Zakaria 1:6 - Tshwa Bible

⁶ Kanilezi a timhaka ta mina ni zilayelo za mina, lezi nzi nga zi leletela ka vaprofeti a malanza ya mina, a zi kamanyetangi a vadadani va nwina ke? kasi va hunzuluka, vaku: Khwatsi hilezi Jehova wa tiyimpi a xuvileko ku maha zona ka hina, maringano ni tindlela ta hina ni zimaho za hina, i hi mahele lezo.

Zakaria 1:6 Iomraidhean Croise

2 Tihosi 15:12

Legi hi gona a gezu legi Jehova a nga byela Jehu, aku: A vana va wena va ta tshama xitshanwini xa wuhosi ga ka Israeli kala xizukulwana xa wumune; zi lo mahisa zalezo.

Joba 6:29

Tlhelani, nza mu kombela, ngha ku ngavi na xigoho; Ina, mu cuwukisisa kululama ka mina.

Isaya 21:17

ni misalela ya vamawura va tinhenha xikari ka vana va Kedare yi tava yitsongwani. Hakuva Jehova a Nungungulu wa Israeli i wulile lezo.

Isaya 44:26

Kanilezi nza tiyisa a mhaka ya nanza ga mina, Nzi tatisa a makungo ya mitsukano ya mina. Hi mina nzi wulako ka Jerusalema, nziku: A vanhu va ta tshama ka wena, Nziku ka miti ya ka Juda; Mu ta aketwa; Nzi ta vuxa a marumbi ya kona.

Isaya 55:1

Nwina nwentlhe mu nga ni tora, ngonani matini; Na nwina lava mu nga hava mali, Ngonani mu ta xava mavele muga; Ina, Ngonani mu ta xava mavele ahandle ka mali, Mu kuma vinya ni masi mahala. Mat. 11:28; Joh. 7:37; Kuv. 22:17

Isaya 55:11

Yi tava tano a mhaka ya mina yi humako nonwini wa mina; Yi nga ta tlhelela ka mina mahala; Kanilezi yi ta maha lezi nzi zi xuvako, Yi ta hetisa lezi nzi yi rumeleko zona, Joh. 6:63; Miti. 12:24

Jeremia 23:20

A zanga ya Jehova yi nga ta bohla na a nga se ku tatisa a mixuvo ya mbilu yakwe; a masikwini ma ha tako mu ta zi pimisisa khwatsi.

Jeremia 26:15

Ntsena tivani lezaku, loku mu nzi daya, mu neha a nkhata wu nga hiko na nanzu hehla ka wutsumbu ga nwina, ni hehla ka muti lowu, ni hehla ka vontlhe va akileko ka wona; hakuva hi Jehova a nzi rumileko a ku ta kanela ka nwina tontlhe leti timhaka. Mat. 23:35

Jeremia 28:17

Hikwalaho muprofeti Hanania i lofa hi gwalego lembe, hi hweti ya wuntlhanu ni timbiri.

Jeremia 32:24

Hi nga wona a tigingisi va vimbezeleko muti ha tona kasi ku wu teka; a muti wu nyikelwe mandleni ya maKaldea lava va lwako nawo, hi kota ya tisupado ni ndlala ni ntungu. Lezi u nga zi wula za tatiseka, wa zi wona.

Jeremia 36:28

Ti tekele a ginwani bhuku, u tsala ka gona tontlhe a timhaka leʼto ranga ti nga hi ka bhuku go sangula, legi gi nga hisiwa hi Jehoiakimu hosi ya ka Juda.

Jeremia 39:16

Famba u ya byela Ebed-meleki a muEtiopia, uku: Jehova wa tiyimpi, a Nungungulu wa Israeli i ngalo: Languta, nzi ta tatisa a timhaka ta mina hehla ka lowu muti hi kubiha, na ku nga hi kusaseka; ti ta tatiseka kuwoneni ka wena hi lego siku.

Jeremia 4:4

Mahani zitshiva ka Jehova, Mu susa a dewu ga timbilu ta nwina, Nwina vavanuna va ka Juda ni vaaki va Jerusalema, Kasi a zanga ya mina yi nga ta vutsuka kota nzilo, Wu vura lezaku wu nga timiwi, Hi kota ya kubiha ka mitiro ya nwina. Deut. 10:16; Rom. 2:28; Kol. 2:11

Jeremia 44:2

Jehova wa tiyimpi a Nungungulu wa Israeli, i ngalo: Mu wonile a makhombo wontihe lawa nzi ma nehileko hehla ka Jerusalema ni miti yontlhe ya ka Juda. Hi nga wonani, inyamutlha yi mahile marumbi, a ka hi na munhu ka yona,

Jeremia 44:28

Lava va ta nga pona supado, va nga hi va moyana, va ta huma lomu Gipite va tlhelela tikweni ga ka Juda. Hi kona a misalela yontlhe ya ka Juda, lava va tileko va ta luvela lomu tikweni ga Gipite va ta nga zi tiva aku a mhaka yo tiya hi ya mani, a yabye kutani ya mina.

Jeremia 44:29

A xikombiso xa nwina xo tiyisa lezaku nzi ta mu tsayisa wutshanwini legi, ku wula Jehova, kasi mu fela ku zi tiva lezaku a timhaka ta mina ti ta tatiseka hi khombo hehla ka nwina, hi lexi:

Jeremia 44:6

Hikwalaho a khulo ga mina ni zanga ya mina zi lo chululeka zi vura lomu mitini ya ka Juda ni lomu maruweni ya Jerusalema; inyamutlha lezi zi hahlulwe zi maha marumbi.

Jeremia 5:14

Hikwalaho Jehova Nungungulu wa tiyimpi i ngalo: Hi kota ya lezi mu wulileko lezo, nzi ta hunzula a timhaka ta mina tiva nzilo a nonwini wa wena, nzi hunzula tiko legi giva tihunyi, ni nzilo wu ta va khadamula,

Mikosi 1:18

Jehova i lulamile, kanilezi nzi alile a zileletelo zakwe. Zwanani nwina nwentlhe matiko, mu wona a kuxaniseka ka mina! A vanhwana va mina ni majaha ya mina va yisilwe wukhumbini.

Mikosi 2:17

Jehova i mahile lezi a zi xuvileko, I tatisile a mhaka yakwe leyi a nga yi leletela kaleloko; I khungumule, na a nga hi na kutsetsa; I tsakisile lava va ku vengako; a tlakusa a limhonzo la valala ya wena. Levi 26:14; Deut. 28:15

Mikosi 3:42

Hi gohile hi ti alisa; Wena a ku hi tsetselelangi.

Ezekieli 20:43

Lomo mu ta alakanya a mahanyela ya nwina, zi zontlhe zimaho za nwina lezi mu nga ti nyenyezisa ha zona; mu ta ti nyenya hi kota ya kontlhe kubiha loku mu ku mahileko.

Ezekieli 37:11

Zonake aku ka mina: Nʼwana wa munhu, a marambu lawa hi yindlu yontlhe ya ka Israeli. Languta, ve ngalo: A marambu ya hina ma womile, hi mbhelelwe hi kutsumba, hi lovele magumo.

Danieli 4:28

Zontlhe lezi zi mahekile ka hosi Nebukadnezzare.

Hosea 5:9

Efraime i ta maha marumbi hi siku ga kutsayiswa; nzi tivisile a tixaka ta ka Israeli a zinene za lezi zi ta ngata.

Hosea 9:15

A kubiha kabye kontlhe ku le Gilgale, hakuva hi laho nzi va vengeleko kona. Hi kota ya kubiha ka zimaho zabye, nzi ta va hlongola lomu ndlwini ya mina. Nzi nga ta ha va ranza; a tihosana tabye tontlhe ta nzi vukela.

Amosi 9:10

Vontlhe vaonhi va tiko ga mina va ta dawa hi supado, lava vange: A khombo gi nga ta hi tshinelela, ge hambu ku hi wela.

Zakaria 1:7

Hi siku ga 24 ga hweti ya 11, yi nga hweti ya Xebate, hi lembe ga wumbiri ga kufuma ka Dariusi, a mhaka ya Jehova yi lota ka muprofeti Zakaria a nʼwana Berekia, nʼwana Iddo, yiku:

Malaki 3:18

Zonake mu ta tlhela mu wona a kuhambana ku nga kona ka loyi a lulamileko ni wakubiha, xikari ka loyi a tirelako Nungungulu ni loyi a nga mu tireliko.

Mitsengo 23:19

Nungungulu a hi munhu a hembako, Ge a hi nʼwana wa munhu a hunzulukako. Kasi hi yena wo wula a wuya a nga mahi ke? Xana ngwo wula a wuya a nga mbhelelisa ke? 1 Sam. 15:29; Tit. 1:2

Mitsengo 32:23

Kanilezi loku mu nga mahi lezo mu tava mu onhile ka Jehova; hikwalaho tivani lezaku a xionho xa nwina xi ta tlhela xi mu kuma.

Mitsengo 33:56

Zonake nzi ta tlhela nzi maha ka nwina lezi nzi nga wa lava ku maha ka vona.

Mateu 24:35

A tilo ni misava zi ta hunza, kanilezi a timhaka ta mina ti nga ta hunza. Isa. 51:6; Mar. 13:31

Deuteronome 28:15

Kanilezi loku u nga ingisi a gezu ga Jehova Nungungulu wa wena, ni ku hlayisa yontlhe milayo yakwe ni zontlhe zileletelo zakwe, lezi nzi ku leletelako zona inyamutlha, wontihe makhombo lawa ma tata hehla ka wena ma ku khubhunyeta. Mik. 2:17; Mal. 2:2

Deuteronome 28:2

Zontlhe zikatekiso lezi zi tata hehla ka wena zi ku fenengeta, loku u ingisa a gezu ga Jehova Nungungulu wa wena.

Deuteronome 28:20

Jehova i ta rumela makhombo ni kuxaniseka ni kulahlekelwa ka yontlhe mitiro leyi u ta nga sangula hi canja ga wena, ni leyi u ta nga yi tira, kala u mbhetiswa, u loviswa hi kuhatlisa, hi kota ya mitiro ya wena ya kubiha leyi u nzi fulareleko ha yona.

Deuteronome 28:45

Wontihe makhombo ma tata hehla ka wena, ma ku lanzela ma kala ma ku khubhunyeta u lobyiswa, hakuva wena a ku ingisangi a gezu ga Jehova Nungungulu wa wena, ni ku hlayisa milayo yakwe ni zileletelo zakwe lezi a ku leleteleko zona.

1 Va le Tesalonika 5:4

Kanilezi nwina, vamakabye, a mu le munyameni, ko kala lego siku gi mu juma khwatsi i khamba. 1 Joh. 2:8