Zakaria 10:9 - Tshwa Bible

⁹ Nzi ta va xwanya xikari ka matiko, va ta nzi alakanya matikweni ya le kule. Va ta hanya ni vanana vabye, va ta tlhela va wuya.

Zakaria 10:9 Iomraidhean Croise

Nehemia 1:9

kanilezi loku mu tlhelela ka mina, mu hlayisa a zileletelo za mina mu zi maha, hambu loku mu hoxilwe muya magemeta-musi ya tilo, nzi ta va tsombanyisa nzi va wuyiseta wutshanwini legi nzi hlawuleko a kuva wuakelo ga vito ga mina.

Estere 8:17

Matikweni wontihe, ka muti ni muti lowu a mhaka ni zileletelo za hosi zi chikelako, a vaJuda va wa tsaka va maha mubuzo ka siku lego. Vanhu vanyingi va matiko lawo va lo ti maha vaJuda, hakuva a vaJuda va wa mahelwa xichavo xa hombe.

Isaya 44:21

Alakanya timhaka leti, wena Jakobe, wena Israeli, Hakuva u nanza ga mina, nzi ku mahileko; Israeli, u nanza ga mina, nzi nga ta ku rivala.

Isaya 64:4

Hakuva kusukela kaleloko a ku na nga zwiwa, A ku na nga ingisiwa hi ndleve, Ge hambu ku woniwa hi mahlo a Nungungulu munwani Loyi a mahako mitiro ya kunghahi ka lava va mu langutelako.

Isaya 65:23

Va nga ta ti karatela mahala, Va nga ta beleka vanana kasi ku fela khombyeni, Hakuva va tava lixaka leli li katekisilweko hi Jehova; A vana vabye va ta hanya zinwe navo. 1 Kor. 15:38

Isaya 65:9

Nzi ta humesa vana hi ka Jakobe, Ni xiga-tshomba xa zitsunga za mina hi ka Juda. A va hlawulilweko va mina va ta fumela tiko, Ni malanza ya mina ma ta aka kona.

Jeremia 31:27

Langutani, a masiku ma hata, ku wula Jehova, lawa nzi to byaleta a tiko ga ka Israeli ni tiko ga ka Juda hi mbewu ya vanhu ni mbewu ya zihari.

Jeremia 51:50

Nwina lava mu ponileko a supado, tsutsumani mu nga yimi; alakanyani Jehova na mu hi kule, mu alakanya Jerusalema timbilwini ta nwina.

Ezekieli 6:9

Lava va ta nga huluka Xikari ka nwina, va ta nzi alakanya matikweni lawa va ta nga yiswa kona wukhumbini, laha na nzi tshovile a timbilu tabye leti ti nga tsumbekangiko, leti ti sukileko ka mina; ni mahlo yabye lawa ma mbilukelako a zifananiso zabye. Va ta ti nyenya wutsumbu gabye hi kota ya kubiha loku va ku mahileko ka wontihe manyalataniso yabye. Mitse. 15:39

Hosea 2:23

Nzi ta ti byalela yena lomu tikweni, Lo-ruhama nzi ta mu zwela wuxinji, nziku ka Lo-ammi: Nwina mu vanhu va mina. Vona va taku ka mina: Wena u Nungungulu wa hina. Zak. 13:9; Rom. 9:25; 1 Ped. 2:10

Amosi 9:9

Hakuva nzi ta leletela lezaku a yindlu ya ka Israeli yi heheriwa xikari ka matiko wontlhe, kukotisa a mavele ma heheriwako hi lihlelo, ku ngawi ni nzhoho yinwe lahasi.

Mika 5:7

A misalela ya ka Jakobe yi tava xikari ka matiko manyingi, khwatsi i nzhokati yi tako hi ka Jehova, ni ku khwatsi madona ya vula laha ka byanyi, leyi yi nga yimiswiko hi munhu, hambu ku rinzela a vana va vanhu.

Mitiro 8:1

Na yena Saule i lo vumela ka kufa ka Stefani. Hi lego siku ku lo vuka a kuxaniswa ka hombe ko vukela handla legi gi nga hi Jerusalema; vontlhe va lo hangalaswa matikweni ya Judia ni le Samaria, ku sala a vapostoli ntsena. Xip. 7:58; 11:19

Mitiro 8:4

Zonake lava va nga hangalakile va lo fambafamba va kanela ivangeli. Mat. 10:23; Xip. 11:19

Va le Roma 11:24

Lezi wena u nga tsemiwa lomu sinyeni leyi yi nga ya khwati hi mahanyela, u tlhomiwa lomu sinyeni yo saseka ya oliva na ku nga hi mahanyela; nguvunguvu lava va nga maravi ya zimilwa, va ta tlhomiwa lomu sinyeni yabye ya oliva.