Zakaria 11:3 - Tshwa Bible

³ Hi nga zwani a xirilo xa varisi, hakuva a wukosi gabye gi fuvisilwe; ku zwala a kudzuma ka zinghalana hakuva a xihlahla xa Jordani xi lobyisilwe.

Zakaria 11:3 Iomraidhean Croise

Tisimu 22:21

Nzi hanyise kanwini wa nghala, Nzi tlhatlhise timhonzweni ta tinyari.

Isaya 5:29

A kudzuma kabye ku fanana ni ka pswele ga nghala, Va dzuma khwatsi tinghalana; Ina, va dzuma loku va khoma a pfimba wabye, va wu yisa kule, Ku hava loyi a nga wu tlhatlhisako.

Isaya 65:15

A vito ga nwina gi ta sala gi hi xiruko xikari ka vahlawulilweko va mina, Hosi Jehova i ta ku daya, Zonake i ta nyika malanza yakwe a ginwani vito. Jer. 29:22; Kuv. 2:17

Jeremia 2:15

A tinghalana ti wele hehla kakwe na ti tsewuza hi gezu ga tona, Ti hanzulela a tiko gakwe, a miti yakwe yi hisilwe ku nga tshami munhu kona.

Jeremia 2:30

Nzi bile mahala a vanana va nwina, A va vumelangi ku kawukiwa. A supado ya nwina yi khadamule a vaprofeti va nwina, Khwatsi i nghala yi hlakahlako. 1 Tih. 19:10; Mat. 23:34

Jeremia 26:6

mina nzi ta maha leyi yindlu kota Xilo, ni muti lowu nzi ta wu maha xiruko ka tontlhe tixaka ta misava.

Jeremia 49:19

Languta, i tata kota nghala yi humako hi lomu xihlahleni xa Jordani, yiya wugehveni go nyuka. Nzi ta mu hlongola xikanwe; ni wihi loye nzi mu hlawulako, nzi ta mu yimisa hehla ka gona. Hakuva himani a kotako mina? Himani a ta nga nzi yimisela xikhati ke? Himani murisi a ta nga tiya mahlweni ka mina ke?

Jeremia 50:44

Languta, i tata kota nghala yi humako hi lomu xihlahleni xa Jordani, yiya wugelweni go nyuka. Nzi ta mu hlongola xikanwe; ni wihi loyi nzi mu hlawulako, nzi ta mu yimisa hehla ka gona. Hakuva himani a kotako mina? Himani a ta nga nzi yimisela xikhati ke? Himani murisi a ta nga tiya mahlweni ka mina ke?

Jeremia 7:4

Mu nga tsumbi timhaka ta mawunwa, taku: Tempeli ya Jehova, tempeli ya Jehova, a tempeli ya Jehova hi yaleyi!

Ezekieli 19:2

A mamani wa wena i wa hi pswele ga nghonyamo, yi etleleko xikari ka tinghonyamo, Xikari ka zinghalana yi anwisile a zinghalana za yona. Gen. 49:9

Hosea 10:5

A vaaki va le Samaria va ta chava hi kota ya role ga le Betavene; hakuva a vanhu va kona va ta gi rilela, ni vapristi va gona va ta rurumela hakuva a wukosi ga gona gi sukile.

Joeli 1:13

Nwina vapristi, ambalani a tinguwo ta tisakwa, mu rila; banani huwa nwina zitiri za alati; nwina malanza ya Nungungulu wa mina, etlelani gontlhe wusiku na mu ambele a tinguwo ta tisakwa, hakuva a minyikelo ya tinzhoho ni ya kunwa a za ha yiswi koha ndlwini ya Nungungulu wa nwina.

Amosi 8:8

A misava yi nga ta tsekatseka hi kota ya lezo ke, ni vontlhe a vaaki va yona va nga ta maha hlomulo ke? Ina, a misava yontlhe yi ta kukumuka ku fanana ni congo wa Nilo; yi ta vindluka yi tlhela yi bohla kukotisa congo wa le Gipite.

Zefania 1:10

Hi siku lego, ku wula Jehova, ku ta zwala xirilo lomu Nyangweni ya Zidluwani, ni hlomulo hi tlhelo ga xipanze xiswa xa muti, ni guwa ga hombe hi le xitsungeni. 2 Tih. 22:14; Neh. 3:3

Zefania 3:11

A siku lego u nga lawa tingana hi zimaho za wena zontlhe lezi u nzi goheleko ha zena; hakuva nzi ta susa xikari ka wena lava va giyako hi matshanza, zonake wena u nga ta ha ti kukumuxa xitsungeni xa mina xa kubasa.

Zefania 3:3

A tihosana ta wona, tinghala leti ti dzumako; a valamuli va wona va fana ni mahlolwa ni wusiku, ma nga siyiko nchumu xa manziko.

Zakaria 11:2

Kipres, rila hakuva a sedare yi wile, hakuva a tisinya ti nene ti gohilwe! Nwina mikuhlu ya Baxani, rilani hakuva a likwara li wisilwe.

Zakaria 11:8

Hi hweti yinwe nzi lo lovisa varisi vanharu, hakuva a moya wa mina wu wa karele hi tiyivu, ni moya wa tonawu wu wa swihala ha mina.

Mateu 15:14

Va tsikeni; zikhumu, zi rangelako zikhumu-kulobye. Loku xikhumu xi koka xikhumu, zi ta wela rinzini hi wumbiri ga zona.

Mitiro 7:52

Hi wihi wa vaprofeti a vakoko va nwina va nga mu xanisangiko ke? Va dele lava va nga ranga va kanela hi kuta ka Loyi a Lulamileko; loyi nwina mu mu nyikeleko ni ku mu daya;