuluta a canja ga mina nzi mu lovisa xikari ka vanhu va mina va ka Israeli. 1 Tih. 22:20; 2 Tos. 2:11

Ezekieli 43:7

I te ngalo ka mina: Nʼwana wa munhu, hi laha ku nga ni xitshamu xa mina xa wuhosi, a wutshamu legi nzi yimileko hi mikonzo ya mina, lomu nzi ta nga tshama xikari ka vanana va ka Israeli kala kupinzuka. A yindlu ya ka Israeli yi nga ta ha nyenyezisa a vito ga mina ga kubasa, vona ni tihosi tabye, hi wubhayi gabye ni zirumbi za tihosi tabye a kufeni ka tona, 2 Tih. 21:18, 26

Mateu 10:37

Loyi a ranzako raru kutani nyine a ku hunza mina a nga nzi faneli; ni loyi a ranzako mufana wakwe kutani nhanyana wakwe a ku hunza mina a nga nzi faneli.

Luka 14:26

Loku a munhu ata ka mina, na a nga vengi a raru wakwe, ni nyine, ni sati, ni vana, ni vanakulobye, ni vamakabye, ina, hambu ni kuhanya kakwe, a nga zi koti ku maha mupizani wa mina. Xip. 16:13

2 Va le Korinte 5:16

Hikwalaho a ha ha tivi munhu hi ka nyama; hambu lezi hi nga mu tiva Kristu hi ka nyama, makunu a ha ha mu tivisi lezo. Mat. 12:50

Deuteronome 18:20

Kanilezi a muprofeti loye a ta nga ti kukumukisa hi ku wulawula hi vito ga mina, a timhaka leti nzi nga mu leletelangiko ku ti wulawula, ni loku a wulawula hi mavito ya vanwani vanungungulu, a muprofeti loye i tafa.

Deuteronome 33:9

Loyi a nga ku ngalo hi dadani wakwe ni mamani wakwe: A nzi va wonangi! Loyi a nga tivangiko vamakabye vakwe, Loyi a nga khataleliko a vanana vakwe, Kasi va hlayisa a gezu ga wena. Va chivirikela xivumelwano xa wena. Ekso. 32:25; Mat. 10:37; Lu. 14:26